1 Chronicles 6 — Shan NCL

1လေႇဝိ၊ မီးလုၵ်ႈၸၢႆးသၢမ်ၵေႃႉ၊ ၵေႇရသုၼ်ႇ၊ၵေႃႇႁတ်ႉ၊ ဢိၵ်ႇတင်း မေႇရႃႇရိ၊ ဢေႃႈ။

2ၵေႃႇႁတ်ႉ၊ မီးလုၵ်ႈၸၢႆးသီႇၵေႃႉ၊ ဢႃႇမရမ်ႇ၊ဢိၸႁႃႇ၊ႁေႇပရုၼ်ႇ၊ ဢိၵ်ႇတင်း ဢေႃးၸေးလႃႉ၊ ဢေႃႈ။

3ဢႃႇမရမ်ႇ၊ မီးလုၵ်ႈၸၢႆးသွင်ၵေႃႉ၊ၸိုဝ်ႈ ဢႃႇရုၼ်ႇ၊ ဢိၵ်ႇတင်း မူဝ်းသေႇ၊ လႄႈမီးလုၵ်ႈယိင်းၵေႃႉၼိုင်ႈ၊ၸိုဝ်ႈ မေႇရီႇယမ်ႇ၊ ဢေႃႈ။ ဢႃႇရုၼ်ႇ၊ မီးလုၵ်ႈၸၢႆးသီႇၵေႃႉ၊ၸိုဝ်ႈႁွင်ႉဝႃႈ၊ ၼႃႇတပ်ႉ၊ဢၽိႁု၊ဢေးလႃႇၸႃႇ၊ ဢိၵ်ႇတင်း ဢိႀမႃႇ၊ ဢေႃႈ။

4လုၵ်ႈၸၢႆး ဢေးလႃႇၸႃႇ၊ ၸမ်ႉ၊ပဵၼ် ၽိၼႁတ်ႉ၊ လႄႈ ၽိၼႁတ်ႉ၊ မီးလုၵ်ႈၸၢႆး ဢၽိသွႃႇ၊-

5ဢၽိသွႃႇ၊ မီးလုၵ်ႈၸၢႆး ပုၵ်ႉၵိ၊ပုၵ်ႉၵိ၊ မီးလုၵ်ႈၸၢႆး ဢေႃႇၸိ၊ဢေႃႇၸိ၊ မီးလုၵ်ႈၸၢႆး ၸေႇရႁိ၊ၸေႇရႁိ၊ မီးလုၵ်ႈၸၢႆး မရႃႇယုတ်ႉ၊မရႃႇယုတ်ႉ၊ မီးလုၵ်ႈၸၢႆး ဢႃႇမရိ၊ဢႃႇမရိ၊ မီးလုၵ်ႈၸၢႆး ဢႁိတုပ်ႉ၊-

8ဢႁိတုပ်ႉ၊ မီးလုၵ်ႈၸၢႆး ၸႃႇတုၵ်ႉ၊ၸႃႇတုၵ်ႉ၊ မီးလုၵ်ႈၸၢႆး ဢႁိမတ်ႉ၊ဢႁိမတ်ႉ၊ မီးလုၵ်ႈၸၢႆး ဢႃႇၸရိ၊ဢႃႇၸရိ၊ မီးလုၵ်ႈၸၢႆး ယေႃးႁၼၼ်ႇ၊ယေႃးႁၼၼ်ႇ၊ ၼၼ်ႉမီးလုၵ်ႈၸၢႆး ဢႃႇၸရိ၊ ဢၼ်ႁဵတ်းယဵၸ်ႈပရေႃးႁဵၵ်ႈ ၵႃႈၼႂ်းၵျွင်းပိၵ်ႈမၢၼ်ႇၸဝ်ႈဢၼ်ၶုၼ်ႁေႃၶမ်း သေႃးလမုၼ်ႇ၊ တႄႇႁဵတ်းၵႃႈၼႂ်းဝဵင်း ယေႇရုသလႅမ်ႇ၊ ၼၼ်ႉဢေႃႈ။-

11ဢႃႇၸရိ၊ မီးလုၵ်ႈၸၢႆး ဢႃႇမရိ၊ဢႃႇမရိ၊ မီးလုၵ်ႈၸၢႆး ဢႁိတုပ်ႉ၊- ဢႁိတုပ်ႉ မီးလုၵ်ႈၸၢႆး ၸႃႇတုၵ်ႉ၊ၸႃႇတုၵ်ႉ၊ မီးလုၵ်ႈၸၢႆး သႃႇလုမ်ႇ၊-

13သႃႇလုမ်ႇ၊ ၼၼ်ႉ မီးလုၵ်ႈၸၢႆး ႁိလၶိ၊ႁိလၶိ၊ မီးလုၵ်ႈၸၢႆး ဢႃႇၸရိ၊- ဢႃႇၸရိ၊ မီးလုၵ်ႈၸၢႆး ၸရႃႇယႃႉ၊ၸရႃႇယႃႉ၊ မီးလုၵ်ႈၸၢႆး ယေႃးၸတိၵ်ႉ ဢေႃႈ။ ယေႃးၸတိၵ်ႉ၊ ၸမ်ႉ၊လႆႈပႃးၵႂႃႇမိူဝ်ႈဢၼ် ထႃႇဝရႃႉၽြႃး၊ ၸႂ်ႉၶုၼ်ႁေႃၶမ်း ၼေႇပုၶတ်ႉၼေႇၸႃႇ၊ တိုၵ်းပႄႉသိမ်းဢဝ်၊ၵူၼ်းမိူင်း ယုတႃႉ၊ ဢိၵ်ႇတင်းၵူၼ်းဝဵင်း ယေႇရုသလႅမ်ႇ၊ ၼၼ်ႉဢေႃႈ။

16လေႇဝိ၊ မီးလုၵ်ႈၸၢႆးသၢမ်ၵေႃႉ၊ဢၼ်ပဵၼ် ၵေႇရသုၼ်ႇ၊ၵေႃႇႁတ်ႉ၊ တင်း မေႇရႃႇရိ၊ ဢေႃႈ။-

17ၵေႇရသုၼ်ႇ၊ မီးလုၵ်ႈၸၢႆး လိပၼိ၊ ဢိၵ်ႇတင်း သိမိ၊ ဢေႃႈ။- ၵေႃႇႁတ်ႉ၊ မီးလုၵ်ႈၸၢႆး ဢႃႇမရမ်ႇ၊ဢိၸႁႃႇ၊ႁေႇပရုၼ်ႇ၊ ဢိၵ်ႇတင်း ဢေႃးၸေးလႃႉ၊ ဢေႃႈ။-

19မေႇရႃႇရိ၊ မီးလုၵ်ႈၸၢႆး မႃႇလိ၊ ဢိၵ်ႇတင်း မုသိ၊ ဢေႃႈ။ ၶဝ်ၸိူဝ်းၼႆႉ၊ပဵၼ်မဵဝ်းၸိူဝ်ႉၶိူဝ်း လေႇဝိ၊ ၸွမ်းလူၺ်ႈၸိူဝ်ႉၶိူဝ်းပေႃႈၶဝ်ဢေႃႈ။

20ၸိူဝ်ႉၶိူဝ်းလုၵ်ႈလၢၼ်ဢၼ်သိုပ်ႇလူင်းမႃးသေၵႃႈတီႈ ၵေႇရသုၼ်ႇ၊ ၸမ်ႉ၊ ၵေႇရသုၼ်ႇ၊ မီးလုၵ်ႈၸၢႆး လိပၼိ၊လိပၼိ၊ မီးလုၵ်ႈၸၢႆး ယႃႇႁတ်ႉ၊ယႃႇႁတ်ႉ၊ မီးလုၵ်ႈၸၢႆး ၸိမ်းမႃႉ၊-

21ၸိမ်းမႃႉ၊ မီးလုၵ်ႈၸၢႆး ယေႃႇဢႃႇ၊ယေႃႇဢႃႇ၊ မီးလုၵ်ႈၸၢႆး ဢိတ်ႉတေႃႇ၊ဢိတ်ႉတေႃႇ၊ မီးလုၵ်ႈၸၢႆး ၸေးရႃႉ၊ၸေးရႃႉ၊ မီးလုၵ်ႈၸၢႆး ယႃႇတရေႇ၊ ဢေႃႈ။

22ၸိူဝ်ႉၶိူဝ်းလုၵ်ႈလၢၼ်ဢၼ်သိုပ်ႇလူင်းမႃးၵႃႈတီႈ ၵေႃႇႁတ်ႉ၊ ၸမ်ႉ၊ ၵေႃႇႁတ်ႉ၊ မီးလုၵ်ႈၸၢႆး ဢမိၼတပ်ႉ၊ဢမိၼတပ်ႉ၊ မီးလုၵ်ႈၸၢႆး ၵေႃးရႃႉ၊ၵေႃးရႃႉ၊ မီးလုၵ်ႈၸၢႆး ဢတ်ႉသိရႃႉ၊-

23ဢတ်ႉသိရႃႉ၊ မီးလုၵ်ႈၸၢႆး ဢေးလႃႉၵႃႇၼႃႉ၊ဢေးလႃႉၵႃႇၼႃႉ၊ မီးလုၵ်ႈၸၢႆး ဢေးပျႃႇသပ်ႉ၊ဢေးပျႃႇသပ်ႉ၊ မီးလုၵ်ႈၸၢႆး ဢတ်ႉသိရႃႉ၊- ဢတ်ႉသိရႃႉ၊ မီးလုၵ်ႈၸၢႆး တႃႇႁတ်ႉ၊တႃႇႁတ်ႉ၊ မီးလုၵ်ႈၸၢႆး ဢုရေးလႃႉ၊ဢုရေးလႃႉ၊ မီးလုၵ်ႈၸၢႆး ဢူဝ်းၸိယႃႉ၊ဢေႃႇၸိယႃႉ၊ မီးလုၵ်ႈၸၢႆး သေႃးလႃႉ၊ ဢေႃႈ။

25ဢေးလႃႉၵႃႇၼႃႉ၊ မီးလုၵ်ႈၸၢႆးသွင်ၵေႃႉ၊ ဢႃႇမသေး၊ တင်း ဢႁိမုတ်ႉ၊ ဢေႃႈ။-

26ၸိူဝ်ႉၶိူဝ်းလုၵ်ႈလၢၼ်ဢၼ်သိုပ်ႇလူင်းမႃးၵႃႈတီႈ ဢႁိမုတ်ႉ၊ ၸမ်ႉ၊ ဢႁိမုတ်ႉ၊ မီးလုၵ်ႈၸၢႆး ၸေႃးၽေး၊ၸေႃးၽေး၊ မီးလုၵ်ႈၸၢႆး ၼႃႇႁတ်ႉ၊ ဢေႃႈ၊-

27ၼႃႇႁတ်ႉ၊ မီးလုၵ်ႈၸၢႆး ဢေးလျႃႇၽႃႉ၊ဢေးလျႃႇၽႃႉ၊ မီးလုၵ်ႈၸၢႆး ယေႇရေႃးႁမ်ႇ၊ယေႇရေႃးႁမ်ႇ၊ မီးလုၵ်ႈၸၢႆး ဢေးလႃႉၵႃႇၼႃႉ၊ ဢေႃႈ။

28သမူၺ်ႇလႃႉ၊ မီးလုၵ်ႈၸၢႆးသွင်ၵေႃႉ၊ ယူဝ်းဢေးလႃႉ၊ ဢၼ်ပဵၼ်လုၵ်ႈၸၢႆးတူၼ်ႈတင်းၵေႃႉၼွင်ႉမၼ်း ဢၽိယႃႉ၊ ဢေႃႈ။

29ၸိူဝ်ႉၶိူဝ်းလုၵ်ႈလၢၼ်ဢၼ်သိုပ်ႇလူင်းမႃးၵႃႈတီႈ မေႇရႃႇရိ၊ ၸမ်ႉ၊ မေႇရႃႇရိ၊ မီးလုၵ်ႈၸၢႆး မႃႇလိ၊မႃႇလိ၊ မီးလုၵ်ႈၸၢႆး လိပၼိ၊လိပၼိ၊ မီးလုၵ်ႈၸၢႆး သိမိ၊သိမိ၊ မီးလုၵ်ႈၸၢႆး ဢေႃႇၸႃႉ၊- ဢေႃႇၸႃႉ၊ မီးလုၵ်ႈၸၢႆး သိမႃႇ၊သိမႃႇ၊ မီးလုၵ်ႈၸၢႆး ႁၵ်ႉၵျႃႇ၊ႁၵ်ႉၵျႃႇ၊ မီးလုၵ်ႈၸၢႆး ဢသႃႇယႃႉ၊ ဢေႃႈ။

31ၶဝ်ၸိူဝ်းၼႆႉၸမ်ႉ၊ပဵၼ်ၵူၼ်းၸိူဝ်းဢၼ်ၶုၼ်ႁေႃၶမ်း တႃႇဝိတ်ႈ၊ ၶၢၼ်းဝႆႉ၊ၼႂ်းၵၢၼ်ဢၼ်ႁဵတ်းၵႂၢမ်းၵႃႈတီႈထႃႇၼႃႉဢၼ်ႁဵတ်းဝၢတ်ႈၵူဝ်းၵႂၢႆႇၵႃႈၼႂ်းဝဵင်း ယေႇရုသလႅမ်ႇ၊ ဝၢႆးသေၶၢႆႉတိူၵ်ႈပတိၺိၺ်ႇၸဝ်ႈၵႂႃႇၵႃႈတီႈၼၼ်ႈဢေႃႈ။-

32ၶဝ်ၼၼ်ႉ၊လႆႈထၢမ်းၼႃႈၵၢၼ်ဢၼ်ႁဵတ်းၵႂၢမ်းၵႃႈတီႈသုမ်ႉထဵင်ၸဝ်ႈဢၼ် ထႃႇဝရႃႉၽြႃး၊ ၵိင်းဝၢပ်ႈယူႇ၊တေႃႇထိုင်ႁွတ်ႈၶိင်ႇၵႃႇလႃႉဢၼ် ၶုၼ်ႁေႃၶမ်း သေႃးလမုၼ်ႇ၊ တႄႇႁဵတ်းၵျွင်းပိၵ်ႈမၢၼ်ႇၸဝ်ႈၼၼ်ႉဢေႃႈ။ လိုၼ်းၼၼ်ႉၵေႃႈ၊ၶဝ်ယင်းလႆႈဢွၼ်ၵၼ်ပုတ်ႈလၢႆႈၵၢၼ်ထၢမ်းႁဵတ်းၼႃႈၵၢၼ်ၼၼ်ႉ၊ၸွမ်းၼင်ႇပုၼ်ႈၽွၼ်းတူဝ်ၸဝ်ႈၵဝ်ႇမီးၼၼ်ႉဢေႃႈ။-

33ၵူၼ်းၸိူဝ်းဢၼ်လႆႈထၢမ်းၼႃႈၵၢၼ်ၼၼ်ႉၸမ်ႉ၊ပဵၼ်ၶဝ်ၸိူဝ်းၼႆႉဢေႃႈ။ ၸွမ်းၼင်ႇၵူၼ်းၸိူဝ်ႉၶိူဝ်းႁိူၼ်း ၵေႃႇႁတ်ႉ၊ ၸမ်ႉ၊ၵူၼ်းႁဵတ်းၵႂၢမ်းမၼ်းပဵၼ် ႁေႇမၼ်ႇ၊ ၵေႃႉပဵၼ်လုၵ်ႈၸၢႆး ယူဝ်းဢေးလႃႉ၊ ၵေႃႉပဵၼ်လုၵ်ႈၸၢႆး သမူၺ်ႇလႃႉ၊-

34ၵေႃႉပဵၼ်လုၵ်ႈၸၢႆး ဢေးလႃႉၵႃႇၼႃႉ၊ ၵေႃႉပဵၼ်လုၵ်ႈၸၢႆး ယေႇရေႃးႁမ်ႇ၊ ၵေႃႉပဵၼ်လုၵ်ႈၸၢႆး ဢေးလျႃႇလႃႉ၊ ၵေႃႉပဵၼ်လုၵ်ႈၸၢႆး တေႃႇဢႃႇ၊-

43ၵေႃႉပဵၼ်လုၵ်ႈၸၢႆး ယႃႇႁတ်ႉ၊ ၵေႃႉပဵၼ်လုၵ်ႈၸၢႆး ၵေႇရသုၼ်ႇ၊ ၵေႃႉပဵၼ်လုၵ်ႈၸၢႆး လေႇဝိ၊ ၼၼ်ႉၵေႃႉၼိုင်ႈ။

44ဢိၵ်ႇတင်းပီႈၼွင်ႉၶဝ်ဢၼ်သိုပ်ႇလူင်းမႃးၵႃႈတီႈ လေႇဝိ၊ တင်း မေႇရႃႇရိ၊ ဢၼ်လႆႈၸုၵ်းၵႃႈတီႈၽၢႆႇသၢႆႉ ဢေးႀၼ်ႇ၊ ၵေႃႉပဵၼ်လုၵ်ႈၸၢႆး ၵိသိ၊ ၵေႃႉပဵၼ်လုၵ်ႈၸၢႆး ဢႃႇၽတိ၊ ၵေႃႉပဵၼ်လုၵ်ႈၸၢႆး မႃႇလုၵ်ႉ၊-

45ၵေႃႉပဵၼ်လုၵ်ႈၸၢႆး ႁႃႇသပိ၊ လုၵ်ႈၸၢႆး ဢႃႇမၸိ၊ ၵေႃႉပဵၼ်လုၵ်ႈၸၢႆး ႁိလၶိ၊- ၵေႃႉပဵၼ်လုၵ်ႈၸၢႆး ဢမ်ႇၸိ၊ ၵေႃႉပဵၼ်လုၵ်ႈၸၢႆး ပႃႇၼီႇ၊ ၵေႃႉပဵၼ်လုၵ်ႈၸၢႆး သမေႇရႃႉ၊-

47ၵေႃႉပဵၼ်လုၵ်ႈၸၢႆး မႃႇလိ၊ လုၵ်ႈၸၢႆး မုသိ၊ ၵေႃႉပဵၼ်လုၵ်ႈၸၢႆး မေႇရႃႇရိ၊ ၵေႃႉပဵၼ်လုၵ်ႈၸၢႆး လေႇဝိ၊ ၼၼ်ႉၵေႃႉၼိုင်ႈဢေႃႈ။

48ပီႈၼွင်ႉၸိူဝ်ႉၶိူဝ်းမဵဝ်း လေႇဝိ၊ တင်းလၢႆဢွၼ်ၵၼ်လႆႈၶၢမ်ႇတၢင်းဢၼ်ၶၢၼ်းဝႆႉ၊ၵႃႈၼႂ်းတၢင်းဢၼ်ထၢမ်းႁဵတ်းၼႃႈၵၢၼ်ၵူႈၸိူဝ်ႉၵူႈပိူင်ၵႃႈတီႈထႃႇၼႃႉဢၼ်ႁဵတ်းဝၢတ်ႈၵူဝ်းၵႂၢႆႇၼၼ်ႉဢေႃႈ။

49ဢႃႇရုၼ်ႇ၊ ဢိၵ်ႇတင်းၸူဝ်ႈလုၵ်ႈပၢၼ်လၢၼ်မၼ်းၸမ်ႉ၊လႆႈထၢမ်းႁဵတ်းၵၢၼ်တၢင်းလူႇၵႃႈၼိူဝ်ၶဵင်ႇတၢင်းလူႇဢၼ်ဢဝ်တူဝ်တၢင်းလူႇၽဝ်ၽႆးလႂ်၊ဢိၵ်ႇတင်းၶဵင်ႇတၢင်းလူႇဢၼ်တုတ်ႇၼၢမ်ႇသႃႇလႂ်လႄႈထၢမ်းၼႃႈၵၢၼ်တီႈထႃႇၼႃႉတီႈဢၼ်မူတ်းၸၢင်ႇသေပိူၼ်ႈၼၼ်ႉလႂ်၊တင်းတၢင်းဢၼ်ၽေႇဢပျတ်ႈၵူၼ်းမဵဝ်း ဢိသရေး၊ လႂ်ၸွမ်းၵႃႈၼင်ႇဢၼ် မူဝ်းသေႇ၊ ၵေႃႉပဵၼ်ၶႃႈၽြႃးပဵၼ်ၸဝ်ႈသင်ႇလၢတ်ႈဝႆႉၼၼ်ႉဢေႃႈ။-

50ၸိူဝ်ႉၶိူဝ်းလုၵ်ႈလၢၼ် ဢႃႇရုၼ်ႇ၊ သိုပ်ႇၼိုင်ႈယဝ်ႉသိုပ်ႇၼိုင်ႈၸမ်ႉ၊လုၵ်ႈၸၢႆး ဢႃႇရုၼ်ႇ၊ ၼၼ်ႉပဵၼ် ဢေးလႃႇၸႃႇ၊ လုၵ်ႈၸၢႆး ဢေးလႃႇၸႃႇ၊ ပဵၼ် ၽိၼႁတ်ႉ၊ လုၵ်ႈၸၢႆး ၽိၼႁတ်ႉ၊ ပဵၼ် ဢၽိသွႃႇ၊-

51လုၵ်ႈၸၢႆး ဢၽိသွႃႇ၊ ပဵၼ် ပုၵ်ႉၵိ၊ လုၵ်ႈၸၢႆး ပုၵ်ႉၵိ၊ ပဵၼ် ဢေႃႇၸိ၊ လုၵ်ႈၸၢႆး ဢေႃႇၸိ၊ ပဵၼ် ၸေႇရႁိ၊- လုၵ်ႈၸၢႆး ၸေႇရႁိ၊ ပဵၼ် မရႃႇယုတ်ႉ၊ လုၵ်ႈၸၢႆး မရႃႇယုတ်ႉ၊ ပဵၼ် ဢႃႇမရိ၊ လုၵ်ႈၸၢႆး ဢႃႇမရိ၊ ပဵၼ် ဢႁိတုပ်ႉ၊-

53လုၵ်ႈၸၢႆး ဢႁိတုပ်ႉ၊ ပဵၼ် ၸႃႇတုၵ်ႉ၊ လုၵ်ႈၸၢႆး ၸႃႇတုၵ်ႉ၊ ပဵၼ် ဢႁိမတ်ႉ၊ ဢေႃႈ။

54ဢိူင်ႇဢၼ်တႅပ်းမၢႆဝႆႉ၊ပုၼ်ႈၸိူဝ်ႉၶိူဝ်း ဢႃႇရုၼ်ႇ၊ ဢၼ်ပဵၼ်ၵူၼ်းၶိူဝ်းႁိူၼ်း ၵေႃႇႁတ်ႉ၊ ဢၼ်ၶဝ်လႆႈတူၵ်းၸႃႇၵွၵ်ႈ၊တီႈလိၼ်ဢၼ်တႅပ်းမၢႆပၼ်ဢွၼ်တၢင်းပိူၼ်ႈၼၼ်ႉၸမ်ႉ။-

55ၶဝ်လႆႈဝဵင်း ႁေႇပရုၼ်ႇ၊ ၵႃႈၼႂ်းလႅၼ်လိၼ်မိူင်း ယုတႃႉ၊ ဢိၵ်ႇတင်းတီႈလိၼ်ပၢင်ႇယိူဝ်ႈလဵပ်ႈႁွပ်ႈမၼ်းတင်းလၢႆဢေႃႈ။-

56တူင်ႈႁႆႈတူင်ႈၼႃးဝဵင်း၊ဢိၵ်ႇတင်းဝၢၼ်ႈမၼ်းတင်းလၢႆၸမ်ႉ၊ၶဝ်ပၼ်တီႈ ၵႃႇလႅပ်ႉ၊ လုၵ်ႈၸၢႆး ယေႇၽုၼ်ႇၼႃႉ၊ ဢေႃႈ။-

57ဝဵင်းၸိူဝ်းဢၼ်တႅပ်းမၢႆဝႆႉ၊ပုၼ်ႈၸိူဝ်ႉၶိူဝ်းလုၵ်ႈလၢၼ် ဢႃႇရုၼ်ႇ၊ ၸမ်ႉ၊ပဵၼ်ဝဵင်း ႁေႇပရုၼ်ႇ၊ ဝဵင်းဢၼ်ၶဝ်လႆႈပၢႆႈၸူးသွၼ်ႈပိုင်ႈတီႈမၼ်းဝဵင်း ယတ်ႉတိရႃႉ၊ ဝဵင်း လိပၼႃႉ၊ ဝဵင်း ဢေႇသတမေႃႇ၊-

58ဝဵင်း ႁိလိၼ်ႇ၊ ဝဵင်း တေႇပိရႃႉ၊- ဝဵင်း ဢႃႇသၼ်ႇ၊ တင်းဝဵင်း ပႅတ်ႉသေးမိတ်ႉ၊ ဢိၵ်ႇတင်းလိၼ်ပၢင်ႇယိူဝ်ႈဢၼ်လဵပ်ႈႁွပ်ႈဝဵင်းၶဝ်ၸိူဝ်းၼၼ်ႉဢေႃႈ။-

60ၵႃႈၼႂ်းဢိူင်ႇ ပိၼ်ႇယႃႇမိၼ်ႇ၊ ၵေႃႈဝဵင်းၸိူဝ်းဢၼ်တႅပ်းမၢႆပုၼ်ႈၶဝ်ပႃးလူၺ်ႈၵၼ်တင်းလိၼ်ပၢင်ႇယိူဝ်ႈမၼ်းၸမ်ႉ၊ပဵၼ်ဝဵင်း ၵေးပႃႉ၊ ဝဵင်း ဢႃႇလမႅတ်ႉ၊ တင်းဝဵင်း ဢႃႇၼသုတ်ႉ၊ ဢေႃႈ။ ဝဵင်းၸိူဝ်းၼၼ်ႉတင်းသဵင်ႈပွင်းၵၼ်မီးသိပ်းသၢမ်ဝဵင်း၊ပုၼ်ႈၵူၼ်းၶိူဝ်းႁိူၼ်းၶဝ်လႆႈယူႇလႆႈသဝ်းၼၼ်ႉဢေႃႈ။-

61ၵႃႈၼႂ်းဢိူင်ႇ မၼႃႇသေႇ၊ ပွတ်းဝၼ်းတူၵ်းၵေႃႈတူၵ်းၸႃႇၵွၵ်ႈလႄႈတတ်းမၢႆပၼ်ပုၼ်ႈၸိူဝ်ႉၶိူဝ်း ၵေႃႇႁတ်ႉ၊ ဢၼ်ယင်းၵိုတ်းယင်းၵျၢၼ်ႇၼၼ်ႉႁႂ်ႈလႆႈယူႇၸွမ်းလူၺ်ႈၵူၼ်းၶိူဝ်းႁိူၼ်းၽႂ်ၶိူဝ်းႁိူၼ်းမၼ်းဢေႃႈ။

62ပုၼ်ႈပီႈၼွင်ႉၸိူဝ်ႉၶိူဝ်း ၵေႇရသုၼ်ႇ၊ ၵေႃႈၶဝ်လႆႈဢဝ်သိပ်းသၢမ်ဝဵင်းပၼ်ၵႃႈၼႂ်းဢိူင်ႇ ဢိသၶႃႇ၊ ဢိူင်ႇ ဢႃႇသျႃႇ၊ ဢိူင်ႇ ၼပ်ႉထလိ၊ တင်းဢိူင်ႇ မၼႃႇသေႇ၊ ၽၢႆႇဝၼ်းဢွၵ်ႇၼႂ်းမိူင်း ပႃႇသၢၼ်ႇ၊ ၸိူဝ်းၼၼ်ႉဢေႃႈ။

63ပုၼ်ႈပီႈၼွင်ႉၸိူဝ်ႉၶိူဝ်း မေႇရႃႇရိ၊ ၸမ်ႉ၊ၶဝ်လႆႈပၼ်သိပ်းသွင်ဝဵင်းတီႈၵူၼ်းၸိူဝ်ႉၽႂ်ၶိူဝ်းမၼ်းၵႃႈတီႈဢိူင်ႇ ရုပိၼ်ႇ၊ ဢိူင်ႇ ၵၢတ်ႉ၊ တင်းဢိူင်ႇ ၸေႇပုလုၼ်ႇ၊ ဢေႃႈ။-

64ၼင်ႇၼၼ်လႄႈၵူၼ်းမဵဝ်း ဢိသရေး၊ တင်းလၢႆလႆႈဢဝ်ဝဵင်းဢိၵ်ႇတင်းလိၼ်ပၢင်ႇယိူဝ်ႈဢၼ်လဵပ်ႈႁွပ်ႈဝဵင်းၸိူဝ်းၼၼ်ႉတႅပ်းမၢႆပၼ်ပုၼ်ႈၵူၼ်းမဵဝ်း လေႇဝိ၊ တင်းလၢႆဢေႃႈ။-

65ဝဵင်းဢၼ်ဝႃႈမႃးၸိူဝ်းၼၼ်ႉၸိုင်၊ၶဝ်တူၵ်းၸႃႇၵွၵ်ႈသေၵႃႈၼႂ်းဢိူင်ႇၵူၼ်းမဵဝ်း ယုတႃႉ၊ ဢိူင်ႇၵူၼ်းမဵဝ်း သိမုၼ်ႇ၊ တင်းဢိူင်ႇၵူၼ်းမဵဝ်း ပိၼ်ႇယႃႇမိၼ်ႇ၊ သေလႄႈတႅပ်းမၢႆပုၼ်ႈၶဝ်ဢေႃႈ။

66ၵႃႈၼႂ်းၸိူဝ်ႉၶိူဝ်း ၵေႃႇႁတ်ႉ၊ ၼၼ်ႉတီႈၵူၼ်းၶိူဝ်းႁိူၼ်းၵမ်ႈၽွင်ႈၸိုင်၊ၶဝ်လႆႈဢဝ်ဝဵင်းတင်းလၢႆတင်းလိၼ်ပၢင်ႇယိူဝ်ႈမၼ်းတႅပ်းမႅင်ႇပၼ်မၢႆပၼ်ၶဝ်သေၵႃႈတီႈဢိူင်ႇ ဢေႇၽရိမ်ႇ၊ ၼၼ်ႉၸမ်ႉ၊-

67ပဵၼ်ဝဵင်း သေးၶိမ်ႇ၊ ဝဵင်းဢၼ်လႆႈပၢႆႈၵႂႃႇၸူးလႄႈသွၼ်ႈပိုင်ႈၵႃႈၼိူဝ်ႁၢၼ်ႉလွႆဢိူင်ႇ ဢေႇၽရိမ်ႇ၊ ဝဵင်း ၵေႇၸႃႇ၊-

68ဝဵင်း ယွၵ်ႉမမ်ႇ၊ ဝဵင်း ပႅတ်ႉႁေႃႇရုၼ်ႇ၊- ဝဵင်း ဢႃႇၸလုၼ်ႇ၊ တင်းဝဵင်း ၵႃႇသႃႇရိမ်ႇမုၼ်ႇ၊ ဢေႃႈ။-

70ၵႃႈၼႂ်းဢိူင်ႇ မၼႃႇသေႇ၊ ပွတ်းဝၼ်းတူၵ်းၵေႃႈၶဝ်လႆႈတႅပ်းမႅင်ႇမၢႆပၼ်ဝဵင်း ဢၼေႇရႃႇ၊ တင်းဝဵင်း ပိလမ်ႇ၊ ဢိၵ်ႇတင်းလိၼ်ပၢင်ႇယိူဝ်ႈၶဝ်ဢေႃႈ။

71ၵႃႈၼႂ်းၸိူဝ်ႉၶိူဝ်း ၵေႇရသုၼ်ႇ၊ ၼၼ်ႉတီႈၵူၼ်းၶိူဝ်းႁိူၼ်းၵမ်ႈၽွင်ႈၵေႃႈ၊ၶဝ်လႆႈဢဝ်ဝဵင်းတင်းလၢႆ၊ဢိၵ်ႇတင်းလိၼ်ပၢင်ႇယိူဝ်ႈမၼ်းၸိူဝ်းၼၼ်ႉတႅပ်းမၢႆပၼ်ၸိူဝ်ႉၼင်ႇၼႆဢေႃႈ။ ၵႃႈၼႂ်းဢိူင်ႇ မၼႃႇသေႇ၊ ပွတ်းဝၼ်းဢွၵ်ႇၼၼ်ႉဝဵင်း ၵေႃႇလၼ်ႇ၊ မိူင်း ပႃႇသၢၼ်ႇ၊ တင်းဝဵင်း ဢႃႇသတႃႇရုတ်ႉ၊ ဢေႃႈ။

72ၵႃႈၼႂ်းဢိူင်ႇ ဢိသၶႃႇ၊ ၼၼ်ႉဝဵင်း ၵေႇတေးသႃႉ၊ ဝဵင်း တႃႇပရတ်ႉ၊-

73ဝဵင်း ရႃႇမုတ်ႉ၊ တင်းဝဵင်း ဢႃႇၼိမ်ႇ၊ ဢေႃႈ။

74ၵႃႈၼႂ်းဢိူင်ႇ ဢႃႇသျႃႇ၊ ၼၼ်ႉဝဵင်း မိသလႃႇ၊ ဝဵင်း ဢႃႇပတုၼ်ႇ၊-

75ဝဵင်း ႁုၵုတ်ႉ၊ တင်းဝဵင်း ရေးႁွပ်ႉ၊ ဢေႃႈ။

76ၵႃႈၼႂ်းဢိူင်ႇ ၼပ်ႉထလိ၊ ၼၼ်ႉဝဵင်း ၵေႇတေးသႃႉ၊ မိူင်း ၵႃႇလိလႄး၊ ဝဵင်း ႁမ်ႇမုၼ်ႇ၊ တင်းဝဵင်း ၵိရိယသိမ်း၊ ဢေႃႈ။

77ပုၼ်ႈၵူၼ်းၶိူဝ်းႁိူၼ်း မေႇရႃႇရိ၊ ဢၼ်ယင်းၵိုတ်းၵျၢၼ်ႇယူႇဝႆႉၸမ်ႉ၊တႅပ်းမၢႆပၼ်ၵႃႈၼႂ်းဝဵင်းဢိၵ်ႇတင်းလိၼ်ပၢင်ႇယိူဝ်ႈမၼ်းတင်းလၢႆၸွမ်းၼင်ႇၼႆဢေႃႈ။ ၵႃႈၼႂ်းဢိူင်ႇ ၸေႇပုလုၼ်ႇ၊ ၼၼ်ႉဝဵင်း ရိမ်ႇမုၼ်ႇ၊ တင်းဝဵင်း တႃႇပေႃႇ၊ ဢေႃႈ။

78ၵႃႈၼႂ်းဢိူင်ႇ ရုပိၼ်ႇ၊ ၼၼ်ႉၵႃႈတီႈပွတ်းဝၼ်းဢွၵ်ႇၼမ်ႉ ယေႃးတၢၼ်ႇ၊ သိုဝ်ႈၵၼ်တင်းဝဵင်း ယေႇရိၶူဝ်း၊ ဢၼ်ပဵၼ်ဝဵင်း ပေႇၸႃႇ၊ ၵႃႈၼိူဝ်ၵွင်းပဵင်းမၼ်းတင်းဝဵင်း ယႃႇၸႃႉ၊-

79ဝဵင်း ၵေႇတမုတ်ႉ၊ တင်းဝဵင်း မေႇၽတ်ႉ၊ ဢေႃႈ။

80ၵႃႈၼႂ်းဢိူင်ႇ ၵၢတ်ႉ၊ ၼၼ်ႉဝဵင်း ရႃႇမုတ်ႉ၊ မိူင်း ၵိလတ်ႉ၊ ဝဵင်း မႁႃႇၼိမ်ႇ၊-

81ဝဵင်း ႁေႇသၽုၼ်ႇ၊ တင်းဝဵင်း ယႃႇၸႃႇ၊ ၸိူဝ်းၼၼ်ႉဢေႃႈ။