bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
1 Kings 11
1 Kings 11
Romani Ursari 2018 (Biblia Ande Chib Romani)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
1
O charo o Salomon volisarda e chea katar o Faraon, ta i volisarda bute diskinien katar o Moab, katar o Amon, katar o Edom, katar o Sidon ta katar e jititura.
2
Diskinie katar e forura kai o Del phendaia te na zininpe lenchar, soke gala diskinie sai sikaven tumen te blagosin avere delen. A o Salomon zinisailo lenchar soke volisarda len.
3
Ta sea le efta stotine diskinie kai sea charoine, ta trin stotine konkubine. Ta leke diskinie boldie leko lio.
4
Ta kana o Salomon saia phuro, leke diskinie sikade le te blagosil avere delen, soke leko lio ni saia orta sargo o lio katar o David leko dad.
5
O Salomon blagosisarda e Astoreta, o del katar e sidoniura, ta blagosisarda e Milkome, o del gado katar e amonitura.
6
Ta o Salomon cherda o bilachipe angla o Del, ta ni llelo orta e Devlea sar cherda le leko dad o David.
7
Ondaka o Salomon cherda po burdo kai si pe rig kai likel o kham ando Jerusalem iek cher molimako e Kemoseke, o del gado katar e moabitura, ta i e Molokeke, o del gado katar e amonitura.
8
Gia cherda sa pe rromienge kai ni sea katar o foro e Israeleko, kai phabarena o taimano ta dena kurbanura avere delenge.
9
Ta o Del jolailo po Salomon, soke o lio e Salomoneko durilo katar o Del e Israeleko kai sikadilo leke dui droma,
10
ta phendaia leke te na blagosil avere delen. A vou ni cherda so phenda leke o Del.
11
Ta o Del phenda e Salomonoke: Ni cherdan so phendem chuke, ni gurudan mo alav kai diem tut. Goleke, me ka lav tutar e charoina ta ka dav la che slugake.
12
A pala o David cho dad kai voliv le, ni ka cherav le ande che llivesa. Ka lav le katar cho chavo.
13
Ta ni ka phagav sa e charoina, soke ka dav che chave iek vicha. Gua ka cherav le pala o David cho dad kai voliv le, ta pala o Jerusalem o foro kai esvirisardem.
14
Ta o Del cherda te avel e Salomone iek dusmano, o Adad, kai saia katar e vicha e charonengi ando Edom.
15
Soke kana o David saia ando Edom, o Joab gazda e boñikonengo, avilo te prajol e mulen, ta mundarda sa e murusen katar o Edom.
16
O Joab ta sa o Israel achile kote sov chon lligo ni mundarde sa e murusen katar o Edom.
17
Ta o Adad ta nesave sluge katar leko dad, nasle ando Ejipto. Ande gua vreme o Adad saia iek chaurro minono.
18
Avile katar o Madian llik kai o Paran. Kote lie slugen, ta avile kai o Faraon o charo katar o Ejipto, kai dia len cher, jape ta i dia len phuvia.
19
Ta o Faraon cherela but pala o Adad ta dia pe rromiake phea te zinilpe laia, e phei katar e charoina e Tajpenes.
20
E phei katar e Tajpenes maladilo lake minono katar o Adad, ta ikharda le Genubat. Ta e Tajpenes bariarda le e chavenchar e Faraonoke, ando cher katar o Faraon.
21
Ta kana asunda o Adad kai muloa o David, ta kai i o Joab muloa, phenda e Faraoneke: Muk man te llautar kai mi phuv.
22
Ta o Faraon phenda leke: ¿Soke mange te iri tut kai chi phuv? ¿So inai tut manchar? Ta vou phenda: Niso. Me moliv man chuke, muk man te llautar.
23
Ta i o Del cherda te avel aver dusmano e Salomonoke, o Rezon chavo katar o Eliada kai nasloia katar po gazda o Adad Ezer, o charo katar o Soba.
24
O Rezon chidia peke llenen kochkaria, ta gazdarila pe lende. Kana o David mundarda gole llenen, o Rezon llelotar ando Damasko ta kote thode le te charoil.
25
O Rezon saia dusmano katar o Israel sa e llivesa e Salomonoke. Ta vou saia aver bilachipe kai avilo e Salomonoke mapalal katar o Adad, soke murzila po Israel, ta charoisarda ande Siria.
26
Ta i o Jeroboam chavo katar o Nabat, o efrateo katar o Sereda, kai saia sluga e Salomoneko ta kai leki dei saia iek phivli kai ikhardola Zerua, i vou cherdilo leko dusmano.
27
O Jeroboam cherdilo o dusmano e Salomoneko soke kana o Salomon vazdia o Milo, phangla o udar katar o foro pe dadeko e Davideko.
28
Ta gava Jeroboam saia but tromano ta zuralo. Ta kana dikhla le o Salomon kai saia iek lleno kai radila sukar, thoda le te arakhel o cher e Joseeko.
29
Iek llive o Jeroboam likisto katar o Jerusalem ta po drom malada le o profeta o Ajias katar o foro Silo. Ta o Ajias saia uchardo ando iek gertachi nevo, ta e dui sea korkorre ando vos.
30
Ta o Ajias lia o gertachi ta pharrada le pe desudui kotora,
31
ta phenda e Jeroboameke: Le chuke des kotora, soke gia phenda o Del katar o Israel: Me ka lav e charoina katar o Salomon ta ka dav tute des viche,
32
ta e Salomone ka avel le iek vicha pala o David mo sluga kai voliv le, ta pala o Jerusalem o foro kai esvirisardem maskar sa e viche katar o Israel,
33
soke mukle man ta blagosin e Astoreta o del katar e sidoniura, blagosin e Kemose o del katar e moabitura, ta blagosin e Moloke, o del katar e amonitura, ta ni llan pe me droma, ta ni guruven me zakonura, sar cherda le o David leko dad.
34
Ni ka lav letar sa e charoina, ka mukav le te charoil ande sa leke llivesa, pala o volipe kai si man po David mo sluga kai esvirisardem ta kai guruda me zakonura.
35
A ka lav e charoina katar leko chavo, ta ka dav tute e des viche.
36
Ta ka dav leke chave iek vicha, te sai avel iek lampara e Davideke ostade angla ma ando Jerusalem o foro kai me esvirisardem, te thovav mo anav kote.
37
Me ka thovav tut te charoi ande sogo mangea, te sai ave o charo katar o Israel.
38
Ta te cherea sa so ka phenav chuke, te llaia orta angla ma, ta te cherea so phenen me zakonura sar cherda le o David mo sluga, me ka avav tuia ta ka cherav te avel tut porodo baro, sar cherdem le e Davidea, ta ka dav tut o Israel.
39
Ta pala so cherde, me ka pativ e Davideke chaven. A ni ka cherav le ostade.
40
Goleke o Salomon mangla te mundarel e Jeroboame, a o Jeroboam naslo kai o Sisak o charo katar o Ejipto, ta kote achilo lligo ni mulo o Salomon.
41
Sa so cherda o Salomon, ta sa leko bizaipe ¿Inai pisime ando lil katar e ezgode kai cherda o Salomon?
42
O Salomon charoisarda ando Jerusalem pe sa o Israel, saranda burs.
43
Ta kana mulo prajosarde le ando foro katar leko dad o David. Mapalal charoisarda leko chavo o Roboam.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22