bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Luke 16
Luke 16
Romani Ursari 2018 (Biblia Ande Chib Romani)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 17 →
1
Ta i phenda o Jesus pe disipulonenge: Saia iek lleno barvalo kai saia le iek sluga ta avile te phenen leke kai o sluga zatrila leko barvalipe.
2
Ondaka o gazda ikharda le ta phenda leke: ¿Soke phenen mange gala orbe tutar? phen mange katar cho rado, soke ia nasti ave ios mo sluga,
3
O sluga mislisailo: ¿So ka cherav akana kai mo gazda mukel man bi radoia? Inai man zor te radiu ande phuv, ta lallao mange te mangav esmola.
4
Ia llanav so ka cherav te avel man kate te llau kana ka achav bi radoko.
5
Ondaka ikharda iekhe po iekhe golen kai sea unllile leke gazdake. Puchla e purvo: ¿Pe gachin san unllile me gazdake?
6
Gua lleno phenda leke: Sem leke unllile stotina burura zeitino. O sluga phenda leke: Etalo kate cho lil kai san leke unllile. Bes oma ta pisisar kai san leke samo pinda.
7
Mapalal puchla avere: A tu, ¿Pe gachin san leke unllile? Vou phenda leke: Stotina vreche lliu. O sluga phenda leke: Etalo kate cho lil kai san leke unllile. Pisisar kai san leke samo ojtovardes.
8
O gazda llangla kai o bilacho sluga saia bizai prema sar cherda e ezgode. Gua si soke kana o manus cherel pire bucha, e llene kai si e suetoke si mai bizai neko e llene kai si e villeloke.
9
Phenav tumenge te dobin amalen e kojamne barvalimaia kai si ande gava sueto, ta gia kana o barvalipe kojamno ni ka avel ios, ka avel tumen ko te lel tumen ande chera kai si ando miloso.
10
Gua kai arakhel so si eftino, arakhel i so si kuch. A ko inai chacho pe so si eftino, inai chacho pe so si kuch.
11
Te na avilen chache e barvalimaia kai si kojamni, ¿ko ka del tumende o chacho barvalipe?
12
A te na avilen chache pe so si averengo, ¿ko ka del tumen so si tumaro?
13
Ni iek sluga nasti radil duie gazdenge. Soke ka murzil pe iek ta ka volil ogole, o ka kandel iekhe a ogoleke ni ka thovel sama. Nasti radilpe e Devleke ta i e barvalimake.
14
E fariseura, kai volina but e love, kana asunde sa e orba, marde espurnia katar o Jesus.
15
A o Jesus phenda lenge: Tumen cheren tumen chache angla e llene, a o Del pinllarel tumare lie. Soke so e manusenge si kuch, e Devleke ni mol le niso.
16
O zakono ta e poraukura resen llik kai o Juan. Ta sar kotar phendol e lachi viasta katar e charoina e Devleki, ta sa cheren zor te den andre.
17
Mai lesno si te na avel ios o miloso ta e phuv, neko te na cherdol e ezgoda mai minoni kai si pisime ando zakono.
18
Iek lleno te mukelpe katar pi rromi ta te zinilpe averiaia, cherel kurvaluko, a gua kai zinilpe iekhe mukliaia, i vou cherel kurvaluko.
19
Saia iek lleno barvalo, kai thovela pe pete patave lache ta barikane ta suako llive cherela iek glamno jape.
20
Saia i iek lleno chorro kai ikhardola Lasaro, ta leko mas saia sa chindo ta besela pe phuv angla o udar e barvaleko.
21
Gava lleno chorro mangela te jal so perela katar e sinia e barvaleki ta te pherel po lli, ta e llukela avena te charran o chindipe katar leko mas.
22
Iek llive o lleno chorro mulo, ta e suechura inllarde le te besel te jal pasa o Abraam. Mapalal i o barvalo mulo, ta prajosarde le.
23
Ta kana o barvalo patilape kote kai llan e llene kai maren, dikhla upre ta dikhla duratar e Abraame ta e Lasaro kai besela pasa le.
24
Ondaka urkisarda: ¡Dade Abraam, te avel chuke zalba mandar! Bichal e Lasaro te chingarel po nai ando pai ta te sudravel mi chib, soke nakhav bari patnia ande gaia iag.
25
A o Abraam phenda leke: Chavea, de tut golli kai kana sana llundo lian o lachipe kai perela tut, ta o Lasaro lia o bilachipe kai perela le. Akana vou lel o lachipe kate, ta tu nakhe patnia.
26
Ta i maskar amende ta tumende si iek bari jar, ta gola kai mangen te nakhen katar incha, nasti cheren le, ni okotar nasti nakhen karinga.
27
O barvalo phenda: Dade Abraam, mangav tutar te bichale e Lasaro kai me dadeko cher,
28
kote si man panch phlal, te del pe lende, ta gia te na aven i von pe gava than e dukhengo.
29
O Abraam phenda leke: Len ia si so pisisarda o Moises ta e poraukura: ¡Cheren so si pisime!
30
O barvalo phenda: Dade Abraam, ni resel samo golea. A te ustel iek mulo katar o meripe ta te sikadol lenge, von irinape katar pe bilache droma.
31
A o Abraam phenda leke: Te na mangena te cheren so phenda o Moises ta e poraukura, ni ka pachan ni te ustel katar o meripe iek mulo.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24