bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
1 Kings 15
1 Kings 15
Romani Ursari 2018 (Biblia Ande Chib Romani)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
1
Ando burs desojto katar o charo o Jeroboam chavo katar o Nabat, o Abias thoda te charoil ando Juda,
2
o Abiam charoisarda trin burs ando Jerusalem. Leki dei saia e Maaka, chei katar o Abisalom.
3
Ta i vou cherda isto gola ezgode bilache kai cherdaia leko dad. Ta leko lio ni saia orta angla o Del, gia sar saia o lio katar leko dad o David.
4
Ta samo soke o Del volila e Davide, o Del cherda te avel phabardi leki lampara ando Jerusalem kana thoda leke chave po trono, te na avel peradino o Jerusalem,
5
soke o David saia orta angla o Del ta kandia e Devle ande sa, samo o bilachipe kai cherda saia e Uriaseke o jeteo.
6
Ta saia maripe maskar o Roboam ta o Jeroboam ande sa e llivesa katar leko zivoto.
7
Sa e ezgode kai cherda o Abiam si pisime ando lil katar e charura e Judaeke.
8
Kana mulo o Abiam, prajosarde le ando foro katar o David. Mapalal charoisarda pe leko than leko chavo o Asa.
9
Kana nakhle bis burs katar e charoina e Jeroboameki o charo katar o Israel, o Asa thoda te charoil ando Juda.
10
Ta charoisarda saranda ta iek burs ando Jerusalem. Leki dei saia e Maaka, chei katar o Abisalom.
11
O Asa cherda o lachipe angla o Del, sargo o David leko dad.
12
Soke chudia katar e phuv e murusen kai kurvinape pala pe dela, ta perada sa e slike kai cherdea leke dada.
13
Ta ni mukla pe baba, e dei katar e Maaka, te avel charoina, soke cherdaia iek slika katar e Astoret. O Asa zatrisarda goia slika ta phabarda la ando paiorro katar o Sedron.
14
Ta ni perada e thana vazdine. A o lio e Asaeko saia orta angla o Del sa e llivesa katar leko zivoto.
15
Ta i thoda ando cher e Devleko e ezgode dine kai diaia leko dad ta kai i vou dia, sunakai, rup, ta ezgode sunakune.
16
Saia maripe maskar o Asa ta o Baasa, o charo e Israeleko, sogo zivisarde.
17
Kana o Baasa charo e Israeleko avilo te marelpe e foroia katar o Juda, o Baasa vazdia o foro Rama te na mukel te del ni te likel o Asa, o charo katar o Juda.
18
Ondaka o Asa lia sa o sunakai ta o rup kai saia ando cher e Devleko ta ando cher e charoinako, ta bichalda le e slugenchar kai o Ben Adad, chavo katar o Tabrimon, chavo katar o Jezion, charo katar e Siria kai zivila ando Damasko, ta iek lil kai phenela gia:
19
Aide te acha po alav tu ta me, isto gia sar cherde le amare purane. Me dav tute gava sunakai ta rup. Phag cho alav kai si tut e charoia e Israeleko o Baasa, ta gia ka mukel man.
20
Ta o Ben Adad cherda so mangla letar o charo o Asa, ta bichalda boñikonen te den pe forura katar o Israel. Ta dobisarde e forura katar o Ijon, Dan, Abel Bet Maaka, sa o Kineret ta sa e phuv katar o Neftali.
21
Kana o Baasa asunda gava, mukla te vazdel o Rama, ta achilo ande Tirsa.
22
Ondaka o charo o Asa chidia sa e foro katar o Juda. Ta lie katar e Rama e barra ta e kasta kai o Baasa andaia te vazdel e foro, ta lenchar o Asa vazdia o Geba katar o Benjamin ta e Mizpa.
23
Sa e ezgode kai cherda o Asa ta e forura kai vazdia, si pisime ando lil katar e charura e Judaeke. Ta kana phurilo nasuailo katar pe porrne.
24
Kana mulo o Asa prajosarde le leke puranenchar ando foro katar o David. Ta pe leko than charoisarda leko chavo o Josafat.
25
O Nadab, chavo e Jeroboameko, thoda te charoil ando Israel ando duito burs katar o Asa, o charo katar o Juda. Ta charoisarda ando Israel dui burs.
26
Ta cherda o bilachipe angla o Del isto gia sar cherda le leko dad. Goleke i o foro katar o Israel cherda isto gua bilachipe.
27
Ta o Baasa, chavo katar o Ajias kai saia katar e vicha katar o Isakar, dia pe lete ando Gibeton, iek foro katar e filisteura, soke o Nadab ta sa o Israel sea truial katar o Gibeton te marenpe e foroia.
28
Ta o Baasa mundarda e Nadabe ando trito burs katar o charo e Judaeko o Asa. Ta o Baasa charoisarda po than katar o Nadab.
29
Ta samo thoda te charoil mundarda sa e familia katar o Jeroboam, isto gia sar phendaia le o Del e Ajiaseke katar o Silo. O Baasa ni mukla nika llundo katar e familia e Jeroboameki.
30
Soke pala o bilachipe kai cherda o Jeroboam, i o foro katar o Israel cherda le. Ta gua joliarda e Devle.
31
Sa e ezgode kai cherda o Nadab si pisime ando lil katar e charura e Israeleke.
32
Ta saia maripe maskar o Asa ta o Baasa, charo e Israeleko, sa e llivesa katar lengo zivoto.
33
Ando trito burs katar o Asa, o charo e Judaeko, thoda te charoil ando Tirsa pe sa o Israel, o Baasa chavo e Ajiaseko. Ta charoisarda bis ta star burs.
34
Ta cherda o bilachipe angla o Del sar cherda le o Jeroboam, ta pala o bilachipe kai cherda, i o foro katar o Israel cherda le.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22