1 Chronicles 4

Shan NCL

← Chapter 3 Jump to: Chapter 5 →

1ၸိူဝ်ႉၶိူဝ်းလုၵ်ႈလၢၼ် ယုတႃႉ၊ ၵမ်ႈၽွင်ႈၸမ်ႉ၊ ၽေးရိတ်ႉ၊ႁေႇၸရုၼ်ႇ၊ၵႃႇမိ၊ႁုရႃႉ၊ တင်း သေႃႇပႃႇလႃႉ၊ ဢေႃႈ။-

2သေႃႇပႃႇလႃႉ၊ မီးလုၵ်ႈၸၢႆး ရႃႇယႃႉ၊ ဢၼ်ပဵၼ်ပေႃႈ ယႃႇႁတ်ႉ၊ ဢၼ်မီးလုၵ်ႈၸၢႆး ဢႁုမေး၊ တင်း လႃႇႁတ်ႉ၊ ၼၼ်ႉဢေႃႈ။ ၶဝ်ၼႆႉပဵၼ်ပူႇပေႃႈၵူၼ်းၸိူဝ်းဢၼ်ယူႇၵႃႈတီႈ ၸူဝ်းရႃႇ၊ ၼၼ်ႉဢေႃႈ။

3ႁုရႃႉ၊ ပဵၼ်လုၵ်ႈၸၢႆးတူၼ်ႈ ၵႃႇလႅပ်ႉ၊ တင်းမေးမၼ်း ဢေႇၽရတ်ႉ၊ လႄႈၸိူဝ်ႉၶိူဝ်းမၼ်းၼၼ်ႉ၊တႄႇတင်ႈဝဵင်း ပႅတ်ႉလႁႅမ်ႇ၊ ဢေႃႈ။ ႁုရႃႉ၊ ၼၼ်ႉ၊မီးလုၵ်ႈၸၢႆးသၢမ်ၵေႃႉ၊ ဢေးတမ်ႇ၊ပေႇၼူၺ်ႇလႃႉ၊ ဢိၵ်ႇတင်း ဢေးၸႃႇ၊ ဢေႃႈ။ ဢေးတမ်ႇ၊ မီးလုၵ်ႈၸၢႆးသၢမ်ၵေႃႉ၊ ယေႇၸရေးလႃႉ၊ဢိသမႃႇ၊ ဢိၵ်ႇတင်း ဢိတပတ်ႉ၊ ဢိၵ်ႇတင်းလုၵ်ႈယိင်းၵေႃႉၼိုင်ႈ၊ ႁႃႇၸရေးလႃႉပေႃႇၼိ၊ ဢေႃႈ။ ပေႇၼူၺ်ႇလႃႉ၊ တႄႇတင်ႈဝဵင်း ၵေးတေႃး၊ သေယဝ်ႉ၊ ဢေးၸႃႇ၊ သမ်ႉတႄႇတင်ႈဝဵင်း ႁုသႃႉ၊ ဢေႃႈ။

5ဢႃႇသုရႃႉ၊ ၵေႃႉဢၼ်တႄႇတင်ႈဝဵင်း တေႇၵေႃႇ၊ ၼၼ်ႉမီးမေးသွင်ၵေႃႉ၊ဢၼ်လႆႈၸိုဝ်ႈ ႁေႇလႃႉ၊ တင်း ၼႃႇရႃႉ၊ ဢေႃႈ။-

6မၼ်းတင်း ၼႃႇရႃႉ၊ မီးလုၵ်ႈၸၢႆးသီႇၵေႃႉ၊ဢၼ်ပဵၼ် ဢႁုၸမ်ႇ၊ႁေႇၽႃႇ၊တေႇမၼိ၊ တင်း ႁႃႇႁႃႉသတႃႇရိ၊ ဢေႃႈ။-

7မၼ်းတင်း ႁေႇလႃႉ၊ သမ်ႉမီးလုၵ်ႈၸၢႆးဢၼ်ပဵၼ် ၸေးရိတ်ႉ၊ယေႇၸေႃႇ၊ဢေးႀၼၼ်ႇ၊ ဢေႃႈ။

8ၵေႃးၸႃႉ၊ မီးလုၵ်ႈၸၢႆး ဢႃႇၼုပ်ႉ၊ တင်း ၸေႃႇပေႇပႃႉ၊ ဢိၵ်ႇတင်းပဵၼ်ပေႃႈၸိူဝ်ႉၶိူဝ်းႁိူၼ်း ဢႁႃႇရေးလႃႉ၊ လုၵ်ႈၸၢႆး ႁႃႇရုမ်ႇ၊ ၼၼ်ႉဢေႃႈ။

9မီးၵူၼ်းၵေႃႉၼိုင်ႈ၊ဢၼ်လႆႈၸိုဝ်ႈ ယႃႇပႅတ်ႉ၊ ၼၼ်ႉမီးမုၼ်သရေႇယႂ်ႇၼႃႇသေပီႈၼွင်ႉၸိူဝ်ႉၶိူဝ်းမၼ်းတင်းလၢႆဢေႃႈ။ မႄႈမၼ်းႁွင်ႉႁဵၵ်ႈၸိုဝ်ႈမၼ်း ယႃႇပႅတ်ႉ၊ ၵွပ်ႈပိူဝ်ႈတၢင်းဢၼ်မၼ်းၵိူတ်ႇလဵင်ႉမႃးၼၼ်ႉႁႂ်ႈမႄႈမၼ်းလႆႈၶၢမ်ႇဝူၺ်ႇတၼႃႇဢၼ်ႁႅင်းယႂ်ႇၼႃႇလူင်လၢင်ၼၼ်ႉဢေႃႈ။-

10ယႃႇပႅတ်ႉ၊ ၸၢင်ႈသူးတွင်းတီႈၽြႃးပဵၼ်ၸဝ်ႈၵူၼ်းမဵဝ်း ဢိသရေး၊ လႄႈဝႃႈ၊ “ၽြႃးပဵၼ်ၸဝ်ႈတီႈၶႃႈ။ ၶႅၼ်းတေႃႈပၼ်တၢင်းလီတီႈၶႃႈၸဝ်ႈသေႇသေႇလႄႈပၼ်တီႈလိၼ်ဢၼ်ၵႂၢင်ႈလီလႃးလီၼၼ်ႉတီႈၶႃႈၸဝ်ႈသေၵမ်းတီႈၶႃႈ။ ၶႅၼ်းတေႃႈယူႇၽၢႆႇၶႃႈၸဝ်ႈသေလႄႈႁၢမ်ႈတၢပ်ႈႁႄႉၶႅၼ်ၽေးဢၼ်ဢမ်ႇလီဢမ်ႇငၢမ်း၊မဵဝ်းဢၼ်ၸၢင်ႈႁႂ်ႈၶႃႈၸဝ်ႈလႆႈၶၢမ်ႇဝူၺ်ႇတၼႃႇၼၼ်ႉသေၵမ်းတီႈၶႃႈ၊” ဝႃႈၼင်ႇၼႆဢေႃႈ။ ၽြႃးပဵၼ်ၸဝ်ႈၵေႃႈ၊ဢဵတ်းလူပၼ်သူးဢၼ်မၼ်းလဝ်ႈယွၼ်းၼၼ်ႉဢေႃႈ။

11ၶေးလုပ်ႉ၊ ၼွင်ႉၸၢႆး သုဢႃႇ၊ ၼၼ်ႉမီးလုၵ်ႈၸၢႆး မႁိရႃႉ၊မႁိရႃႉ၊ ပဵၼ်ပေႃႈ ဢေးသတုၼ်ႇ၊-

12ဢၼ်မီးလုၵ်ႈၸၢႆးသၢမ်ၵေႃႉ၊ ပႅတ်ႉရႃႇၽႃႉ၊ပႃႇသႃႇ၊ တင်း တေႇႁိၼ်ႇၼႃႉ၊ ဢေႃႈ။ တေႇႁိၼ်ႇၼႃႉ၊ တႄႇတင်ႈဝဵင်း ၼႁႃႇသႃႉ၊ ဢေႃႈ။ ၸိူဝ်ႉၶိူဝ်းလုၵ်ႈလၢၼ်ၶဝ်ၸိူဝ်းၼႆႉယူႇၵႃႈတီႈဝဵင်း ရေႇၶႃႇ၊ ဢေႃႈ။

13ၵေးၼတ်ႉ၊ မီးလုၵ်ႈၸၢႆးသွင်ၵေႃႉ၊ ဢေႃးႀၼ်ႇယေႇလႃႉ၊ တင်း ၸရႃႇယႃႉ၊ ဢေႃႈ။ ဢေႃးႀၼ်ႇယေႇလႃႉ၊ ၵေႃႈမီးလုၵ်ႈၸၢႆးသွင်ၵေႃႉ ႁႃႇႀတ်ႉ၊ တင်း မေႃႇၼေႃႇႀေး၊ ဢေႃႈ။-

14မေႃႇၼေႃႇႀေး၊ မီးလုၵ်ႈၸၢႆး ဢေႃႇၽရႃႉ၊ ဢေႃႈ။ ၸရႃႇယႃႉ၊ ပဵၼ်ပေႃႈ ယွႃႇၽႃႉ၊ ဢၼ်တႄႇဢဝ်ထူင်ႉႁူၺ်ႈဢၼ်ၵူၼ်းၸၢင်ႈမေႃၶႅၵ်းမႆႉ၊တီႈဢၼ်ၵူၼ်းတင်းသဵင်ႈတင်းလူင်ပဵၼ်ၵူၼ်းဢၼ်မေႃႁဵတ်းမေႃသၢင်ႈၵတ်ႉၶၼ်ၼႃႇၼၼ်ႉဢေႃႈ။

15ၵႃႇလႅပ်ႉ၊ လုၵ်ႈၸၢႆး ယေႇၽုၼ်ႇၼႃႉ၊ ၼၼ်ႉမီးလုၵ်ႈၸၢႆးသၢမ်ၵေႃႉ၊ ဢိရု၊ဢေးလႃႇ၊ တင်း ၼႃႇမႃႇ၊ ဢေႃႈ။ ဢေးလႃႉ၊ သမ်ႉပဵၼ်ပေႃႈ ၵေးၼတ်ႉ၊ ဢေႃႈ။

16ယေႇႁလႃႉလေးလႃႉ၊ မီးလုၵ်ႈၸၢႆးသီႇၵေႃႉ၊ ၸိၽႃႉ၊ၸိၽႃႇ၊တိရိ၊ တင်း ဢႃႇသရေး၊ ဢေႃႈ။

17ဢေးၸရႃႉ၊ မီးလုၵ်ႈၸၢႆးသီႇၵေႃႉ၊ ယေႇႀႃႇ၊မေးရိတ်ႉ၊ဢေးၽႃႇ၊ တင်း ယႃႇလုၼ်ႇ၊ ဢေႃႈ။ မေးရိတ်ႉ၊ ဢဝ်ၵၼ်တင်း ပိႀိယႃႉ၊ လုၵ်ႈယိင်းၶုၼ်ႁေႃၶမ်း ဢေးၵျိပ်ႉ၊ လႄႈၶဝ်မီးလုၵ်ႈယိင်းၵေႃႉၼိုင်ႈ မေႇရီႇယမ်ႇ၊ ဢိၵ်ႇတင်းလုၵ်ႈၸၢႆးသွင်ၵေႃႉ၊ သမ်ႇမေႇ၊ တင်း ဢိသပႃႇ၊ ဢေႃႈ။ ဢိသပႃႇ၊ တႄႇတင်ႈဝဵင်း ဢေႇသတမေႃႇ၊ ဢေႃႈ။ မေးမၼ်း ယေႇႁုတိယႃႇ၊ မႄႈယိင်း ယုတႃႉ၊ ၼၼ်ႉၵိူတ်ႇလဵင်ႉလုၵ်ႈၸၢႆးသၢမ်ၵေႃႉ၊ဢၼ်ပဵၼ် ယေးရိတ်ႉ၊ ဢၼ်တႄႇတင်ႈဝဵင်း ၵေးတေႃး၊ႁေႇပႃႇ၊ ဢၼ်တႄႇတင်ႈဝဵင်း သေႃႇၶေႃႇ၊ တင်း ယေႇၵုႀီးလႃႉ၊ ဢၼ်တႄႇတင်ႈဝဵင်း ၸႃႇၼေႃႇ၊ ဢေႃႈ။

19ႁူဝ်းတိယႃႉ၊ ဢဝ်ၵၼ်တင်းၼွင်ႉယိင်း ၼႃႇႁမ်ႇ၊ လႄႈၸိူဝ်ႉၶိူဝ်းလုၵ်ႈလၢၼ်ၶဝ်တႄႇတင်ႈၸိူဝ်ႉၶိူဝ်းႁိူၼ်းၵူၼ်း ၵႃႇမိ၊ ဢၼ်ယူႇၵႃႈတီႈဝဵင်း ၵိလႃႉ၊ ဢိၵ်ႇတင်းၵူၼ်းဝဵင်း မႃႇၶႃႉ၊ ဢၼ်ယူႇၵႃႈတီႈဝဵင်း ဢေႇသတမေႃႇ၊ ဢေႃႈ။

20သိမုၼ်ႇ၊ မီးလုၵ်ႈၸၢႆးသီႇၵေႃႉ၊ ဢႃႇမၼုၼ်ႇ၊ရိၼ်းၼႃႉ၊ပိၼ်ႇႁႃႇၼၼ်ႇ၊ တင်း တိလုၼ်ႇ၊ ဢေႃႈ။ ဢိသိ၊ မီးလုၵ်ႈၸၢႆးသွင်ၵေႃႉ၊ ၸေႃႇႁိတ်ႉ၊ ဢိၵ်ႇတင်း ဝိၼ်ႇၸေႃႇႁိတ်ႉ၊ ဢေႃႈ။

21သေးလႃႉ၊ ပဵၼ်လုၵ်ႈၸၢႆး ယုတႃႉ၊ ၼၼ်ႉၵေႃႉၼိုင်ႈဢေႃႈ။ ၸိူဝ်ႉၶိူဝ်းမၼ်းၸမ်ႉ၊ပဵၼ် ဢေးရႃႉ၊ ဢၼ်တႄႇတင်ႈဝဵင်း လေးၵႃႉ၊လႃႇတႃႉ၊ ဢၼ်တႄႇတင်ႈဝဵင်း မရေးသႃႉ၊ လႄႈပဵၼ်ၶိူဝ်းႁိူၼ်းဢၼ်ၸၢင်ႈတေႃးၽႃႈပၢၼ်ႇၶျေႃးၸိူဝ်းဢၼ်ယူႇၵႃႈတီႈဝဵင်း ပႅတ်ႉဢႃႇသၽႃႇ၊ ၼၼ်ႉ၊-

22ယေႃႇယၵိမ်း၊ ဢိၵ်ႇတင်းၵူၼ်းဝဵင်း ၶေႃႇၸေးၽႃႉ၊ တင်းလၢႆ၊ဢိၵ်ႇတင်း ယေႃးသႃႉ၊ တင်း သႃႇရပ်ႉ၊ ဢၼ်ဢဝ်ၵၼ်တင်းမႄႈယိင်း မေႃႇၽႃႉ၊ လႄႈတႄႇသဝ်းယူႇၼႂ်းဝဵင်း ပႅတ်ႉလႁႅမ်ႇ၊ ၼၼ်ႉဢေႃႈ။ (ဢၼ်ဝႃႈၸိူဝ်ႉၼင်ႇၼႆၸိုင်၊ပဵၼ်ၵႂၢမ်းမိူဝ်ႈၵွၼ်ႇဢွၼ်ၼႆႉဢေႃႈ။-)

23ၶဝ်ပဵၼ်ၵူၼ်းႁဵတ်းမေႃႈၸိူဝ်းဢၼ်ထၢမ်းႁဵတ်းၵၢၼ်ၶုၼ်ႁေႃၶမ်းလႄႈယူႇၵႃႈၼႂ်းဝဵင်း ၼေႇတိမ်း၊ တင်းဝဵင်း ၵေႇတေႇရႃႉ၊ ဢေႃႈ။

24သိမုၼ်ႇ၊ မီးလုၵ်ႈၸၢႆးႁႃႈၵေႃႉ၊ဢၼ်ပဵၼ် ၼေႇမူၺ်ႇလႃႉ၊ယႃႇမိၼ်ႇ၊ယႃႇရိပ်ႉ၊ၸေးရႃႉ၊ ဢိၵ်ႇတင်း သေႃးလႃႉ၊ ဢေႃႈ။-

25သေႃးလႃႉ၊ မီးလုၵ်ႈၸၢႆး သႃႇလုမ်ႇ၊ ဢၼ်ပဵၼ်ပေႃႈ မိပသမ်ႇ၊ ဢၼ်ပဵၼ်ပေႃႈ မိသမႃႉ၊ ဢေႃႈ။-

26လုၵ်ႈလၢၼ်ဢၼ်သိုပ်ႇလူင်းမႃးၵႃႈတီႈ မိသမႃႉ၊ ၸမ်ႉ၊ ႁမူၺ်ႇလႃႉ၊ၸၵ်ႉၵုရႃႉ၊ တင်း သိမိ၊ ဢေႃႈ။-

27သိမိ၊ မီးလုၵ်ႈၸၢႆးသိပ်းႁူၵ်းၵေႃႉ၊တင်းလုၵ်ႈယိင်းႁူၵ်းၵေႃႉဢေႃႈ။ ၵူၺ်းၵႃႈ၊ၼႂ်းၶဝ်ပီႈၼွင်ႉၼၼ်ႉလုၵ်ႈလၢင်းဢမ်ႇၼမ်လႄႈ၊ၸိူဝ်ႉၶိူဝ်းလုၵ်ႈလၢၼ် သိမုၼ်ႇ၊ ၼၼ်ႉဢမ်ႇၼမ်ဢမ်ႇၵိုၼ်းမိူၼ်ၸိူဝ်ႉၼင်ႇၸိူဝ်ႉၶိူဝ်းလုၵ်ႈလၢၼ် ယုတႃႉ။

28ၸိူဝ်ႉၶိူဝ်းလုၵ်ႈလၢၼ် သိမုၼ်ႇ၊ ၸိူဝ်းဢၼ်သိုပ်ႇလူင်းမႃးတေႃႇႁွတ်ႈၶုၼ်ႁေႃၶမ်း တႃႇဝိတ်ႈ၊ ၼၼ်ႉဢွၼ်ၵၼ်ယူႇသဝ်းၵႃႈၼႂ်းဝဵင်း ပေႇရသေးၽႃႉ၊ ဝဵင်း မေႃႇလတႃႇ၊ ဝဵင်း ႁႃႇၸႃႉသုဢႃႇလႃႉ၊-

29ဝဵင်း ပိလႁႃႇ၊ ဝဵင်း ဢႃႇၸိမ်ႇ၊ ဝဵင်း တေႃႇလတ်ႉ၊-

30ဝဵင်း ပေႇသူၺ်ႇလႃႉ၊ ဝဵင်း ႁေႃႇမႃႇ၊ ဝဵင်း ၸိၵလၵ်ႉ၊- ဝဵင်း ပႅတ်ႉမႃႇၵပုတ်ႉ၊ ဝဵင်း ႁႃႇၸႃႉသုသိမ်း၊ ဝဵင်း ပႅတ်ႉပိရိ၊ တင်းဝဵင်း သႃႇရိမ်း၊ ဢေႃႈ။-

32လိူဝ်သေၼၼ်ႉၶဝ်ယင်းဢွၼ်ၵၼ်ယူႇၼႂ်းဝဵင်းႁႃႈဝဵင်းဢၼ်ပဵၼ်ဝဵင်း ဢေးတမ်ႇ၊ ဝဵင်း ဢႃႇဢိၼ်ႇ၊ ဝဵင်း ရိမ်ႇၽၼ်ႇ၊ ဝဵင်း တေႃႇၶိမ်း၊ တင်းဝဵင်း ဢႃႇသၼ်ႇ၊-

33ဢိၵ်ႇလူၺ်ႈၵၼ်တင်းဝၢၼ်ႈဢၼ်မီးႁိမ်းႁွမ်းမၼ်းတင်းလၢႆ၊လူင်းၵႂႃႇတၢင်းၸၢၼ်းတေႃႇထိုင်ႁွတ်ႈဝဵင်း ပႃႇလႃႉ၊ ဢေႃႈ။ ဢၼ်ၼႆႉၸမ်ႉ၊ပဵၼ်တၢင်းဢၼ်မၢတ်ႈမၢႆဝႆႉ၊လွင်ႈၸိူဝ်ႉၶိူဝ်းႁိူၼ်းၶဝ်၊ဢိၵ်ႇတင်းတီႈယူႇတီႈသဝ်းၶဝ်ၼၼ်ႉဢေႃႈ။

34ၼႃႇမႃႉၸိုဝ်ႈသဵင်ၵူၼ်းၸိူဝ်းဢၼ်ပဵၼ်တူၼ်ႈပဵၼ်ငဝ်ႈၵႃႈၼႂ်းၸိူဝ်ႉၶိူဝ်းႁိူၼ်းၶဝ်ၸမ်ႉ၊ မေႇသေႃးပပ်ႉ၊ယႃႇမလႅၵ်ႉ၊ယေႃးသႃႉ၊ လုၵ်ႈၸၢႆး ဢႃႇမၸိ၊ယူဝ်းဢေးလႃႉ၊ ယေႇႁု၊ (လုၵ်ႈၸၢႆး ယေႃးသိၽိ၊ လုၵ်ႈၸၢႆး ၸရႃႇယႃႉ၊ လုၵ်ႈၸၢႆး ဢေးသလႃႉ၊) ဢေးလိဢေႃးၼေႇ၊ယႃႇၵေႃႇၽႃႉ၊ယေႇသေႃႇႁႃႇယႃႉ၊ ဢသႃႇယႃႉ၊ဢတျေႇလႃႉ၊ယေႇသိမျေးလႃႉ၊ပေႇၼႃႇယႃႉ၊ ၸိၸႃႉ၊ (လုၵ်ႈၸၢႆး သိၽိ၊ လုၵ်ႈၸၢႆး ဢႃႇလုၼ်ႇ၊ လုၵ်ႈလၢၼ် ယေႇတႃႇယႃႉ၊ သိမရိ၊ တင်း သေႇမႃႇယႃႉ၊) ၸိူဝ်းၼၼ်ႉဢေႃႈ။ ၵွပ်ႈပိူဝ်ႈၵူၼ်းၸိူဝ်ႉၶိူဝ်းၶဝ်ၼမ်ၵိုၼ်းမႃးယူႇတိၵ်းတိၵ်းၼၼ်ႉ၊-

39ၶဝ်ၽႄၸွတ်ႇၵႂႃႇၽၢႆႇၼႃႈဝၼ်းတူၵ်းၸမ်တၵ်းႁွတ်ႈထိုင်၊ၵႃႈတီႈဝဵင်း ၵေးတေႃး၊ သေလႄႈၶဝ်ဢွၼ်ၵၼ်လဵင်ႉၽုင်သူဝ်းၽုင်ပႄႉၶဝ်ၽၢႆႇတၢင်းဝၼ်းဢွၵ်ႇပၢင်ႇႁူၺ်ႈဝဵင်းဢၼ်ၶဝ်ယူႇၼၼ်ႉဢေႃႈ။-

40ၶဝ်ၼၼ်ႉထူပ်းတီႈဢၼ်ပၢင်ႇယိူဝ်ႈယႃႈလီလႄႈလိူင်ႇၼမ်ၼႃႇ၊တီႈဢၼ်ၵႂၢင်ႈလီလႃးလီလႄႈယဵၼ်လီၼၼ်ႉဢေႃႈ။ ၵူၼ်းဢၼ်ယူႇၵႃႈတီႈၼၼ်ႈမိူဝ်ႈဢွၼ်တၢင်းၼၼ်ႉပဵၼ်ၵူၼ်းမဵဝ်း ႁႃႇမႃႉ၊ ဢေႃႈ။-

41ၼႂ်းၸူဝ်ႈပၢၼ်ၶုၼ်ႁေႃၶမ်း ႁေႇၸၵိ၊ မိူင်း ယုတႃႉ၊ ၼၼ်ႉၼႃႇမႃႉၸိုဝ်ႈသဵင်ၵူၼ်းၸိူဝ်းဢၼ်ဝႃႈမႃးၼၼ်ႉ၊ဢွၼ်ၵၼ်ၵႂႃႇတိုၵ်းတေႃးဝဵင်း ၵေးတေႃး၊ လႄႈယႃႉပႅတ်ႈသုမ်ႉထဵင်ၶဝ်၊ဢိၵ်ႇတင်းၵူၼ်းမဵဝ်း မေႃႇၼိ၊ ဢၼ်ၶဝ်ထူပ်းႁၼ်ၵႃႈတီႈၼၼ်ႈၸိူဝ်းၼၼ်ႉသေယဝ်ႉ၊ဢွၼ်ၵၼ်ပုတ်ႈတီႈၶဝ်ၼၼ်ႉလႄႈယူႇၵႂႃႇသေႇသေႇမၼ်ႈမၼ်ႈၵွပ်ႈပိူဝ်ႈပဵၼ်တီႈဢၼ်ပၢင်ႇယိူဝ်ႈယႃႈလီၼႃႇပုၼ်ႈၽုင်သူဝ်းၽုင်ပႄႉၶဝ်ၼၼ်ႉဢေႃႈ။-

42ၼႂ်းၸိူဝ်ႉၶိူဝ်း သိမုၼ်ႇ၊ ၼၼ်ႉၵူၼ်းႁႃႈပၢၵ်ႇဢွၼ်ၵၼ်ၶီႇသိုၵ်းၵႂႃႇၽၢႆႇတၢင်းဝၼ်းဢွၵ်ႇၵႂႃႇၸူးတီႈလွႆ ၸိရႃႉ၊ လႄႈၶုၼ်သိုၵ်းၶဝ်ၼၼ်ႉ၊ပဵၼ်လုၵ်ႈၸၢႆး ဢိသိ၊ ဢၼ်ဝႃႈ၊ ပေႇလတိ၊ၼႃႇရိ၊ရေႇၽႃႇယႃႉ၊ဢေႃးၸေးလႃႉ၊ ၸိူဝ်းၼၼ်ႉဢေႃႈ။-

43ၶဝ်ၼၼ်ႉ၊တိုၵ်းတေႃးယႃႉပႅတ်ႈၵူၼ်းမဵဝ်း ဢႃႇမလႅၵ်ႉ၊ ဢၼ်ယင်းၵိုတ်းၵျၢၼ်ႇလႄႈလွတ်ႈယူႇဝႆႉလႄႈယူႇသဝ်းၵႃႈတီႈၼၼ်ႈတေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။

← Chapter 3 Jump to: Chapter 5 →