bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
1 Kings 10
1 Kings 10
Romani Ursari 2018 (Biblia Ande Chib Romani)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 11 →
1
E charoina katar o Saba asunda katar o Salomon kai saia but pinllardo pala o anav e Devleko. Ta avili te zumavel le, te sai puchel le ezgode trudne, te dikhel dal ka acharen len.
2
Ta avili ando Jerusalem bute llenenchar, ta deve kai inllarena merisura, but sunakai, ta barra but sukar. Ta puchla le but ezgode.
3
Ta o Salomon llangla sa so puchla le e charoina. Ni saia niso kai ni llanela.
4
Kana e charoina katar o Saba dikhla o bizaipe katar o Salomon, ta o cher kai vazdia,
5
o jape sukar pe sinia, e sobe katar e gazda, o baripe katar e sluge ta lenge patave, e sluge kai inllarena e tasura, ta e kurbanura phabarde kai denape ando cher e Devleko, chudisali but.
6
Ta phenda e charoke: Sa so asundem katar che ezgode ta katar cho bizaipe ande mi phuv, si chachipe.
7
Me ni pachava, a avilem ta dikhlem me akhenchar kai so phende mange inai ni o dopas katar o bizaipe ta o lachipe kai si tut.
8
¡Blagosime te aven che sluge kai suako drom si pasa tu ta asunen cho bizaipe!
9
¡Blagosime te avel cho Del kai dikhla tut dragostimaia, ta thoda tut charo ando Israel! ¡Soke o Del volil e Israele ta thoda tut charo te sai gazdari orta ta chachimaia!
10
Mapalal voi dia e charo trin milie ta inia stotine ta sovardes kile sunakai. But merisura ta barra sukar. Nikada ni saia ando Israel gachin merisura sargo gola kai dia e charoina e Salomone.
11
Ta e llimie katar o Jiram kai ande o sunakai katar o Ofir, i anda but kotora kastune lole ta but kuch, ta barra sukar.
12
E kastenchar lole, o charo cherda barande ando cher e Devleko ta ando cher katar e charoina, ta i cherda arpe ta salteriura e llenenge kai llilabena. Nikada ni saia gachin kotora kastune lole ta kuch, ta ni allive ni dikhol gachin.
13
Ta o charo o Salomon dia e charoina katar o Saba sa so mangla voi, ta i dia la ezgode kai vou mangla te del la. Ta e charoina irisaili kai pi phuv pe slugenchar.
14
O sunakai kai o Salomon lela suako burs sea bis ta dui milie kile,
15
bi te llindon e love kai saia te pochinen e llene kai chinena ta bichinena, e llene kai radina, e charura katar e Arabia ta e gazda katar e phuv.
16
Ta i o charo o Salomon cherda dui stotine eskudura ucharde ando sunakai. Ande suako iek thoda sov kile sunakai.
17
Ta cherda ios trin stotine eskudura ucharde ando sunakai mai minone, kai ande suako iek thoda iek kila ta dopas sunakai, ta thoda len ando cher kai ikharena le Vos katar o Libano.
18
Ta i cherda iek trono katar o marfil uchardo ando mai lacho sunakai.
19
O trono sea le sov eskalonura. E rig mai vazdini saia sargo kolo pe rig e zeengi. Ta pe dui riga katar e stolicha sea le va kai pasa lende sea dui lionura.
20
Ta sea ios desudui lionura pe eskalonura pe dui riga. ¡Nikada ni cherdea ande aver phuv iek trono gia sukar!
21
Ta sa e tasura katar o charo o Salomon sea sunakune, ta suako tepsie katar o cher kai ikharena le Vos katar o Libano sea sunakune. Niso ni saia rupuno, soke ande llivesa katar o Salomon o rup saia but eftino,
22
soke e charo sea le ande mora llimie katar o Tarsis kai avena iek drom suako trin burs kana avena e llimie katar o Jiram, ta anena sunakai, rup, marfil, maimunura ta churkura sukar.
23
Gia o charo o Salomon saia o mai barvalo ta o mai bizai maskar sa e charura katar e phuv.
24
Sa o sueto mangela te dikhel le ta te asunel o bizaipe kai diaia le o Del.
25
Ta suako burs anena leke ezgode. Ezgode rupune ta sunakune, patave, ezgode marimake, merisura, gra, ta magarchura.
26
O Salomon chidia bordona ta llene kai llan pe gra. Sea le milia ta star stotine bordona, desudui milie llene kai llan pe gra ta thoda len ande forura katar e bordona, ta e boñikonenchar kai arakhena le ando Jerusalem.
27
Ta o charo cherda te avel o rup ando Jerusalem gachin sargo e barra, ta te barion e kasta katar o sedro gachin sargo e lulunlla kai barion pe kasta katar e Safela.
28
E gra ta e chitura katar o Salomon anela len katar o Ejipto, soke e llene kai radina e charoke chinena len incha.
29
Ta llana ta avena katar o Ejipto. Iek bordon molale sov stotine tolaria rupune, iek gra molale stotina ta pinda. Ta sa e charura, jititura ta siriura, chinena len katar e llene kai radina e charoke.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22