Hosea 8

Romani Ursari 2018 (Biblia Ande Chib Romani)

← Chapter 7 Jump to: Chapter 9 →

1Basal chi tuturuga. Sargo iek agila avel te del pe foro katar o Israel, soke bangarde o alav kai achile manchar, ta ni kam le te len mo sikadipe.

2Ka ikharen man urkindo: ¡Devla, amen pinllara tut!

3O Israel mukla o lachipe, goleke ka roden le leke dusmanura.

4Von thode charura ta gazda kai me ni esvirisardem. Lie katar lengo rup ta lengo sunakai te sai cheren delen ta gia te zatrinpe isto von pe.

5Cho telcho kai tu, Samaria, blagosi cherda tut te durio. Pherdilem jolinatar pe lende, gachin kai nasti chistonape.

6Soke gava si katar o Israel. Fiko cherda le, inai e Devleko, goleke o telcho katar e Samaria ka achel pharrado pe kotora.

7Soke thode balavia ta ka chiden bursin. Ni ka avel lenge septelie ta katar lengo lliu ni kam ikanen arina, a te si ka ikanen arina, e llene katar aver phuvia ka jan la.

8¡Ka jan e Israele! E aver phuvia ka dikhen le sargo iek lelleno kai ni mol niso,

9soke von llele ande Asiria, sargo magarcho divo. ¡O Efrain pochinda te volin le!

10Te pochinela e phuvienge, me ka rispiv len ta ande but vreme ni ka aven charura ta gazda.

11Soke o Efrain vazdel but altarura, kai samo blazin te cheren o bilachipe.

12Me pisisardem leke o baripe katar mo zakono, a vou dikhla len sargo iek ezgoda kai inai pinllardi.

13Pe murne kurbanura die mas, ta jale. O Del ni manglale, akana ka delpe golli katar lengo bilachipe ta ka patil len pala so cherde, von ka irinpe ando Ejipto.

14O Israel vazdel chera bare a bristarelpe katar lengo Del kai cherda le. O Juda vazdel forura zidome, a me ka cherav te phabon, ta sa lenge chera bare ka phabon.

← Chapter 7 Jump to: Chapter 9 →