bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
Exodus 34
Exodus 34
Romani Sinte 2024 (O Debleskro Lab 2024 (Sinte-Manouche))
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 35 →
1
O baro Devel penas ap o Moseste: “Kre touke douy bare barra, har kolla his, kay tou paash dal! Palle kamau me pale kol laba dren te činell, hoy an i vavar barra činlo his.
2
Le touha, hoy tout hounte vell, te djas sik taysarlakro pral ap i berga Sinay pre. Kote am pash mande!
3
Kek nay vell touha. Ap koy tseli berga hounte moukell pes kek te dikell, vitar kek bakre oun groumya, te rhan le pash i berga.”
4
O Mose kras douy neve bare barra har kol phoure. Sik taysarlakro stas yob pre, oun djas ap koy berga Sinay, har o baro Devel penas leske. An leskre vasta rikras lo kol douy bare barra.
5
O baro Devel vas an i folka tele, djas pash o Moseste oun kharas peskro lab Baro Devel.
6
Yob djas glan o Moseste doureder oun das gole: “Me hom o baro Devel. O baro Devel hom me. Man hi i baro dji, pherdo kamlepen. Me vau gar sik rhoyedo. Miro lačepen hi baro oun me dau mire menshen gar pre.
7
Me sikrau miro lačepen ap lengre čavende oun kolengre čavende oun kolengre čavende oun zerya kope yaake doureder. Oun bistrau lengri doosh oun lau lengro čilačepen krik. Koles, kay kamell mandar či te djinell, dau i phagi, oun gar koles kokres, na-a ninna leskre čaven oun kolengre čaven yaake rah har triin, star familye, yek pal i vavar, djivan.”
8
Koy vitsras pes o Mose sik ap i phoub oun mangas o Debles an:
9
“Miro ray, te dikeh tou lačes ap mande, palle dja mentsa, ninna te djan kal menshe pal pengro shero. Biste mari doosh oun ko čilačo koova, hoy kram, oun mouk men pale tire menshe te vell.”
10
O baro Devel penas ap leste: Me dau t'men miro lab, oun dau miro vast pre: Glan t'mare yaka kamau me zorelo oun baro koova te krell, har an kek vavar them oun pash kek vavar menshende kerdo vas. Te dikenna i tsele menshe, kay troul t'mende hi, havo baro koova me t'menge krau, palle darenn le oun krenn bare yaka.
11
Me tradau kol Amorarya, Kanaanitarya, Hetarya, Perisarya, Hivarya oun Yebousarya dran lengro them oun dau les t'mende. Rikrenn kal laba, hoy me penau t'menge kava dives!
12
Ma avenn mala kol menshenge an ko them, kay t'mer venna! Te vans lengre mala, nay anans le t'men miro dromestar tele.
13
Vitsrenn kol pre-čidde barra trouyel, kay marenn oun rhačrenn le firhen lengro debleske. Phagenn kol bare barra paash, hoy le leske pre-čivan! Oun denn kol figuren tele, hoy sikrenn i debletsa Ashera.
14
Mangenn kek vavar Debles an! Me, o baro Devel, kamau, te kamenn man kokres. Me kamau kokres te vap t'maro Devel.
15
Ma avenn mala kol vavar menshenge an o them! Yon mangenn pengre deblen dran kasht oun bar an, oun marenn firhen lenge. Te vans t'mer lengre mala, nay djals, te djan lentsa oun rhan ko rhapen, hoy yon anan lengre deblen.
16
T'mer romedinerans t'mare morsh čaven lengre čentsa. Oun kolla djouvya anans t'mare morsh čaven o Debleskro dromestar tele, te mangenn le ninna kol deblen dran kasht oun bar an.
17
Ma krenn t'men kek debles dran saster, sonakay oun roup!
18
Ma bistrenn kol bare divessa, kay rhan kek maro dran shoutlo yarro. An o čon Abib rhan efta divessa kek maro dran shoutlo yarro yaake har me t'menge penom! An ko čon djan t'mer vin dran o them Egiptia.
19
T'mare phoureder morsh čave hi mange, ninna hako phoureder morsh ternepen, hoy i firhestar boldo vella, nay vell i gouroum, nay vell i bakro.
20
Te hi o ternepen i bourikakro ternepen, dess tou man leske i terno bakro. Kamenn t'mer kova gar, palle phagenn koy terni bourika i meen! T'mare phoureder morsh čave, ma marenn len! Kolenge denn mange i firho, hoy mange marenn. Kek vell an miro Debleskro kheer i vastentsa, kay či dren hi.
21
Shob divessa krenn t'mari boudi! Ap o eftato dives krenn či! Kova te vell yaake hako tsireske, ninna ko tsireske, kay t'mer boudrenn ap t'maro kotar phoub oun kay t'mer anenn o djob dren.
22
Rikrenn bare divessa mange dren ap ko tsiro, kay t'mer o nevo djob dren anenn! Oun palle rikrenn bare divessa dren pal i niyal, te anan i drake dren oun lauter, hoy ap i rouka oun ap t'mari phoub bares vas.
23
Ap kol bare divessa, triin kope an o bersh, hounte venn i tsele morsha glan mande, lengro rayeste. Me hom o baro Devel, o Devel pral o Israel.
24
Me tradau i tsele vavar menshen glan t'mende krik, oun krau t'maro them bareder. Yaake vell kek an t'maro them, te lell lo peske i kotar them ap ko tsiro, kay djan t'mer triin kope an o bersh pash t'maro baro Debleste, te venn khetne glan leste.
25
Te marenn t'mer i firhes mange, anenn leskro rat gar glan mande khetne o shoutlo mareha! Ko firho, hoy t'mer marenn mange ap o dives, hoy kharella Passa, kolestar hounte ačell či pral o vavar diveske.
26
Hako bersh anenn o feteder halauterestar, hoy ap t'mari phoub bares vas, an o Debleskro kheer! Yob hi t'maro baro Devel. Kerenn gar i terni bouzni an o thoud lakro datar!
27
O baro Devel penas o Moseske: “Čin kal laba an i liil, te rikrenn t'men ap lende. Palle han mire menshe, oun me rikrau miro lab, hoy dom miro vast pre oun krau touke oun i Israelenge, hoy me penom.”
28
Star-desha divessa oun ratsya ačas o Mose ap i berga pash o baro Debleste. An kova tsiro rhas lo či oun piyas lo či. Yob činas kol deesh laba ap kol douy barra, – kol laba, kay penenna, hoy o Devel peskre menshendar kamella.
29
Har o Mose kol douy barrentsa an o vast i berga Sinay tele djas, djinas lo gar, kay vas leskro mouy har o kham, har rakras lo o Debleha.
30
Oun o Aron oun kol vavar Israelitarya dikan, har leskro mouy hi har o kham, oun daran, te djan le pash leste.
31
Koy kharas o Mose len pash peste. Oun o Aron oun kol vavar pralstoune djan pash leste. Oun o Mose rakras lentsa.
32
Palle van ninna kol vavar Israelitarya. Oun o Mose penas lenge kol tsele laba, hoy o baro Devel leske penas ap i berga Sinay, te rikrenn le len.
33
Har o Mose lenge lauter penas, čivas lo i diklo ap peskro mouy.
34
Hako kopo har djas o Mose an o Debleskro kheer, te rakrell lo leha, las yob ko diklo tele, bis te djals lo pale vin dran o kheer.
35
Har vas lo vin, te penell lo ap i Israelitarya, hoy o baro Devel leske penas, dikan yon, har leskro mouy hi har o kham. Palle khatras o Mose peskro mouy pale tel ko diklo, bis te djas lo pale dren, te rakrell lo o baro Debleha.
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40