Malachi 4

Shilluk DC Bible © Bible Society in South Sudan, 2011

← Chapter 3 Jump to:

1Wïlɑ̈bø, Jwøng-ɑ Ácwɑ̈ɑ̈j okööbø kinni, “Cyɑ̈ɑ̈ng cɑ́y obëënø; eni cyɑ̈ng-ɑ órɑ̈bbi tyëngrijjø ni kenyi rɑ̈bbi wél. Ge órɑ̈b kì cyɑ̈ngɑni; bong gïn-ɑ ódöng kì ri gen.

2De tyëng-ɑ wør yɑn, tegø men-ɑ yielɑ gen ómënyø ni cɑ̈ng kì kömi gen, kɑ dëlli gen opɑ̈dø; kɑ ge óbeddø ni røjj yi medi pëthi gen.

3Tyëngrijjø ótyɑm yi tyëngdøj, kɑ ge nyøn kì piny ni tør. Møgɑni ógwøg yi yɑn ceth.

4“Pɑru Ciggi Mosɑ̀ bɑ̈ngɑ, gen ɑ møg-ɑ ɑ́cïgɑ tyëng Isrɑil kì Sinɑy. Ciggɑni ɑ́muuj yi yɑn ge bɑ møg mïdhi yi Isrɑil.

5“Eliyɑ̀ jɑltöngɑ óörɑ yï wun, e bøli kej cɑ́y nuti bëënø.

6Wëëg ódwøøge kej ɑ́kyel geki nyigi gen, ke bɑ̈jji møgɑni ki cwöbø, yɑ óbï kɑ pödhi wun rënyɑ.”

← Chapter 3 Jump to: