bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Deuteronomy 4
Deuteronomy 4
Romani Ursari 2018 (Biblia Ande Chib Romani)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 5 →
1
Akana, israelita asunen e zakonura ta e alava kai si kanden len ta cheren len te sai zivin ta te len e phuv kai o Del o gazda tumare puranengo ka del tumen.
2
Na thoven ta na i kanen katar sa so me sikadem tumen kanden e zakonura katar o Del tumaro Gazda gia sar me sikadem tumen
3
Isto tumen dikhlen so o Del cherda ando Baal Peor ta sar zatrisarda maskar tumende sa e llenen kai blagosisarde gole devle katar goia rig.
4
A sa tumen kai llelen pala o Del tumaro Gazda sa sen llunde allive.
5
Me sikadem tumen e zakonura ta e alava kai mo del ta gazda phenda mange, te sai kanden len ande phuv kai ka len.
6
Kanden len ta cheren len so gia e forura ka dikhen kai maskar tumende si bizaipe ta achardipe, soke kana ka pinllaren gala zakonura iek orba ka phenen: ¡Chachimaia gava baro foro si bizai ta acharen!
7
Soke ¿Savi phuv si gia bari te avel la devla gia pase latar, gia sar si amen o Del amaro gazda pe sa so manga letar?
8
¿Ta savi phuv si gia bari kai si len zakonura ta lava gia chache sargo sa gava sikadipe kai sikavav tumenge allive?
9
Goleke arakhen tumen te na bristaren e ezgode kai dikhlen ta te na duriaven len katar tumare mislura. Mai sukar sikaven len tumare chaurrenge ta tumare unukonenge.
10
O llive kai tumen sena angla o Del tumaro Gazda po burdo Joreb, o Del phenda mange: Chide e foro te asunel me alava ta te sikon te blagosin man sa e llivesa katar lengo zivoto ta te sikaven pe churren i von te cheren le.
11
Ta tumen avilen pasa o burdo, kai letar likena o plamiko iagako kai vazdiniaona but upre ta cherdona iek oblako thulo ta kalo.
12
Ondaka o Del dia orba tumenchar maskar e iag. Ta tumen asunden leke alava, ta asunden leko avazi a ni dikhlen nika.
13
O Del sikada tumenge pe so achila tumenchar kai sea des zakonura kai pisisarda pe dui table barrastune ta kai phenda tumenge te kanden len.
14
Ta mange phenda te sikavav tumen e zakonura ta e alava kai si te cheren ande phuv kai si te len.
15
O llive kai o Del dia orba tumenchar maskaral katar o e iag, po burdo Joreb. Tumen ni dikhlen nika. Goleke arakhen tumen
16
te na pheren ando bilachipe te cheren tumenge slike te dikhon sargo murusa o sargo diskinie,
17
ni sargo zivirinie o chiriklia,
18
o sargo e zivirinie kai terrinpe pe phuv o mache kai si ando pai te lal katar e phuv.
19
A kana ka dikhen ando miloso ta ka dikhen o kham, e chon, e cheraia ta sa so si ando miloso te na peren ando bilachipe te blagosin len, soke o Del tumaro Gazda si kai cherda len sa e manusenge pe phuv.
20
A tumen o Del lia tumen, ta ikanda tumen katar e furnava sastruni, katar o Ejipto, te sai aven leko foro sargo allive kai sen.
21
Ta o Del jolailo manchar cheres tumari dos ta jala sovel kai me ni ka nakhav o Jordan, ta kai ni ka dav ande lachi phuv kai o Del tumaro Gazda del tumen.
22
A me ka merav ande gaia phuv ta ni ka nakhav o Jordan. A tumen ka nakhen ta ka len goia lachi phuv.
23
Goleke arakhen tumen te na bristaren tumen katar o lav kai o Del tumaro Gazda achila tumenchar. Na cheren tumenge dela ni slike katar nisavi ezgoda kai o Del tumaro Gazda phenda tumenge te na cheren,
24
Soke o Del tumaro Gazda si iag kai sa bilavel o Del mangel samo le te blagosin.
25
Kana tumen ka aven tumen chaurre ta unukura ta ka phurion ande gaia phuv ta te cherena o bilachipe te cheren tumenge devla o slike katar varesave ezgode angla e akha katar o Del tumaro Gazda te joliaven le.
26
Me thovav o miloso ta e phuv kai oma sa tumen ka aven zatrime katar e phuv kai ka len pe ogoia rig katar o Jordan. Ni ka zivin but vreme ande goia phuv soke saurre ka aven zatrima.
27
O Del ka rispil tumen pe sa e phuvia ta cherricha llene tumendar ka aven maskar e phuvia kai ka inllaren tumen o Del.
28
Ta kote ka aven sluge e delenge cherde e vastenchar e manusenge, kastenge ta barrenge, kai ni dikhen ta ni asunen ta ni jan ta ni khanden.
29
A kote te rodena e Devle tumaro gazda sa tumare liea ta sa tumare zivotoia ka malaven le.
30
A kana ka nakhen sa gala dukha ta nuzde, ta te irina tumen kai o Del tumaro Gazda ta te kandena le,
31
vou ni ka mukel tut ta ni ka zatril tut ta ni ka bistrelpe katar e alava kai achila tumare puranenchar ta kai jala sovel kai ka cherel len.
32
Puch akana o ando vreme kai nakhla mai anglal tu te zivia, o katar o Del cherda e manuse pe phuv, o katar iek rig katar o miloso llik ogoia rig nakhla iek ezgoda ia bari sargo gaia, o llanglinaila vareso sargo gava.
33
¿Si varesavo foro kai asunda, sargo tumen, o avazi e Devleko kai del orba maskaral katar e iag, gia sar tumen asunden le ta te na meren?
34
¿Saia vareso del kai esvirisarda iek foro maskaral katar aver forura, ta te cherel bare ezgode devlikane te dikhon ta po maripe te sikavel pe kabor zor, ta te cherel pe kabor ezgode darane, gia sar cherda len o Del tumaro Gazda ando Ejipto?
35
Gala ezgode sikadile tumenge te sai llanen kai o gazda si o Del ta inai aver.
36
Vou dia tumenchar orba katar o miloso te sai sikavel tumen ta pe phuv sikada pi bari iag, ta asunden leke alava maskaral katar e iag.
37
Vou volisarda tumare puranen ta esvirisarda lenge porodo ta ikanda len katar o Ejipto pe bare zoriaia.
38
Ta chudia tumendar phuvien mai bare tumendar ta mai zurale tumendar, te sai tumen zivin ande lenge phuvia ta te avel tumare e phuvia gia sar allive si.
39
Goleke, thoven gava sukar ande tuma lio kai o Gazda si o Del ando miloso ta i pe phuv ta kai inai aver.
40
Kanden leke zakonura ta leke alava kai me dav tumen allive, ta ka llal tumenge sukar ta oi tumare porodoke ta ka zivin but burs ande phuv kai o Del tumaro Gazda ka del tumen ostade.
41
Ondaka o Moises esvirisarda trin forura katar likel o kham katar o Jordan,
42
te sai gurudon kote e llene kai mundarde varaka na ande joli ta kai ni kamena te cherel le ta ande gola forura te sai gurudon te na mundaren len.
43
Gala forura sea: O Beser, ande umal katar o pusto, e vichake katar o Ruben, o Ramot ando Galaad e vichake katar o Gad, ta o Golan, ando Basan e dopas vichake katar o Manases.
44
Gala si e zakonura kai o Moises thoda angla e israelita.
45
Gala si e alava e chache, e ta so si te cheren ta e alava kai dia orba o Moises e israelenge kana likiste katar o Ejipto,
46
kana sea pe ogoia rig katar o Jordan, ande umal kai si angla o Bet Peor, ande phuv katar o Sijon, o charo katar e amorreura. O Sijon zivila ando Esbon, ta dobisarda le o Moises ta e israelita kana von likiste katar o Ejipto.
47
E israelita lie leki phuv ta i lie e phuv katar o charo o Og katar o Basan, dui charura amorreura kai zivina ando Jordan katar likel o kham.
48
Leki phuv saia katar o Aroer pasa o pai Arnon, llik o burdo Sirion, kai i ikhardola Jermon,
49
ta sa o Araba katar likel o kham katar o Jordan, llik kai e Mora e Muli, pasa o burdo Pisga.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34