bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Numbers 10
Numbers 10
Romani Ursari 2018 (Biblia Ande Chib Romani)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
1
O Del dia orba e Moisesea ta phenda leke:
2
Cher dui tuturuge rupune marde e chokanoia, kai ka trubun tut te sai ikhare e sueto ta te llanen kana te laden.
3
Kana ka basalen e dui tuturuge, sa o foro morabi te chidiniaol angla tute, kotar katar delpe ande chara kai chidiniaon e Devlea.
4
A kana ka basaldol samo iek, ka chidiniaon samo e birovoria katar e viche.
5
A kana ka basalen e tuturuge ta ka urkin, gola llene kai si lenge chare inzarde pe rig kai si ando oriente, ka thovenpe te laden,
6
a kana ka basalen o duito drom ka thoven pe te laden e llene kai lenge chare si inzarde pe rig ando sur. Kana ka basalen e tuturuge ta ka urkin kote si kai morabi te laden.
7
A samo kana ka basalen e tuturuge gua si kai o sueto morabi te chidiniaol.
8
E llene kai morabi te basalen e tuturuge si e popura, e chaurre katar o Aaron. Gava ka avel iek zakono ostade tumenge.
9
Kana tumare dusmanura avena te marenpe tumenchar ande tumari phuv ta kana ka llan te marentumen, basalen e tuturuge ta urkin zurale. Gia me tumaro Del ta Gazda, ka dav man golli tumendar ta ka braduin tumen katar tumare dusmanura.
10
Ta i basalen e tuturuge ande llivesa vesele, sargo ande llivesa slavake kana aven o purvo chon, ka basalen e tuturuge kana ka den ofrende phabarde e Devle ta kana ka den kurbanura pala e pas. Gia me ka dav man golli tumendar. Me sem o Del tumaro Gazda.
11
O llive bis katar o chon duito katar o duito burs, vazdinailo o oblako upral katar o santuario katar e alava.
12
E israelitura thodepe te laden ta likiste katar o Sinai, ta o oblako achilo po pusto katar o Paran.
13
Ta lagle o purvo drom gia sar o Del phendaia e Moiseseke te cheren le,
14
o purvo llana e bonllikura kai inllare o bariako katar o Juda ta kai lengo borovi saia o Naason, chaurro katar o Aminadab.
15
Angla e bonllikura katar e vicha katar o Isakar saia o Natanael, chaurro katar o Sua.
16
Ta angla e bonllikura katar e vicha katar o Zabulon sai o Eliab, chaurro katar o jelon.
17
E chaurre katar o Jerson ta e chaurre katar o Merari sea thode te inllaren o santuario ta inllarde le kana perade le.
18
Mapalal llana e bonllikura kai illarena o bariako katar o Ruben, kai lengo birovi saia o Eliesur, chaurro katar o Sedeur.
19
A angla e bonllikura katar e vicha katar o Simion, saia o Selumiel, chaurro katar o Zurisadai.
20
Angla e bonllikura katar e vicha katar o Gad saia o Eliasaf, chaurro katar o Reuel.
21
Mapalal llala o porodo katar o Keat, kai inllarena e ezgode sante. Kana von avena, von malavena o santuario vazdino.
22
Mapalal llana e bonllikura kai inllarena o bariako katar o Efrain ta kai lengo birovi saia o Elisama, chaurro katar o Amiud.
23
Angla e bonllikura katar e vicha katar o Manases saia o Gamaliel chaurro katar o Pedasur.
24
A angla e bonllikura katar e vicha katar o Benjamin saia o Abidan, chaurro katar o Gidoni.
25
Mapalal palal katar ogola bonllikura, llana e bonllikura kai inllarena o bariako katar o Dan ta kai saia lengo birovi o Ajiezer, chaurro katar o Amisadai.
26
Angla e bonllikura katar e vicha katar o Aser saia o Pagiel, chaurro katar o Okran.
27
Angla e bonllikura katar e vicha katar o Neftali saia o Aira, chaurro katar o Enan.
28
Gia si sar llana e bonllikura katar o Israel kana ladena.
29
Iek llive o Moises phenda e Obabneke, chaurro katar o Reuel o madianita: Amen llatar kai e phuv kai o Del phenda kai ka del amen. Aide amenchar ta ka pomozi tut, soke o Del phenda kai ka arakhel e israele.
30
A o Obab phenda leke: Iok soke me ka iriv man kai mi phuv kote kai si mi familia.
31
O Moises phenda leke: Me molimam chuke na llatar soke tu llane kai si e thana po pusto kai sai inzara amare chare ta sai sikave amenge o drom katar te lla.
32
Te llaia amenchar ka fulava tuia sa o lachipe kai ka del amen o Del.
33
Gia si sar lleletar katar o burdo e Devleko ta phirde trin llive. A e arka katar e alava e Devleke llala anglal lendar, te rodel kai te inzaren pe chare.
34
Ta ollivesea thiarinako rano kana von thovenape te phiren o oblako e Devleko llala upral pe lende.
35
Ta kana e arka miskolape, o Moises phenela: ¡Uste Devla! ¡Ta che dusmanura te rispinpe! ¡Ta te nasen tutar gola kai murzin pe tute!
36
A kana e arka achela o Moises phenela: ¡Irisao akana, Devla, kai cho foro kai si but baro!
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36