bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
Exodus 22
Exodus 22
Romani Sinte 2024 (O Debleskro Lab 2024 (Sinte-Manouche))
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 23 →
1
Te vell i čorepaskro tapedo, har yob rati an i kheer dren phagell, oun vell yaake dino, te merell lo, hi koles, hoy les das, kek doosh ap leskro rat.
2
Djas o kham pre, har phagas lo dren, hi koles, hoy les moules das, i doosh ap leskro rat. I čorepaskro hounte dell lauter pale, hoy yob čoras. Te nay krell yob kova gar, palle vell lo bikedo oun vell i pandlo boudepaskro.
3
Te čoras lo i firho, – i groumni, i bourika, i bakro, – oun kova vell djides pash leste hatslo, palle hounte dell lo douy kope yaake boud pale.
4
Te dell i morsh gar yak ap peskre firhende, oun moukell len ap i vavareskro them te djal oun kote te rhal, palle hounte dell lo kova pale. Te rhan i firhe djob, palle dell lo o lačeder djob, hoy leskro hi. Te rhan i firhe drake, palle dell lo peskre lačeder drake.
5
Te krell yek i yag, oun koy yag taprella i soubyengre bourra, oun palle djob, hoy tardo hi, ninna djob, hoy khetne pandlo hi, palle hounte playsrell kova, kay koy yag kras, ko tselo djob, hoy i yag rhačras.
6
Te dell i morsh i vavares love, ninna kouč koova, te dell lo yak koy pre, oun ko koova vell dran leskro kheer čoredo, oun ko čorepaskro vell hatslo, palle dell kova douy kope yaake boud pale.
7
Te vell ko čorepaskro gar hatslo, palle dell pes ko morsh, dran koleskro kheer ko koova čoredo vas, glan o Debleste sovel, te čoras lo ko koova gar kokres.
8
Kote, kay douy morsha čingrenn pen pral i groumni, i bourika, i bakro, i ripen, ninna pral vavar koova, hoy nashedo vas, kote hounte venn kol douy glan o Debleste. Oun kones o Devel i doosh dell, kova dell ko vavares douy kope yaake boud pale.
9
Te dell yek o vavares i bourika, i groumni, i bakro, ninna i vavar firho, te dell lo yak ap leste, oun ko firho merell, doukrell pes, oder vell krik tradedo oun kek dikas čomone,
10
palle dell yob pes ap o baro Debleste sovel, te tapras leskro vast ap či, hoy o vavares hi. Palle hounte lell ko vavar koy sovel an, yaake te dell les ko vavar či pale.
11
Te vas ko firho leske čoredo, palle hounte playsrell lo ko firheske, hoy čoredo vas.
12
Te vas ko firho khetne dandedo i vavar firhestar, palle anell lo ko moulo firhes, hoy dandedo vas, oun sikrell, te vas lo khetne dandedo. Kova te krell lo, hounte dell lo či pale.
13
Te patsell yek peske i firho, oun ko firho phagell peske i kokale, oder merell, oun kova, koleske ko firho hi, hi gar pashel, palle hounte playsrell lo leske ko firho.
14
Te his kova pashel, koleske o firho hi, hounte dell lo koles či pale. Te playsras lo love, har yob ko firho patsas, palle das lo doha love. Yob hounte dell gar boudeder.
15
Te krell pes yek ap i čate, hoy hi lat gomme kek romes, vitar kek pirnes, oun rakrell ap late oun sovell lah, hounte romedinerell lo lat, oun hounte dell lo i love, hoy hi glan činlo i čake, hoy romedino vella.
16
Te kamell lakro dad les gar peskri čat te dell, ninna palle hounte playsrell yob kol love.
17
I dourkepaskretsa hounte denn temerl.
18
Hakeno, hoy i firheha sovell, hounte merell.
19
Kova, hoy dell i vavar debleske i firho temerl, oun gar o baro Debleske, kova vell infam.
20
Ma krenn kolen o djipen phares, kay hi vi-themarya pash t'mende! Oun moukenn len gar čičeske t'menge te boudrell! Bistrenn gar, te hans t'mer ninna vi-themarya an o them Egiptia.
21
Ma krenn o djipen i djouvyenge phares, kolenge o rom meras! Ma krenn o djipen i čavenge phares, kolen kek dad bouder hi!
22
Te kreh tou lenge o djipen phares, oun yon denn ap mande gole, shounau me len.
23
Oun me taprau savi bari rholi, te dau t'men o rhareha temerl, yaake te hi palle t'mare djouvyen bouder kek rom oun t'mare čaven bouder kek dades.
24
Te patseh love i čorveleske mire menshendar, palle kre tout ap leste gar braveles! Oun le lestar gar boudeder pale, har les dal.
25
Te hi yek tire menshendar touke love siyaan, oun tou leh leskri baya ko tsireske, kay yob touke love siyaan hi, palle dik, te dess leste peskri baya pale glan ko tsiro, kay o kham tele djal.
26
Leskri baya hi leskri plarhta, kolah čakrell lo pes, oun tatsrell lo pes. Te deh tou les peskri baya gar pale oun yob dell ap mande gole, palle shounau me les. Me krau miro dji leske pre.
27
Ma praase o Debles! Oun ma rake bibarht vin pral i pralstouno tire menshendar!
28
An ko tsiro, kay aneh tiro djob oun tire drake dren, de tiro Debles, hoy leske hi! Tiro phoureder morsh čaves dess tou tiro Debles.
29
Yaake kress ninna tire groumyentsa oun tire bakrentsa oun bouzyentsa. Efta divessa ačenn le pash pengri date. Oun ap o orhtato dives dess len mande.
30
T'mer han mire vi-rodede menshe. Doleske ma rhan o mass kol firhendar, hoy van moulo dandedo divye firhendar. Denn ko moulo firhes t'mare djouklen!
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40