bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kirundi
/
Kirundi (Bibliya Yera 1951, 1967 (Burundi))
/
Lamentations 3
Lamentations 3
Kirundi (Bibliya Yera 1951, 1967 (Burundi))
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
1
Nd’ umuntu yabonye umubabaro uzanywe n’inkoni y’uburake bgayo.
2
Yaranjanye ancisha mu mwiza, atari mu muco.
3
N’ukuri yashishikaye kumbangurira ukuboko vuba na vuba burinda bgira.
4
Yasāzishije inyama zanje n’ urukoba rwanje; yavunaguye amagufa yanje.
5
Yaranziguje, ankikiza indurwe n’umubabaro.
6
Yangerereye ahantu h’umwiza nk’abapfuye kera.
7
Yankubakuvye impande zose ngo sincārūke; yatumye umunyororo wanje undemēra.
8
Mber’ iyo ndamutakambiye ndamutabaza, ugusenga kwanje akwugaranira hanze.
9
Yajibije inzira zanje ibibuye bibājwe; yagoretse inzira zanje.
10
Ammereye nk’igikōko citwa idubu kibundiye kwica, nk’ intambge itegeye mu bibundo.
11
Yakikamitse inzira zanje, kandi yarantabaguye; yangize inkōkōre.
12
Yamfōreyek’ umuheto, anshinga nk’uruti rw’icumu, antimbisha imyampi yiwe.
13
Imyampi yo mu mutana wiwe ayintobekeranije mu mafyigo.
14
Nahindutse ak’ amenyo mu bgoko bgacu bgose, n’ akavyino kabo umusi ukīra.
15
Yanyujuje ibamba, ampāza umururazi.
16
Amenyo yanje yayahongoje urusekebuye, yanyubitse mu munyota.
17
Kand’ ubugingo bganje bgatandukanijwe n’amahoro, ukuroranirwa narakwibagiye.
18
Maze ndavuga, nt’ Inkomezi zanje zirashize, n’ivyizigiro nari mfise k’Uhoraho na vyo biraheze.
19
Ibuka umubabaro wanje n’ intuntu yanje, umururazi n’ indurwe.
20
Umutima wanje wama uvyibuka, ugenda wicurikiriye muri jewe.
21
Ibi ni vyo nibuka, bikantera ivyizigiro:
22
N’ukw imbabazi z’Uhoraho ari zo zatumye tudaherengetezwa, kukw ikigongwe ciwe kidahera:
23
Cama ari gisha uko bukeye; ingen’ ar’ umwizigirwa bīratangaje.
24
Uhoraho ni we mugabane wanje, ni k’umutima wanje wama uvuga; ni co gituma nzohora mmwizigira.
25
Uhoraho agirira neza abamwiteze, n’imitima imurondera.
26
Ni vyiza k’umuntu yizigira, akitega agakiza k’Uhoraho atekereje.
27
Ni vyiza k’umuntu amenyerezwa ingōgo yo kuganzwa akiri muto.
28
Ni yicare wenyene, acereze, kukw ar’ Uhoraho yayimwambitse.
29
N’ashikane umunwa wiwe mu mukungugu, namba kumbure harih’ ivyizigiro.
30
N’ategere umusaya ūmukubita; bamuhāze ibitutsi.
31
Kuk’ Umwami Imana ata ho azota umuntu ruhebga.
32
Naho yomubabaza, arikw azomugirira ikigongwe, nk’ ukw isinzi ry’imbabazi ziwe riri.
33
Kukw atababaza abantu abigomba, canke kubatera intuntu.
34
Gusiribanga imbohe zose zo mw isi,
35
Canke kugoreka urubanza rw’ umuntu mu nyonga z’Īsumba vyose,
36
Canke kurya urubanza rw’ umuntu, Umwami Imana ntabishima.
37
Ni nde yovuga ikintu, kikaboneka, kand’ Umwami Imana atari we yabigeze?
38
Mbega mu kanwa k’Īsumba vyose ntihavamw’ ivyago n’ivyiza?
39
Umuntu akiriho, iy’ ahaniwe ivyaha vyiwe, yokwidogera iki?
40
Enda ni dusesangure ingeso zacu, tuzisuzume, tugaruke k’Uhoraho.
41
Ducurūrire imitima yacu Imana yo mw ijuru, tuyitarikiye amaboko,
42
Tuti Twaracumuye, turagarariza; ntiwaduharira.
43
Wadutwikiriye uburake, uradutōta; waratwishe, nta mbabazi watugirira.
44
Witwikiriye igicu, kugira ng’ ugusenga kwacu ntikumenēre ngo kugushikīre.
45
Waduhinduye nk’udukokorwa n’umwavu hagati y’amahanga.
46
Abansi bacu bose baratwasamiye.
47
Ibiteye ubgoba n’urusumanyenzi bidushitseko, bo n’ ubugesera no kuranduka.
48
Amaso yanje atemberanamw’ inzūzi z’amosozi, kubgo kuririra ukuranduka kw’ umukobga w’ubgoko bgacu.
49
Amaso yanje aracunduguta, ntasigaho, ntahengeshanya,
50
Gushitsa igihe Uhoraho azokwitegereza, akarāba hasi ari mw ijuru.
51
Amaso yanje aransābije kubgo kuririra abakobga bose bo mu gisagara cacu.
52
Abanyankira ubusa bampīze cane nk’inyoni,
53
Batsinze ubugingo bganje mw ibohero i bgina, banyubikakw ibuye.
54
Amazi yarandenze ku mutwe; maze ndavuga, nti Ndapfuye.
55
Natakambiye izina ryawe, ewe Uhoraho, nd’ i bgina kure mw ibohero.
56
Wumva ijwi ryanje; ntukinge ugutwi kwawe ngo ntiwumve kuniha kwanje n’ugutaka kwanje.
57
Umusi nagutakambira waranyegereye; uravuga, uti Nta co utinya.
58
Mwami, wabūranye urubanza rw’umutima wanje; wacunguye ubugingo bganje.
59
Uhoraho, wabonye ukuntu ngiriwe nabi: n’uncire urubanza.
60
Wabonye guhōra kwabo kwose n’imigabo bangīra yose.
61
Wumvise ibitutsi vyabo, Uhoraho we, n’imigabo bangīra yose,
62
N’amagambo y’abahagurutswa no kuntera, n’inama zabo zose bangīra umusi ukīra.
63
Ni witegereze iyicara ryabo n’īva hasi ryabo: mbaye akavyino kabo.
64
Uhoraho we, uzobasubiriza mu nkōko ibihwanye n’ibikorwa vy’amaboko yabo.
65
Uzobaha umutima ukomantaye, umuvumo wawe ushike kuri bo.
66
Uzobirukana uri n’uburake, uzobaherengeteza musi y’ ijuru ryawe, ewe Uhoraho.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
All chapters:
1
2
3
4
5