1 Chronicles 24

Shan NCL

← Chapter 23 Jump to: Chapter 25 →

1ဢၼ်ၸိူဝ်းၼႆႉၸမ်ႉ၊ပဵၼ်မုၵ်ႉၸုမ်းၸိူဝ်ႉၶိူဝ်းလုၵ်ႈလၢၼ် ဢႃႇရုၼ်ႇ၊ ဢေႃႈ။ ဢႃႇရုၼ်ႇ၊ မီးလုၵ်ႈၸၢႆးသီႇၵေႃႉ၊ဢၼ်ပဵၼ် ၼႃႇတပ်ႉ၊ဢၽိႁု၊ဢေးလႃႇၸႃႇ၊ ဢိၵ်ႇတင်း ဢိႀမႃႇ၊ ဢေႃႈ။-

2ၼႃႇတပ်ႉ၊ တင်း ဢၽိႁု၊ တၢႆၵႂႃႇဢွၼ်တၢင်းပေႃႈၶဝ်ၼၼ်ႉလႄႈၸိူဝ်ႉၶိူဝ်းၶဝ်ဢမ်ႇၵိုတ်းဝႆႉယဝ်ႉၸင်ႇ၊ၼွင်ႉၸၢႆးၶဝ် ဢေးလႃႇၸႃႇ၊ တင်း ဢိႀမႃႇ၊ လႆႈၵိုတ်ႉႁၢပ်ႇၼႃႈၵၢၼ်ယဵၸ်ႈပရေႃးႁဵၵ်ႈ ဢေႃႈ။-

3ၶုၼ်ႁေႃၶမ်း တႃႇဝိတ်ႈ၊ ဢိၵ်ႇတင်းၽူႈၵမ်ႉၵႅမ်မၼ်းသွင်ၵေႃႉဢၼ်ဝႃႈ၊ ၸႃႇတုၵ်ႉ၊ ၶိူဝ်း ဢေးလႃႇၸႃႇ၊ တင်း ဢႁိမလႅၵ်ႉ၊ ၶိူဝ်း ဢိႀမႃႇ၊ ၸိူဝ်းၼၼ်ႉႁႂ်ႈၸိူဝ်ႉၶိူဝ်းလုၵ်ႈလၢၼ် ဢႃႇရုၼ်ႇ၊ ပဵၼ်မုၵ်ႉပဵၼ်ၸုမ်း၊ၸွမ်းၼင်ႇၼႃႈၵၢၼ်ၶဝ်တင်းလၢႆၼၼ်ႉဢေႃႈ။-

4ၶိူဝ်း ဢေးလႃႇၸႃႇ၊ ၼၼ်ႉပိူဝ်ႈဢၼ်ၵူၼ်းၸၢႆးဢၼ်ပဵၼ်တူၼ်ႈပဵၼ်ငဝ်ႈၶဝ်ယဵင်ႈၶႅၼ်းၼမ်ၼႃႇသေၶိူဝ်း ဢိႀမႃႇ၊ လႄႈၶဝ်ၶၢၼ်းၼႂ်းၶိူဝ်း ဢေးလႃႇၸႃႇ၊ သိပ်းႁူၵ်းၵေႃႉ၊ဢိၵ်ႇတင်းၼႂ်းၶိူဝ်း ဢိႀမႃႇ၊ ပႅတ်ႇၵေႃႉဢေႃႈ။-

5ၸွမ်းလူၺ်ႈမီးၶုၼ်ၽၢႆႇၵျွင်းပိၵ်ႈမၢၼ်ႇၸဝ်ႈတင်းၶုၼ်ဢၼ်ပွင်ၵၢၼ်ၽြႃးပဵၼ်ၸဝ်ႈၼၼ်ႉ၊ၵႃႈၼႂ်းၸိူဝ်ႉၶိူဝ်းမဵဝ်း ဢေးလႃႇၸႃႇ၊ တင်းၸိူဝ်ႉၶိူဝ်း ဢိႀမႃႇ၊ ၼၼ်ႉလႄႈၶဝ်လႆႈတူၵ်းၸႃႇၵွၵ်ႈၽႄမႅင်ႇၼႃႈၵၢၼ်ႁင်းၽႂ်ႁင်းမၼ်းဢေႃႈ။-

6ၵူၼ်းၶိူဝ်း ဢေးလႃႇၸႃႇ၊ တင်းၶိူဝ်း ဢိႀမႃႇ၊ ၸိူဝ်းၼၼ်ႉတူၵ်းၸႃႇၵွၵ်ႈၸွမ်းဢလေႉၵမ်းၽႂ်ၵမ်းမၼ်းဢေႃႈ။ သေႇမႃႇယႃႉ၊ လုၵ်ႈၸၢႆး ၼႃႇႀၼေႇလႃႉ၊ ပဵၼ်ၽူႈမၢႆလူင်မဵဝ်း လေႇဝိ၊ မၢတ်ႈမၢႆၸရၢင်းၵႃႈတီႈၽၢႆႇၼႃႈၶုၼ်ႁေႃၶမ်း၊ၽၢႆႇၼႃႈမူးမၢတ်ႈၽွင်းမိူင်း၊ၽၢႆႇၼႃႈယဵၸ်ႈပရေႃးႁဵၵ်ႈ ၸႃႇတုၵ်ႉ၊ဢႁိမလႅၵ်ႉ၊ လုၵ်ႈၸၢႆး ဢပျႃႇထႃႇ၊ ဢိၵ်ႇတင်းၵူၼ်းတူၼ်ႈၵူၼ်းငဝ်ႈမဵဝ်းယဵၸ်ႈပရေႃးႁဵၵ်ႈၶဝ်၊တင်းၵူၼ်းၶိူဝ်းႁိူၼ်းမဵဝ်း လေႇဝိ၊ ၸိူဝ်းၼၼ်ႉဢေႃႈ။

7ဢၼ်ၸိူဝ်းၼႆႉၸမ်ႉ၊ပဵၼ်ၸရၢင်းၸိုဝ်ႈသဵင်ၵူၼ်းၸိူဝ်ႉၶိူဝ်းသၢဝ်းသီႇမဵဝ်းဢၼ်တူၵ်းၸႃႇၵွၵ်ႈလႄႈထၢမ်းႁဵတ်းၸွမ်းၼင်ႇဢလေႉၵမ်းၽႂ်ၵမ်းမၼ်းၼၼ်ႉဢေႃႈ။ ၸႃႇၵွၵ်ႈၵမ်းတီႈၼိုင်ႈတူၵ်းတီႈ၊ယေႇႁေႃးရိပ်ႉ၊ၵမ်းတီႈသွင်တူၵ်းတီႈယေႇတႃႇယႃႉ၊ၵမ်းတီႈသၢမ်တူၵ်းတီႈ၊ႁႃႇရိမ်း၊ၵမ်းတီႈသီႇတူၵ်းတီႈ၊ၸေႃးရိမ်း၊ၵမ်းတီႈႁႃႈတူၵ်းတီႈ၊မႃႇလၶိယႃႉ၊ၵမ်းတီႈႁူၵ်းတူၵ်းတီႈ၊မိယမိၼ်း၊ၵမ်းတီႈၸဵတ်းတူၵ်းတီႈ၊ႁၵ်ႉၵုတ်ႉ၊ၵမ်းတီႈပႅတ်ႇတူၵ်းတီႈ၊ဢၽိယႃႉ၊ၵမ်းတီႈၵဝ်ႈတူၵ်းတီႈ၊ယေႇသွႃႇ၊ၵမ်းတီႈသိပ်းတူၵ်းတီႈ၊သေးၶၼိ၊ၵမ်းတီႈသိပ်းဢဵတ်းတူၵ်းတီႈ၊ဢေးလျႃႇသိပ်ႉ၊ၵမ်းတီႈသိပ်းသွင်တူၵ်းတီႈ၊ယႃႇၵိမ်း၊ၵမ်းတီႈသိပ်းသၢမ်တူၵ်းတီႈ၊ႁုပ်ႉပႃႉ၊ၵမ်းတီႈသိပ်းသီႇတူၵ်းတီႈ၊ယေႇသေးပပ်ႉ၊ၵမ်းတီႈသိပ်းႁႃႈတူၵ်းတီႈ၊ပိလၵႃႉ၊ၵမ်းတီႈသိပ်းႁူၵ်းတူၵ်းတီႈ၊ဢိမေႇရႃႉ၊ၵမ်းတီႈသိပ်းၸဵတ်းတူၵ်းတီႈ၊ႁေႇၸိရႃႉ၊ၵမ်းတီႈသိပ်းပႅတ်ႇတူၵ်းတီႈ၊ဢပ်ႉၸိတ်ႉ၊ၵမ်းတီႈသိပ်းၵဝ်ႈတူၵ်းတီႈ၊ပေႇႀႁိ၊ၵမ်းတီႈသၢဝ်းတူၵ်းတီႈ၊ယေႇၸၵျေႇလႃႉ၊ၵမ်းတီႈသၢဝ်းဢဵတ်းတူၵ်းတီႈ၊ယႃႇၶိၼ်း၊ၵမ်းတီႈသၢဝ်းသွင်တူၵ်းတီႈ၊ၵႃႇမုလႃႉ၊ၵမ်းတီႈသၢဝ်းသၢမ်တူၵ်းတီႈ၊တေႇလႃႇယႃႉ၊ၵမ်းတီႈသၢဝ်းသီႇတူၵ်းတီႈ၊မႃႇၸိ၊ဢေႃႈ။

8ၶဝ်ၸိူဝ်းၼႆႉ၊ၶဝ်ႈပႃးၼႂ်းၸရၢင်းၸွမ်းၵႃႈၼင်ႇဢၼ်ၶၢၼ်းဝႆႉ၊ႁႂ်ႈလႆႈထၢမ်းႁဵတ်းၼႂ်းတၢင်းဢၼ်ၶဝ်ႈလႄႈသၢင်ႈႁဵတ်းၵႃႈၼႂ်းၵျွင်းပိၵ်ႈမၢၼ်ႇၸဝ်ႈၸွမ်းၼင်ႇပူႇပေႃႈၶဝ် ဢႃႇရုၼ်ႇ၊ တႄႇႁဵတ်းပွင်ႁဵတ်းဝႆႉ၊ၸွမ်းၵႃႈၼင်ႇဢၼ် ထႃႇဝရႃႉၽြႃး၊ၽြႃးပဵၼ်ၸဝ်ႈ၊ ၵူၼ်းမဵဝ်း ဢိသရေး၊ သင်ႇလၢတ်ႈဝႆႉၼၼ်ႉဢေႃႈ။

9ၸရၢင်းၵူၼ်းတူၼ်ႈၵူၼ်းငဝ်ႈၸိူဝ်ႉၶိူဝ်းမဵဝ်း လေႇဝိ၊ ဢၼ်ၵိုတ်းဢၼ်ၵျၢၼ်ႇၸိူဝ်းၼၼ်ႉၸမ်ႉ၊ ၼႂ်းလုၵ်ႈၸၢႆး ဢႃႇမရမ်ႇ၊ ၸိူဝ်းၼၼ်ႉပဵၼ် သေႇပူၺ်ႇလႃႉ၊ ၼႂ်းလုၵ်ႈၸၢႆး သေႇပူၺ်ႇလႃႉ၊ ၸိူဝ်းၼၼ်ႉပဵၼ် ယေႇတႃႇယႃႉ။

10ၼႂ်းလုၵ်ႈၸၢႆး ရေႇႁၽိ၊ ၸိူဝ်းၼၼ်ႉပဵၼ် ဢိသိယႃႉ။

11ၼႂ်းလုၵ်ႈၸၢႆး ဢိၸႁႃႇ၊ ၸိူဝ်းၼၼ်ႉပဵၼ် သေးလေႃးမိတ်ႉ၊ ၼႂ်းလုၵ်ႈၸၢႆး သေးလေႃးမိတ်ႉ၊ ၸိူဝ်းၼၼ်ႉပဵၼ် ယႃႇႁတ်ႉ။

12ၼႂ်းလုၵ်ႈၸၢႆး ႁေႇပရုၼ်ႇ၊ ၸိူဝ်းၼၼ်ႉပဵၼ် ယေႇရိယႃႉ၊ဢႃႇမရိ၊ယႁႃႇၸေးလႃႉ၊ ဢိၵ်ႇတင်း ယေႇၵမမ်ႇ၊ တၢမ်းၵၼ်သီႇပီႈၼွင်ႉ။

13ၼႂ်းလုၵ်ႈၸၢႆး ဢေႃးၸေးလႃႉ၊ ၸိူဝ်းၼၼ်ႉပဵၼ် မိၵ်ႉၶႃႇ၊ ၼႂ်းလုၵ်ႈၸၢႆး မိၵ်ႉၶႃႇ၊ ၸိူဝ်းၼၼ်ႉပဵၼ် သမိရႃႉ။

14ၼွင်ႉၸၢႆး မိၵ်ႉၶႃႇ၊ ၼၼ်ႉပဵၼ် ဢိသိယႃႉ၊ ၼႂ်းလုၵ်ႈၸၢႆး ဢိသိယႃႉ၊ ၸိူဝ်းၼၼ်ႉပဵၼ် ၸႃႇၶရိ။

15ၼႂ်းလုၵ်ႈၸၢႆး မေႇရႃႇရိ၊ ၸိူဝ်းၼၼ်ႉပဵၼ် မႃႇလိ၊မုသိ၊ ဢိၵ်ႇတင်း ယႃႇၸိ၊-

16ၼႂ်းလုၵ်ႈၸၢႆး ယႃႇၸိ၊ ၸိူဝ်းၼၼ်ႉပဵၼ် ပေးၼေႃး၊သေႃးႁမ်ႇ၊ၸၵ်ႉၵုရႃႉ၊ ဢိၵ်ႇတင်း ဢိပရိ၊-

17ၼႂ်းလုၵ်ႈၸၢႆး မႃႇလိ၊ ၼၼ်ႉပဵၼ် ဢေးလႃႇၸႃႇ၊ ဢၼ်ဢမ်ႇမီးလုၵ်ႈၸၢႆး၊-

18လုၵ်ႈၸၢႆး ၵိသႃႉ၊ ၼၼ်ႉပဵၼ် ယေႇရမေးလႃႉ၊-

19လုၵ်ႈၸၢႆး မုသိ၊ ၸိူဝ်းၼၼ်ႉပဵၼ် မႃႇလိ၊ဢေးတႃႇ၊ ဢိၵ်ႇတင်း ယေႇရိမုတ်ႉ၊ ဢေႃႈ။ ၶဝ်ၸိူဝ်းၼႆႉၸမ်ႉ၊ပဵၼ်ၵူၼ်းၶိူဝ်းႁိူၼ်းမဵဝ်း လေႇဝိ။

20ၵေႃႉဢၼ်ပဵၼ်တူၼ်ႈပဵၼ်ငဝ်ႈၶိူဝ်းႁိူၼ်းၶဝ်လႂ်၊ဢိၵ်ႇတင်းၼႂ်းၼွင်ႉၸၢႆးမၼ်းၵေႃႉၼိုင်ႈ၊ဢွၼ်ၵၼ်တူၵ်းၸႃႇၵွၵ်ႈဢဝ်ပုၼ်ႈၼႃႈၵၢၼ်ၶဝ်မိူၼ်ၸိူဝ်ႉၼင်ႇပီႈၼွင်ႉၶဝ်မဵဝ်း ဢႃႇရုၼ်ႇ၊ ႁဵတ်းၵႃႈတီႈၽၢႆႇၼႃႈၶုၼ်ႁေႃၶမ်း တႃႇဝိတ်ႈ၊ ဢိၵ်ႇတင်း ၸႃႇတုၵ်ႉ၊ဢႁိမလႅၵ်ႉ၊ ဢိၵ်ႇတင်းၵူၼ်းတူၼ်ႈၵူၼ်းငဝ်ႈၶိူဝ်းႁိူၼ်းယဵၸ်ႈပရေႃးႁဵၵ်ႈတင်းလၢႆ၊ဢိၵ်ႇတင်းမဵဝ်း လေႇဝိ၊ တင်းလၢႆၼၼ်ႉဢေႃႈ။

← Chapter 23 Jump to: Chapter 25 →