Numbers 2

Romani Ursari 2018 (Biblia Ande Chib Romani)

← Chapter 1 Jump to: Chapter 3 →

1O Del dia orba e Moisesea ta e Aaronoia, ta phenda lenge:

2E israelitura morabi te vazden pe chare pasa po bariako, ta te thoven iek ezgoda te dikhol lengi vicha. Ka vazden pe chare truial katar e chara e Devleki.

3Pe rig katar o oriente ka vazden o bariako katar o pero katar o Juda, prema lenge boñikura, kai lengo birovi si o Nason chaurro katar o Aminadad.

4Ta prema o llindipe lenge boñikura si eftavardes ta panch milie ta sov stotine.

5Pasa lende ka inzaren pe chare e llene katar e vicha katar o Isakar, kai lengo birovi si o Natanael chaurro katar o Suar.

6Ta prema o llindipe katar e muñikura kai si, pinda ta star milie ta star stotine.

7Ta i lenchar ka inzaren pe chare e boñikura kai si katar e vicha katar o Zabulon, kai lengo birovi si o E liab, chaurro katar o Elon,

8Ta prema o llindipe katar e boñikura kai si pinda ta eftavardes milie ta star stotine.

9Goleke sa o pero katar o Juda, si stotina ta ojtovardes ta sov milie ta star stotine boñikura kai phiren anglal prema lenge viche kai marenpe.

10Ando sur ka vazden o bariako katar o pero katar o Ruben, prema pe boñikura, ta lengo birovi o Elisur chaurro katar o Sedeur,

11Prema o llindipe lenge boñikura si saranda ta sov milie ta panch stotine.

12Pasa lende ka inzaren pe chare e boñikura katar e vicha katar o Simeon, kai lengo birovi si o Selumiel, chaurro katar o surisadai,

13Ta prema o llindipe lenge boñikura si pinda ta inia milie ta trin stotine.

14Ta ka inzaren pe chare lenchar e llene katar e vicha katar o Gad ta lengo birovi o Eliasaf chaurro katar o Reuel.

15Ta prema o llindipe lenge boñikura si saranda ta panch milie ta sov stotine ta pinda.

16Sa e boñikura llinde katar o pero katar o Ruben si stotina ta pinda ta iek milie ta star stotine ta pinda kai phirde po duito than.

17Mapalal ka llan e Levitura maskar e star pere ta ka inllaren pea e chara kai chidiniaon. E star pere ka phiren iek palal katar aver, gia sar inzardea pe chare gia ka phiren suako lendar pasa po bariako.

18O bariako katar o pero katar o Efrain ka avel ando oksidente, prema pe boñikura. Lengo birovi si o Elisama chaurro katar o abiud,

19Ta prema o llindipe lenge boñikura si, saranda ta panch stotine.

20Ta pasa lende ka inzaren pe chare e boñikura katar e vicha katar o Manases, kai lengo birovi si o Gamaliel, chaurro katar o Pedasur,

21Ta prema o llindipe lenge boñikura si, tranda ta dui milie ta dui stotine.

22Ta lenchar ka inzaren pe chare e boñikura katar e vicha katar o Benjamin, kai lengo birovi si o Abidan, chaurro katar o Gidoni,

23Ta prema o llindipe lenge boñikura si tranda ta panch milie ta star stotine.

24Sa e boñikura llinde katar o pero katar o Efrain si stotina ta ojto milie ta stotina, ta ka phiren po trito than.

25Ando sur ka vazden o bariako katar o pero katar o Dan. Prema pe boñikura ta lengo birovi si o Aiezer chaurro katar o amisadai.

26Ta prema o llindipe lenge boñikura si sovardes ta dui milie ta efta stotine

27Ta lenchar ka inzaren pe chare e boñikura katar e vicha katar o Aser, kai lengo birovi si o Pagiel, chaurro katar o Okran

28Ta prema o llindipe lenge boñikura si saranda ta iek mlia ta panch stotine.

29Ta ka inzaren lenchar pe chare e vicha katar o Neftali, kai lengo birovi si o Ajira chaurro katar o Enan.

30Ta prema o llindipe lenge boñikura si pinda ta trin milie ta star stotine.

31Sa e boñikura llinde katar o pero katar o Dan sea, stotina ta pinda ta efta milie ta sov stotine von ka llan chak palal pala po bariako.

32Gala si e boñikura llinde katar o Israel prema lengi familia purani ta prema lenge pere ta prema lenge boñikura, sa von sea sov stotine ta trin milie ta panch stotine ta pinda.

33A e vicha katar e levitura ni sea llinde maskar o Israel, soke o Del phendaia e Moiseseke te na llinel len.

34Ta e israelitura cherde sa sar o Del phendaia e Moiseseke te cheren: suako lleno inzarda pi chara telal katar piro bariako ta phirde pe familiaia prema pi familia purani.

← Chapter 1 Jump to: Chapter 3 →