bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Deuteronomy 29
Deuteronomy 29
Romani Ursari 2018 (Biblia Ande Chib Romani)
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 30 →
1
Gala si e alava kai dia e Moisese te achel e israelenchar ande phuv katar o Moab, ta i pe alava kai cherdaia lenchar po burdo Oreb
2
O Moises chidia sa e israele ta phenda leke: Tumen dikhlen sa so o Del cherda ando Ejipto e Faraoneke ta e llenenge kai radina leke ta sa e phuviake,
3
ta e bare ezgode Devlikane kai dikhlen.
4
A llik akana o Del ni dia tumen te acharen ni akha te dikhen ni kan te asunen.
5
Saranda burs inllardem tumen katar o pusto ta ni tumare patave ni tumare minie kai si pe tumende ni phurile,
6
ta te llanen kai me sem o Del tumaro Gazda, ni trubusarda tumen te jan marrno ni mol ni rrachia.
7
Kana tumen avilen kate, o charo Sijon katar o Jesbon ta o charo Og katar o Basan avile te marenpe amenchar ta amen dobisardam len.
8
Mapalal liam lengi phuv ta diam la kai o Ruben ta kai o Gad ta kai e dopas vicha katar o Manases.
9
Goleke tumen morabi te kanden e alava pe so achilen ta cheren len, te sai llal tumenge sukar pe sa so cherena.
10
Gava llive sa tumen e llene katar o Israel, sen angla o Del tumaro Gazda gia sar e birovura katar e viche ta i e phure ta i e sudura
11
ta i tumare minone tumare diskinie ta tumare llene kai aven katar aver phuvia kai zivin maskar tumaro pero llik o lleno kai chinel kasta llik o lleno kai ikanel pai.
12
De sai den po lav sovlienchar katar e alava kai allive o Del tumaro Gazda achel tumenchar.
13
Allive o Del del po alav te avel amaro Del gia sar phenda le tumare puranenge e Abrameke e Isaakeke ta e Jakobeke ta amen da amaro alav te ava leko foro.
14
I nai samo tumenchar kai o Del achel pe gala alava,
15
cherel le e llenenchar kai si allive kate ta amenchar kai sam angla o Del amaro gazda ta i e llenenchar kai allive inai kate amenchar.
16
Tumen llanen sar zivia ando Ejipto ta sar nakhlam maskar e phuvia kai mapadam katar phiraia,
17
Ta tumen dikhlem o baro bilachipe kai cherde ta lenge dela kastune, urupune ta sunakune kai si lenchar.
18
Te na avelpe maskar tumende murus ni diskinia ni familia o vicha te duriol lengo lio katar o Del tumaro Gazda ta te llal te blagosil gole delen katar gola phuvia. Niko tumendar te na avel sargo e patra cherke kai sai mundaren,
19
ta mapalal kana ka asunela gala armaia, vou te blagosila isto vou pe ta te phenela: I te zuriavava mo lio, ka llal mange sukar. Vou te cherela gia gua so cherela sai muril saurren lachen ta i bilachen.
20
O Del ni ka mangel te prostil tumen, ta leki joli ka phabol pe gua lleno ta ka peren sa gala armaia kai si pisime ande gava lil pe lete ta o Del ka ikanel leko anav telal katar o miloso.
21
Ta o Del ka thovel le pe iek rig katar sa e viche katar o Israel ta ka cherel te perel pelete sa gala alava katar gala armaia kai si pisime ande gava lil katar o zakono.
22
Ta ka dosaren le o porodo kai si te avel ta e chaurre kai ka biandon mapalal tumendar ta e llene kai ka aven dur katar aver phuvia, ka dikhen e zatranie ta o nasualipe kai o Del ka bichalel pe gaia phuv.
23
Sa tumari phuv ka avel phabardi ando asufre ta o lon, nasti ka thoven ande late niso te bariol ta ni ka likel niso latar ta ni ka bariol ni iek char pe late, gia sar avilape e zatrania katar e Sodoma ta e Gomorra ta e Adma ta o Zebollin, kai len zatrisarda o Del pe bare jolinaia,
24
ta sa e phuvia ka phenen: ¿Soke cherda gava o Del gale phuviaia? ¿Soke phabila pe gachin leki joli?
25
Ta ka phendol lenge: Soke mukle e alava pe so achilaia o Del o gazda tumare puranenchar kana likiste katar o Ejipto,
26
ta von llele te blagosin ta te den changa angla aver dela kai ni pinllarena ta kai nikada ni cherde niso pala lende.
27
Goleke phabila e joli e Devleki pe gaia phuv ta cherda te pherel pe late sa e armaia kai si pisime ande gava lil,
28
Ta o Del ikanda len bare jolinaia ta tradia len ande aver phuv kai allive zivin.
29
E ezgode gurudine si e Devleke amaro gazda a e sikade si amenge ta amare chaurrenge ostade, te sai kanda sa e alava katar gava zakono.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
Recommended Reading
Commentary
Deuteronomy Commentaries
→
Devotional
Deuteronomy Devotional Guide
→
Get This Bible
Romani Ursari (Biblia Ande Chib Romani) Study Bible
→