bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Luke 17
Luke 17
Romani Ursari 2018 (Biblia Ande Chib Romani)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
1
O Jesus phenda pe disipulonenge: Nasti achave e ezgode gale suetoke kai cheren e llenen te peren ando bilachipe. A ¡tesko e lleneke kai cherel averen te peren ando bilachipe!
2
mai lache avela gole lleneke te chuden le ande mora phanglo e korratar pe iek baro barr, neko te cherel te perel ando bilachipe iek katar gala minonorre.
3
¡Arakhen tumen! Te cherela cho phlal o bilachipe, de pe lete. A te keilape, prostisar le.
4
Makar cherela o bilachipe chuke efta droma ando llive, te avela tute efta droma te phenel chuke: Ni ka cherav le pale, morabi te prosti le.
5
E apostolura phende e Gazdake: De amen pachape.
6
O Gazda phenda lenge: Te avilaia tumaro pachape, sargo iek simicha mostasaki, sai phendena gale kasteke: Le tut katar ta thov tut ande mora, ta o kas kandiaia tumen.
7
Iek tumendar te si le iek sluga kai radisarda e phuv ta arakhla e guruven ta irilpe katar o vos, ¿tumen ka phenen leke: Aide andre ta bes te ja?
8
Iok, so phenel leke si: Cher mange te jau, ta kana me ka jau ta ka piau radisar mange. Mapalal tu sai ka ja ta ka pie.
9
Ta ni del le ni fala gole sluga kai cherda so phenda leke.
10
Isto gia tumen, kana ka cheren sa so phenda tumenge o Del, morabi te phenen: Esluge bilache sam, soke cherdam samo so saia te chera.
11
Kana o Jesus llala karing o Jerusalem, nakhlo katar e Samaria ta katar e Galilea.
12
Ta avilo ande iek forichi, kote avile lete des llene kai saia pe lende e lepra, ta thodepe dur letar
13
ta urkina: ¡Jesus, Kovachi, te avel chuke zalba amendar!
14
Kana o Jesus dikhla len, phenda lenge: Llan te dikhen tumen e popura. Ta kana llana e dromea, sastile katar po nasualipe.
15
Iek lendar, kana dikhla kai sastilo, irisailo ta blagosila e Devle bare avazea,
16
ta dia changa angla o Jesus, ta leko mui reslo llik pe phuv te del le fala. Gava lleno saia katar e Samaria.
17
O Jesus phenda: ¿Inai sena des gola kai sastilen katar tumaro nasualipe? ¿Kai talen ogola inia?
18
¿Samo gava lleno kai inai katar gaia phuv irisailo te blagosil e Devle?
19
O Jesus phenda gole lleneke: Uste ta llatar, pala cho pachape avilan sastardo.
20
E fariseura puchle e Jesuse kana saia te avel e charoina e Devleki, a vou phenda lenge: Kana ka avel e charoina e Devleki inai iek ezgoda kai sa o sueto sai ka dikhel.
21
Ni ka phenen: Etalo kate o dikhle incha. Soke e charoina e Devleki si maskar tumende.
22
Ta phenda pe disipulonenge: Ka avel o vreme kai tumen ka mangen te dikhen samo iek llive katar o Chavo e Manuseko, ta ni ka dikhen le.
23
Nesave llene ka phenen: Etalo kate o dikhle incha. Na llan incha ta na llan pala lende.
24
Soke isto gia sar e esterlicha, kai kana klichil, del po villelo pe sa o miloso katar iek rig llik kai o goia, isto gia ka avel o llive kana ka irilpe o Chavo e Manuseko.
25
A mai anglal si te nakhel but bari patnia ta e llene katar gava vreme ni ka mangen le.
26
Ta isto gia sar saia ande llivesa e Noeeke, isto gia ka avelpe kana ka avel o Chavo e Manuseko.
27
O sueto jala ta piela ta zininape, llik kana o Noe dia ande bari llimia, ta avilo o bursin ta sa mule.
28
Isto gia saia ande llivesa e Loteke: E llene jana ta piena, chinena ta bichinena, thovena e simiche ande phuv ta cherena chera.
29
A kana o Lot likisto katar o foro o Sodoma, katar o miloso peli e iag ta o asufre, ta sa mule.
30
Gia ka avel kana o Chavo e Manuseko ka sikadol.
31
Ande gua llive, ko ka avel upral po cher ta leke ezgode si andre ando cher, te na fuliel te lel len. Ta ko si ando vos, te na irilpe kai po cher.
32
De tut golli katar e rromi e Loteki.
33
O lleno kai mangela te braduil po zivoto, ka jasarel le. A o lleno kai ka jasarel le, ka braduilpe.
34
Phenav tumenge kai ande goia riat, katar dui llene kai ka aven ande iek kerveto, iek ka avel inllardo a o gua ka avel muklo.
35
Katar dui diskinie ka moren e simiche, iek ka avel inllardi a o goia ka avel mukli.
36
Dui ka aven ando vos, iek ka avel inllardo a o gua ka avel muklo.
37
Ondaka puchle le: ¿Kai si te nakhen gala ezgode, Gazda? A o Jesus phenda lenge: Kote kai ka avel e esnaga muli, kote ka aven e garvanura.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24