bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
1 Kings 4
1 Kings 4
Romani Ursari 2018 (Biblia Ande Chib Romani)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 5 →
1
O Salomon saia o charo ande sa e phuv katar o Israel.
2
Ta gala sea leke sudura kai pomozisarde le: O Azarias, chavo katar o popo o Sadok,
3
o Elijoref ta o Ajias, chave katar o Sisa, kai pisina e ezgode kai nakhena, o Josafat chavo katar o Ajilud, arakhela e lila katar o charo,
4
o Benaias, chavo katar o Joiada, gazda e boñikonengo. O Sadok ta o Abiatar e popura.
5
O mai baro sudo o Azarias chavo katar o Natan, o gazda katar e gazda. O Zabud chavo katar o Natan, amal e charoko.
6
O Ajisar, sluga ando cher e charoko, ta o Adoniram chavo katar o Abda, kai chidela e love dine e charoke.
7
E Salomone sea le desudui gazda pe sa e phuv katar o Israel. Suako iek lendar saia te anel o jape e charoke te leke familiake iek chon ando burs.
8
E anava katar e desudui gazda sea: O Ben Jur, pe burdura katar o Efraim,
9
o Ben Deker ando Makas, ando Saalbim, ando Bet Semes, ando Elon ta Bet Janan,
10
o Ben Jesed ando Arubot, ta i ando Soko ta ande sa e phuv katar o Efer,
11
o Ben Abinadab, ande sa e phuv katar o Dor. Leki rromi saia e Tafat, chorri e Salomoneki,
12
o Baana, chavo katar o Ajilud, ando Taanak, ando Megido ta ando sa o Bet Sean, kai si pasa o Saretan, ando Jezreel, katar o Bet Sean llik o Abel Mejola, mai incha katar o Jokmeam,
13
o Ben Geber, ando Ramot katar o Galaad, gazdarila pe forichura ando Galaad, kai sea katar o Iair chavo katar o Manases, ta i ande phuv katar o Argob kai saia ando o Basan, ta sea kote sovardes forura kai truial lendar sea zidura ta alkave cherde katar o tuch,
14
o Ajinadab, chavo katar o Ido, ando Majanaim,
15
o Ajimaas, saia katar e Basemat, chorri e Salomonoki, ando Neftali,
16
o Baana, chavo katar o Jusai, ando Aser ta ando Alot,
17
o Josafat, chavo katar o Paruaj, ando Isakar,
18
o Simei, chavo katar o Ela, ando Benjamin,
19
o Geber, chavo katar o Uri, ande phuv katar o Gad, ande phuv katar o Sijon, o charo katar e amorreura, ta o Og, o charo katar o Basan kai saia o edino kai gazdarila pe goia phuv.
20
Ande phuv katar o Juda ta o Israel sea but llene, sea sargo e chisai kai si pasa e mora. Saia but jape ta pipe, ta saia but veselia.
21
O Salomon gazdarila pe sa e charoine kai sea katar o pai o Eufrates llik kai e phuv katar e filisteura ta i pasa e phuv katar o Ejipto. Sa gala phuvia pochinde love dine e charoke sa e llivesa e Salomonoke.
22
Ta suako llive anena jape kai o Salomon, anena: Milia ta sov stotine kile arina mai sani, ta desutrin milie ta dui stotine kile arina,
23
des guruva thule, bis guruva kai bariaren len ande stoke, ta stotina bakre. Siervura, bakre katar e burdura, ta chiriklia thule,
24
soke o Salomon gazdarila ande sa e phuv kai achela pe rig kai perel o kham katar o pai o Eufrates, katar o Tifsa llik e Gaza. Gazdarila pe sa e charura katar gala phuvia, ta saia pas truial.
25
Ande llivesa katar o Salomon, sa o foro katar o Juda ta o Israel, katar o Dan llik o Berseba, zivina ande pas. Suako lleno telal katar pe kasta drakhenge, ta telal katar pe kasta simochinenge.
26
E Salomone sea le saranda milie gra kai inllarena bordona, ta desudui milie murusa kai llana pe gra.
27
Ta e gazda kai anena o jape e Salomoneke, suako iek avela pe sinia e Salomoneki ta achela chon llive te dikhel so trubula.
28
Ta kana avela lengo vreme, e gazda anena sebada ta char e grastenge ta e zivirinienge kai inllarena ezgode.
29
O Del cherda e Salomone bizai, ta o Salomon saia gia bizai kai acharela sa e ezgode.
30
O bizaipe katar o Salomon saia mai but neko o bizaipe katar e llene kai sea ando oriente, ta mai but neko o bizaipe katar e ejipsiura.
31
O Salomon saia o lleno mai bizai, mai bizai neko o Etan o esraita, mai bizai neko o Eman, mai bizai neko o Kalkol ta o Darda chave katar o Majol. Ta saia but pinllardo ande sa e phuvia kai sea truial.
32
Ta o Salomon ikanda trin milie orbe bizai, ta i cherda milia ta panch llilia.
33
Ta i dia orba katar e kasta, katar o sedro kai bariol ando Libano llik e patrorra kai barion pe zidura. Dia orba katar e zivirinie, dia orba katar e chiriklia, katar e sapa ta katar e mache.
34
Ta avena katar sa e phuvia ta e charoine te asunen leko bizaipe.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22