bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Luke 22
Luke 22
Romani Ursari 2018 (Biblia Ande Chib Romani)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
1
Saia pase e eslava kai jalpe o marrno kai inai le levadura, e eslava e Paskuaki.
2
E gazda e poponenge ta e kovacha e zakonoke, darana katar e llene, ta rodena sar ka mundaren e Jesuse.
3
Ondaka o Satanas dia ando Judas, iek katar e desudui disipulura kai phenena leke Iskariote.
4
Vou llelo kai e gazda e poponenge ta kai e llene kai arakhena o cher e Devleko, te achel lenchar pe orba te sai phukavel e Jesuse.
5
Von veselisaile ta diele po alav kai ka den le love e Judase.
6
Ta vou mangla ta thodape te rodel o vreme, kana ni ka aven llene, te del lende e Jesuse.
7
O llive katar e eslava kana jalape o marrno kai inai le levadura, kana mundardola o bakro e Paskuako.
8
O Jesus bichalda e Pedro ta e Juane, ta phenda lenge: Llan te lacharen e sinia e Paskuaki.
9
Von puchle le: ¿Kai mange te thova e sinia?
10
O Jesus phenda lenge: Kana tumen ka den ando foro, ka malaven iekhe muruse kai inllarel iek bardako e paieke. Llan pala le llik ando cher kai ka del,
11
ta phenen e lleneke katar o cher: O Gazda puchel: ¿Savi si e soba kai ka jau me disipulonenchar o jape e Paskuako?
12
Vou ka sikavel tumenge iek soba bari kai si upre ando cher ta lachardi e jamake. Cheren kote so trubul.
13
Von llele ta malade isto sar phendaia lenge o Jesus, ta cherde o jape katar e Paskua.
14
Kana avilo o vreme, o Jesus ta e apostolura besle pe sinia.
15
O Jesus phenda lenge: ¡Gia zeliva te cherav tumenchar gava jape e paskuako mai anglal katar mo meripe!
16
Soke phenav tumenge kai ni ka cherav le pale lligo ni ka cherdol ande charoina e Devleki.
17
Ondaka lia ande pe va o taso, dia fala e Devle, ta phenda: Len gava ta fulaven le maskar tumende.
18
Soke phenav tumenge kai ni ka piau pale katar so del e drak, lligo ni ka avel e charoina e Devleki.
19
Mapalal lia ande pe va o marrno dia fala e Devle, phagla le diale lende ta phenda: Gava si mi esnaga, dini pala tumende. Cheren gava ande mo anav.
20
Kana jale pale cherda isto gua e tasoia, ta phenda: Gava taso si o nevo alav chachardo me ratea, rat kai chordol pala tumende.
21
A akana mo va ta o va goleko kai ka pukhavel man, si upral pe sinia.
22
Chachimaia o Chavo e Manuseko ka phirel po drom kai si leke chinado, a ¡tesko goleke kai ka phukavel le!
23
Ondaka thode te puchen iek avere ko si gua kai ka phukavel.
24
E disipulura denape orba ta mangena te llanen ko si mai baro lendar.
25
O Jesus phenda lenge: Maskar e llene kai ni pachan, e charura gazdarin silnomaia pe llene kai zivin ande gola phuvia, ta e llene kai gazdarin phenen e llenenge kai von si lache lenchar.
26
Tumen morabi te na aven gia. Soke o mai baro maskar tumende si te cherdol sargo o mai terno, ta gua kai gazdaril si te cherdol sargo gua kai radil tumenge.
27
Soke ¿ko si o mai baro, gua kai besel pe sinia te jal o gua kai thovel o jape angla lete? ¿Inai mai baro gua kai besel? A me sem maskar tumende sargo o lleno kai radil tumenge.
28
Tumen sena manchar suako drom ande mo zumadipe.
29
Goleke, me dav tumen iek charoina, gia sar mo Dad dia la mange,
30
ta tumen ka jan ta ka pien pe mi sinia ande mi charoina, ta ka besen pe tronura barimake te chinen e kris pe desudui viche katar o Israel.
31
Ta i phenda o Gazda: Pedro, Pedro, o llavolo mangla tumen te chinol tumen sargo kana tumen sena lliu,
32
a me manglem pala tu, te avel tut pachape. A tu kana ka iri tut mande, pomozisar che phlalen te na jasaren po pachape.
33
O Pedro phenda leke: Gazda, te si te llau tuia ande rubie, ta i te merav tuia ka merav.
34
O Jesus phenda leke: Pedro, phenav chuke kai isto allive, mai anglal te basel o basno, tu ka phene trin droma kai ni pinllare man.
35
Mapalal o Jesus puchla len: Kana bichaldem tumen bi lovenchar bi jamaia ta bi minienchar ¿trubusarda tumen vareso? Von phende: Niso.
36
Ondaka phenda lenge: A akana, ka si love, te anel len, ta te anel i jape. Ta gole kai inai le jarni, te bichinel po gertachi ta te chinel peke iek.
37
Soke phenav tumenge kai si te cherdol manchar so phenel o Pisipe: Ta saia llindo sargo iek bilacho manus. Soke sa so si pisime mandar, si te cherdol.
38
Ondaka von phende: Gazda, kate si dui jarnia. A vou phenda: Na de orba ios.
39
Mapalal o Jesus likisto kotar ta llelo po burdo e Maslinkengo sar cherela suako drom, ta e disipulura llele pala le.
40
Kana avilo kote, phenda lenge: Molintumen, te na peren ando zumadipe.
41
O Jesus durilo lendar, ta dia changa te molilpe.
42
Ta phenda: Dade, te kamea, na muk te nakhav gaia patnia, a mai lache si te cherdol chiri volia a na murni.
43
Ondaka avilo lete iek suecho e milosoko, te del le zor.
44
Ande leki bari patnia, o Jesus molilape ios mai but, ta leko esniovo perela pe phuv sargo rat.
45
Kana ustilo katar po molipe, ta irisailo kai e disipulura, malada len kai sovena, chinie katar e zalba.
46
O Jesus phenda lenge: ¿Soke soven? Usten ta molintumen, te na peren ando zumadipe.
47
O Jesus dela orba, kana avile but llene. Gua kai ikhardola Judas, kai saia iek katar e disipulura, llala angla lende. Avilo pasa o Jesus te chumidel le,
48
A o Jesus phenda leke: Judas, ¿ande iek chumidipe pukhave e Chave e Manuseke?
49
E llene kai sea e Jesusea, kana dikhle so llalape kote, puchle le: Gazda, ¿ka chalava len e jarnienchar?
50
Ta iek lendar chinda o kan o chacho katar o sluga e mai bare popoko.
51
O Jesus phenda: Muken len, dosta. Ta dodisarda e slugako kan, ta sastarda le.
52
Mapalal phenda e gazdenge katar e zakonura, e llenenge kai arakhen o cher e Devleko ta e phurenge, kai avilea te inllaren le: ¿Soke avilen jarnienchar ta kastenchar sargo kana me sema iek kochkari?
53
Suako llive sema tumenchar ando cher e Devleko, ta ni phanglen man. A akana si tumaro vreme, o vreme kana gazdaril o truniariko.
54
Phangle e Jesuse ta inllarde le ando cher e mai bare popoko. O Pedro llala pala lende duratar.
55
Kote, po dopas katar e bar e chereki cherdea iag ta e llene beslea truial, ta i o Pedro beslo lenchar.
56
Avili iek sluga diskinia, ta kana dikhla le kai besela pasa e iag, dikhla ios pe lete ta phenda: I gava saia lea.
57
A o Pedro phenda: Chei, me ni pinllarav le.
58
Ni nakhla but kotar, ta aver lleno dikhla le ta phenda: I tu san iek lendar. O Pedro phenda: Iok, bre, me ni sem.
59
Nakhla iek saiato ta aver lleno phenda: Chachimaia i gava saia lea, soke vou si katar e Galilea.
60
A vou phenda: Bre, me ni llanav savi orba de. Isto kote, kana o Pedro dela orba, baslo o basno.
61
Ondaka o Jesus boldinailo ta dikhla po Pedro, ta o Pedro diape golli kai o Jesus phendaia leke: Allive, mai anglal te basel o basno tu ka phene trin droma kai ni pinllare man.
62
Ta o Pedro llelotar kotar ta rovda but zalbaia.
63
E llene kai dikhena so cherel o Jesus marena letar espurnia ta chalavena le.
64
Ucharena leke akha, ta puchena le. ¡Apogodisar ko chalada tut!
65
Ta kusena le bute alavenchar.
66
Kana peli e riat, chidinaile e phure e Judionenge, e gazda e poponenge ta e kovacha e zakonoke, ta inllarde e Jesuse kai e kris. Kote puchle le:
67
Phen amenge, ¿san tu o Mesias? Vou phenda lenge: Te phenden tumenge kai ea, ni ka pachan man.
68
Ta te puchlem tumen vareso, ni ka phenen mange.
69
A katar angle o Chavo e Manuseko ka besel pe rig e chachi katar o Del o zuralo.
70
Mapalal sa puchle le: ¿Tu san e Devleko Chavo? O Jesus phenda lenge: Isto tumen phenden kai me sem.
71
Ondaka von phende: Ni trubul amen ios llene te asunen. Isto amen asundam le isto katar leko mui.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24