1 Chronicles 9 — Shan NCL

1ၵူၼ်းမဵဝ်း ဢိသရေး၊ တင်းသဵင်ႈတင်းမူတ်းလႆႈၶၢမ်ႇတၢင်းဢၼ်မၢတ်ႈမၢႆၶဝ်ႈပႃးၼႂ်း ပိုၼ်းၶုၼ်ႁေႃၶမ်းမိူင်းဢိသရေး၊ ဝႆႉၸွမ်းၼင်ႇၵူၼ်းၸိူဝ်ႉၶိူဝ်းႁိူၼ်းၶဝ်ၼၼ်ႉဢေႃႈ။ ၵူၼ်းမဵဝ်း ယုတႃႉ၊ တင်းလၢႆၸမ်ႉ၊လႆႈၶၢမ်ႇတၢင်းဢၼ်သိမ်းဢဝ်ၵႂႃႇၵႃႈတီႈဝဵင်း ပႃႇပုလုၼ်ႇ၊ ၸွမ်းၼင်ႇဢပျတ်ႈတၢမ်ႇဢၼ်ၶဝ်ၽိတ်းပိူင်ႈၼၼ်ႉဢေႃႈ။-

2ၵူၼ်းၸိူဝ်းဢၼ်လႆႈၶိုၼ်းပွၵ်ႈမႃးဢွၼ်တၢင်းသေပိူၼ်ႈလႄႈတူၵ်းတီႈတူၵ်းလႅၼ်ၵႃႈတီႈဝၢၼ်ႈဝဵင်းၶဝ်ဢၼ်ၶဝ်ပိူင်ႇၼၼ်ႉၸမ်ႉ၊ပဵၼ်ၶႃႈဝၢၼ်ႈၵူၼ်းမဵဝ်း ဢိသရေး၊ လႂ်ယဵၸ်ႈပရေႃးႁဵၵ်ႈ လႂ်၊ၵူၼ်းမဵဝ်း လေႇဝိ၊ လႂ်တင်းၵူၼ်းထၢမ်းၼႃႈၵၢၼ်ၵျွင်းပိၵ်ႈမၢၼ်ႇၸဝ်ႈလႂ်၊ၸိူဝ်းၼၼ်ႉဢေႃႈ။-

3ၵူၼ်းၸိူဝ်းဢၼ်ပဵၼ်ၸိူဝ်ႉၶိူဝ်း ယုတႃႉ၊ ၶဝ်ၸိူဝ်ႉၶိူဝ်း ပိၼ်ႇယႃႇမိၼ်ႇ၊ ၶဝ်ၸိူဝ်ႉၶိူဝ်း ဢေႇၽရိမ်ႇ၊ ၶဝ်တင်းၸိူဝ်ႉၶိူဝ်း မၼႃႇသေႇ၊ ၶဝ်ၸိူဝ်းၼၼ်ႉၸမ်ႉ၊ၶဝ်ႈယူႇၵႃႈၼႂ်းဝဵင်း ယေႇရုသလႅမ်ႇ၊ ဢေႃႈ။

4ၸိူဝ်ႉၶိူဝ်း ယုတႃႉ၊ ၸိူဝ်းဢၼ်ယူႇၼႂ်းဝဵင်း ယေႇရုသလႅမ်ႇ၊ ၼၼ်ႉမီးႁူၵ်းပၢၵ်ႇၵဝ်ႈသိပ်းၵေႃႉၼၼ်ႉၸမ်ႉ၊ ၸိူဝ်ႉၶိူဝ်းလုၵ်ႈလၢၼ် ယုတႃႉ၊ ၼႂ်းၶိူဝ်းႁိူၼ်း ၽေးရိတ်ႉ၊ ၼၼ်ႉၵူၼ်းႁူဝ်မၼ်းပဵၼ် ဢုသေႇ၊ လုၵ်ႈၸၢႆး ဢမိႁုတ်ႉ၊ ၵေႃႉပဵၼ်လၢၼ် ဢေႃးမရိ၊ ၼၼ်ႉဢေႃႈ။ ပူႇပေႃႈမၼ်းတၢင်ႇၵေႃႉၸိူဝ်းၼၼ်ႉပဵၼ် ဢိမရိ၊ တင်း ပႃႇၼီႇ၊ ဢေႃႈ။ ၸိူဝ်ႉၶိူဝ်းလုၵ်ႈလၢၼ် ယုတႃႉ၊ ၼႂ်းၶိူဝ်းႁိူၼ်း သေးလႃႇ၊ ၼၼ်ႉၵူၼ်းတူၼ်ႈၵူၼ်းငဝ်ႈမၼ်းပဵၼ် ဢသႃႇယႃႉ၊ ဢၼ်ပဵၼ်လုၵ်ႈတူၼ်ႈၼႂ်းလုၵ်ႈၸၢႆးမၼ်းၸိူဝ်းၼၼ်ႉဢေႃႈ။ ၸိူဝ်ႉၶိူဝ်းလုၵ်ႈလၢၼ် ယုတႃႉ၊ ၼႂ်းၶိူဝ်းႁိူၼ်း ၸေးရႃႉ၊ ၼၼ်ႉၵူၼ်းတူၼ်ႈၵူၼ်းငဝ်ႈမၼ်းပဵၼ် ယူၺ်ႇလႃႉ၊ ဢေႃႈ။

9တင်းသဵင်ႈတင်းမူတ်းမီးၵဝ်ႈပၢၵ်ႇႁႃႈသိပ်းႁူၵ်းၵေႃႉလႄႈၸိုဝ်ႈသဵင်ဢၼ်ဝႃႈမႃးၸိူဝ်းၼႆႉပဵၼ်တူၼ်ႈပဵၼ်ငဝ်ႈၶိူဝ်းႁိူၼ်းၶဝ်ဢေႃႈ။

10ယဵၸ်ႈပရေႃးႁဵၵ်ႈ တင်းလၢႆဢၼ်ယူႇၼႂ်းဝဵင်း ယေႇရုသလႅမ်ႇ၊ ၼၼ်ႉၸမ်ႉ၊ ယေႇတႃႇယႃႉ၊ယေႇႁေႃးရိပ်ႉ၊ယႃႇၶိၼ်ႇ၊ ဢႃႇၸရိ၊ လုၵ်ႈၸၢႆး ႁိလၶိ၊ (ဢၼ်ပဵၼ်ငဝ်ႈၶုၼ်ဢၼ်ပွင်ၵၢၼ်ၼႂ်းၵျွင်းပိၵ်ႈမၢၼ်ႇၸဝ်ႈဢၼ်ပူႇပေႃႈမၼ်းတင်းလၢႆပဵၼ် မေႇသုလမ်ႇ၊ၸႃႇတုၵ်ႉ၊မရႃႇယုတ်ႉ၊ တင်း ဢႁိတုပ်ႉ၊ ၸိူဝ်းၼၼ်ႉပႃးၼိုင်ႈ၊ ဢတႃႇယႃႉ၊ လုၵ်ႈၸၢႆး ယေႇရေႃးႁမ်ႇ၊ ဢၼ်ပူႇပေႃႈမၼ်းတင်းလၢႆ၊ပဵၼ် ပႃႇသုရႃႉ၊ တင်း မႃႇလၶိယႃႉ၊ ပႃးၼိုင်ႈဢိၵ်ႇတင်း မႃႇသေး၊ လုၵ်ႈၸၢႆး ဢတျေႇလႃႉ၊ ဢၼ်ပူႇပေႃႈမၼ်းတင်းလၢႆပဵၼ် ယႃႇၸေးရႃႉ၊မေႇသုလမ်ႇ၊မေႇသိလမိတ်ႉ၊ တင်း ဢိမေႇရႃႉ၊ ပႃးၼိုင်ႈဢေႃႈ။

13ယဵၸ်ႈပရေႃးႁဵၵ်ႈၸိူဝ်းဢၼ်ပဵၼ်တူၼ်ႈပဵၼ်ငဝ်ႈၼႂ်းၶိူဝ်းႁိူၼ်းၶဝ်ၼၼ်ႉမီးၼိုင်ႈႁဵင်ၸဵတ်းပၢၵ်ႇႁူၵ်းသိပ်းဢေႃႈ။ ၵႃႈၼင်ႇဢၼ်ပဵၼ်ၵၢၼ်ငၢၼ်းၵျွင်းပိၵ်ႈမၢၼ်ႇၸဝ်ႈၵႃႈမီးၼၼ်ႉၶဝ်ၸိူဝ်းၼႆႉပႄႉၵၢၼ်ပႄႉငၢၼ်းလီလီဢေႃႈ။

14ၵူၼ်းမဵဝ်း လေႇဝိ၊ ဢၼ်ယူႇသဝ်းၼႂ်းဝဵင်း ယေႇရုသလႅမ်ႇ၊ ၸမ်ႉ၊ သေႇမႃႇယႃႉ၊ လုၵ်ႈၸၢႆး ႁႃႇသုပ်ႉ၊ ဢၼ်ပူႇပေႃႈမၼ်းတင်းလၢႆ၊ပဵၼ် ဢႃႇၸရိၵမ်ႇ၊ႁႃႇသပိ၊ ၵူၼ်းၶိူဝ်းႁိူၼ်း မေႇရႃႇရိ၊ ၼၼ်ႉၵေႃႉၼိုင်ႈ၊ ပၵ်ႉပၵ်ႉၵႃႇ၊ႁေးရိတ်ႉ၊ တင်း ၵလႃးလႃႉ၊ ၶဝ်သၢမ်ၵေႃႉ၊ မတ်ႉသၼိ၊ လုၵ်ႈၸၢႆး မိၵ်ႉၶႃႇ၊ ဢၼ်ပူႇပေႃႈမၼ်းတင်းလၢႆပဵၼ် ၸိၶရိ၊ တင်း ဢႃႇသပ်ႉ၊ ၼၼ်ႉၵေႃႉၼိုင်ႈ၊ ဢေႃးပတိ၊ လုၵ်ႈၸၢႆး သေႇမႃႇယႃႉ၊ ဢၼ်ပူႇပေႃႈမၼ်းတင်းလၢႆ၊ပဵၼ် ၵလႃးလႃႉ၊ တင်း ယေႇတုသုၼ်ႇ၊ ၼၼ်ႉၵေႃႉၼိုင်ႈ၊ ပေႇရၶိ၊ လုၵ်ႈၸၢႆး ဢႃႇသႃႉ၊ လႄႈပဵၼ်လၢၼ်ၸၢႆး ဢေးလႃႉၵႃႇၼႃႉ၊ ဢၼ်ယူႇတီႈဢိူင်ႇၵူၼ်းမဵဝ်း ၼေႇတေႃႇၽႃႉ၊ ၼၼ်ႉၵေႃႉၼိုင်ႈဢေႃႈ။

17ၵူၼ်းပႂ်ႉၽၵ်းတူၵျွင်းပိၵ်ႈမၢၼ်ႇၸဝ်ႈၸိူဝ်းၼၼ်ႉၸမ်ႉ၊ သႃႇလုမ်ႇ၊ဢၵ်ႉၵုပ်ႉ၊တႃႇလမုၼ်ႇ၊ဢႁိမၼ်ႇ၊ တင်းပီႈၼွင်ႉၶဝ်ၸုမ်းၼိုင်ႈ၊ သႃႇလုမ်ႇ၊ ပဵၼ်ႁူဝ်ၼႃႈၶဝ်လႄႈ၊-

18လႆႈပႂ်ႉၽၵ်းတူၽၢႆႇဝၼ်းဢွၵ်ႇဢၼ်ၶုၼ်ႁေႃၶမ်းၶဝ်ႈၼၼ်ႉဢေႃႈ။ ၶဝ်ၸိူဝ်းၼႆႉလႆႈပႂ်ႉၽၵ်းတူပၢင်တပ်ႉၵူၼ်း လေႇဝိ၊ ၸိူဝ်းၼၼ်ႉဢေႃႈ။

19သႃႇလုမ်ႇ၊ လုၵ်ႈၸၢႆး ၵေႃးရႃႉ၊ ၵေႃႉပဵၼ်လၢၼ် ဢေးပျႃႇသပ်ႉ၊ ဢိၵ်ႇတင်းပီႈၼွင်ႉမၼ်းၵူၼ်းမဵဝ်းမၼ်း ၵေႃႇရသိ၊ ၸိူဝ်းၼၼ်ႉတူၵ်းပုၼ်ႈၽွၼ်းၵၼ်ပႂ်ႉၽၵ်းတူဢၼ်ၶဝ်ႈၸူးသုမ်ႉထဵင်ၸဝ်ႈဢၼ် ထႃႇဝရႃႉၽြႃး၊ ၵိင်းဝၢပ်ႈၼၼ်ႉမိူၼ်ၸိူဝ်ႉၼင်ႇဢၼ်ပူႇပေႃႈၶဝ်လႆႈပႂ်ႉလူပႂ်ႉထိင်းပၢင်တပ်ႉ ထႃႇဝရႃႉၽြႃး၊ ၼၼ်ႉဢေႃႈ။-

20မိူဝ်ႈၵွၼ်ႇဢွၼ်ၼႆႉၼၼ်ႉ ၽိၼႁတ်ႉ၊ လုၵ်ႈၸၢႆး ဢေးလႃႇၸႃႇ၊ လႆႈပဵၼ်ႁူဝ်ၼႃႈၵူၼ်းပႂ်ႉၽၵ်းတူမႃးလႄႈ ထႃႇဝရႃႉၽြႃး၊ မီးလူၺ်ႈၵၼ်တင်းမၼ်းၼၼ်ႉဢေႃႈ။

21ၸႃႇၶရိ၊ လုၵ်ႈၸၢႆး မသေးလမိ၊ ၵေႃႈပဵၼ်ၵူၼ်းပႂ်ႉၽၵ်းတူဢၼ်ၶဝ်ႈၸူးသုမ်ႉထဵင်ၸဝ်ႈဢၼ် ထႃႇဝရႃႉၽြႃး၊ ၵိင်းဝၢပ်ႈၼၼ်ႉၵေႃႉၼိုင်ႈၼင်ႇၵဝ်ႇဢေႃႈ။

22ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၶၢၼ်းဝႆႉ၊ႁႂ်ႈပႂ်ႉၽၵ်းတူၼၼ်ႉတင်းသဵင်ႈတင်းလူင်၊မီးသွင်ပၢၵ်ႇပၢႆသိပ်းသွင်ၵေႃႉလႄႈလႆႈၵဵပ်းဢဝ်ၸရၢင်းၶဝ်ၸွမ်းၼင်ႇၼႂ်းဝၢၼ်ႈၼႂ်းၶူင်ႇဢၼ်ၶဝ်ယူႇၼၼ်ႉဢေႃႈ။ ၶုၼ်ႁေႃၶမ်း တႃႇဝိတ်ႈ၊ တင်း သမူၺ်ႇလႃႉ၊ ဢၼ်ပဵၼ်ၵူၼ်းႁူပွင်ႇတႃလႅင်းၼၼ်ႉ၊ၶၢၼ်းၶဝ်ဝႆႉၸဵမ်မိူဝ်ႈၸူဝ်ႈပၢၼ်ပူႇပေႃႈၶဝ်ၼၼ်ႉဢေႃႈ။-

23ၸူဝ်ႈလုၵ်ႈပၢၼ်လၢၼ်ၶဝ်ၵေႃႈ၊လႆႈပႂ်ႉၽၵ်းတူၵျွင်းပိၵ်ႈမၢၼ်ႇၸဝ်ႈသေႇသေႇဢေႃႈ။-

24ၽၵ်းတူဢၼ်တေႃႇၼႃႈၵၼ်ၽၢႆႇတၢင်းႁွင်ႇၽၢႆႇတၢင်းၸၢၼ်း၊ၽၢႆႇတၢင်းဝၼ်းဢွၵ်ႇ၊ၽၢႆႇတၢင်းဝၼ်းတူၵ်းသီႇၼႃႈၼၼ်ႉမီးႁူဝ်ၼႃႈၵူၼ်းပႂ်ႉယေႈၵေႃႉယေႈၵေႃႉဢေႃႈ။-

25ပီႈၼွင်ႉၶဝ်ဢၼ်ပဵၼ်ၵူၼ်းဝၢၼ်ႈၶဝ်ၸိူဝ်းၼၼ်ႉ၊လႆႈပဵၼ်ဢလေႉၵၼ်မႃးထၢမ်းၼႃႈၵၢၼ်ပႂ်ႉယေႈလႄႉယေႈၵမ်း၊ၸဵတ်းဝၼ်းၸဵတ်းဝၼ်းဢေႃႈ။-

26ႁူဝ်ၼႃႈၵူၼ်းပႂ်ႉသီႇၵေႃႉၼၼ်ႉပဵၼ်ၵူၼ်းမဵဝ်း လေႇဝိ၊ ၶဝ်ဢၼ်ၶၢမ်ႇဢဝ်ပုၼ်ႈၽွၼ်းပႂ်ႉလုၵ်းတင်းလၢႆ၊ဢိၵ်ႇတင်းတိူၵ်ႈၽၼ်ႇတႃႇဢၼ်မီးၵႃႈၼႂ်းၵျွင်းပိၵ်ႈမၢၼ်ႇၸဝ်ႈၼၼ်ႉဢေႃႈ။-

27ၶဝ်လႆႈဢွၼ်ၵၼ်ယူႇၸမ်ႁိမ်းၽၵ်းတူၵျွင်းပိၵ်ႈမၢၼ်ႇၸဝ်ႈၵွပ်ႈပိူဝ်ႈၶဝ်မီးပုၼ်ႈၽွၼ်းဢၼ်ပႂ်ႉၽၵ်းတူ၊ဢိၵ်ႇတင်းဢၼ်ၽုၺ်ႇၽၵ်းတူပၼ်ၵူႈၼႂ်ၵူႈၼႂ်ၼၼ်ႉဢေႃႈ။

28ၵူၼ်းမဵဝ်း လေႇဝိ၊ ၵမ်ႈၽွင်ႈလႆႈၶၢမ်ႇဢဝ်ပုၼ်ႈၽွၼ်းဢၼ်ပႂ်ႉထိင်းၶိူင်ႈပိူင်ဢၼ်ယိပ်းဢၼ်ၸႂ်ႉၼႂ်းၼႃႈၵၢၼ်ၵျွင်းပိၵ်ႈမၢၼ်ႇၸဝ်ႈၼၼ်ႉဢေႃႈ။ ၶဝ်လႆႈၼပ်ႉဢၢၼ်ႇတူၺ်း၊မိူဝ်ႈဢၼ်ဢဝ်ဢွၵ်ႇဢဝ်ၶဝ်ႈၼႂ်းတၢင်းဢၼ်ၶဝ်ဢဝ်ယိပ်းဢဝ်ၸႂ်ႉၵူႈပွၵ်ႈၼၼ်ႉဢေႃႈ။-

29ၵမ်ႈၽွင်ႈသမ်ႉလႆႈႁပ်ႉပုၼ်ႈၽွၼ်းဢၼ်ပႂ်ႉထိင်းၶိူင်ႈမူတ်းၸၢင်ႇလႂ်၊ၽွင်ၶဝ်ႈၵျုင်ႇလႂ်၊ၼမ်ႉမၢၵ်ႇၸပိတ်ႉလႂ်၊ၼမ်ႉမၼ်းသၢၼ်ႇလုၼ်ႇလႂ်၊ၼၢမ်ႇသႃႇလႂ်၊ၼမ်ႉမၼ်းႁွမ်လႂ်၊ၸိူဝ်းၼၼ်ႉဢေႃႈ။-

30လွင်ႈတၢင်းဢၼ်ၽေႃႇႁဵတ်းၼမ်ႉမၼ်းၼၢမ်ႇသႃႇၼၼ်ႉၸမ်ႉ၊ပဵၼ်ပုၼ်ႈၽွၼ်းယဵၸ်ႈပရေႃးႁဵၵ်ႈ တင်းလၢႆဢေႃႈ။

31ၵူၼ်းမဵဝ်း လေႇဝိ၊ ၵေႃႉၼိုင်ႈ ဢၼ်လႆႈၸိုဝ်ႈ မတ်ႉတိသိ၊ လုၵ်ႈၸၢႆး သႃႇလုမ်ႇ၊ ဢၼ်ပဵၼ်ၸိူဝ်ႉၶိူဝ်းမဵဝ်း ၵေႃႇရသိ၊ ၼၼ်ႉလႆႈတူၵ်းပုၼ်ႈၽွၼ်းလူတူၺ်းၶဝ်ႈမုၼ်းဢၼ်ၶူဝ်ႈၼိူဝ်ၶႅပ်းလဵၵ်းပုၼ်ႈတၵ်းသၢၵ်ႈလူႇၼၼ်ႉလႄႈ၊-

32ပီႈၼွင်ႉၶိူဝ်းႁိူၼ်း ၵေႃႇရသိ၊ တင်းလၢႆလႆႈၶၢမ်ႇဢဝ်ပုၼ်ႈၽွၼ်းဢၼ်မႄးႁႅၼ်းၶဝ်ႈမုၼ်းမူတ်းၸၢင်ႇပုၼ်ႈၵျွင်းပိၵ်ႈမၢၼ်ႇၸဝ်ႈၵူႈသိၼ်ၼၼ်ႉဢေႃႈ။

33ၵူၼ်းၶိူဝ်းႁိူၼ်းမဵဝ်း လေႇဝိ၊ ၵမ်ႈၽွင်ႈတူၵ်းပုၼ်ႈၽွၼ်းဢၼ်ႁဵတ်းၵႂၢမ်းၵႃႈၼႂ်းၵျွင်းပိၵ်ႈမၢၼ်ႇၸဝ်ႈၼၼ်ႉဢေႃႈ။ ၵူၼ်းဢၼ်ပဵၼ်တူၼ်ႈပဵၼ်ငဝ်ႈၼႂ်းၶိူဝ်းႁိူၼ်းၸိူဝ်းၼၼ်ႉ၊လႆႈယူႇၵႃႈတီႈလုၵ်းၵႃႈၼႂ်းၵျွင်းပိၵ်ႈမၢၼ်ႇၸဝ်ႈၸိူဝ်းၼၼ်ႉလႄႈလႆႈၵၢင်းလွတ်ႈတင်းၼႃႈၵၢၼ်တၢင်ႇၸိူဝ်ႉတၢင်ႇဢၼ်ၵွပ်ႈပိူဝ်ႈၶဝ်လႆႈပႂ်ႉႁဵတ်းယူႇၵူႈဝၼ်းၵူႈၶိုၼ်းၼၼ်ႉဢေႃႈ။

34ၸိုဝ်ႈသဵင်ၵူၼ်းၸိူဝ်းဢၼ်ဝႃႈမႃးၼႆႉ၊ပဵၼ်တူၼ်ႈပဵၼ်ငဝ်ႈၼႂ်းၵူၼ်းၶိူဝ်းႁိူၼ်းမဵဝ်း လေႇဝိ၊ ၸိူဝ်းၼၼ်ႉ၊ၸွမ်းလူၺ်ႈတၢင်းဢၼ်လုၵ်ႉၵႃႈတီႈပူႇပေႃႈၶဝ်သိုပ်ႇလူင်းမႃးၼၼ်ႉလႄႈၶဝ်ၼၼ်ႉယူႇၼႂ်းဝဵင်း ယေႇရုသလႅမ်ႇ၊ ဢေႃႈ။

35ယေႇယေႇလႃႉ၊ တႄႇတင်ႈဝဵင်း ၵိပွင်ႇ၊ လႄႈယူႇသဝ်းၵႃႈတီႈဝဵင်းၼၼ်ႉဢေႃႈ။ မေးမၼ်းပဵၼ် မႃႇၶႃႇ၊ လႄႈ၊-

36လုၵ်ႈၸၢႆးတူၼ်ႈမၼ်းပဵၼ် ဢႃႇပတုၼ်ႇ၊ လႄႈသမ်ႉမီးလုၵ်ႈၸၢႆးထႅင်ႈ၊ ၸုရႃႉ၊ၵိသႃႉ၊ပႃႇလႃႉ၊ၼေးရႃႉ၊ၼႃႇတပ်ႉ၊-

37ၵေးတေႃး၊ဢႁိဢေႃး၊ၸႃႇၶရိ၊ ဢိၵ်ႇတင်း မိၵလုတ်ႉ၊ ၵေႃႉဢၼ်ပဵၼ်ပေႃႈ သိမႃႉ၊ ၼၼ်ႉဢေႃႈ။

38ၸိူဝ်ႉၶိူဝ်းလုၵ်ႈလၢၼ်ၶဝ်ယူႇၼႂ်းဝဵင်း ယေႇရုသလႅမ်ႇ၊ ၵႃႈတီႈႁိမ်းမူႇပီႈၸိူဝ်းၼွင်ႉၶဝ်တၢင်ႇၸိူဝ်ႉတၢင်ႇၶိူဝ်းၼၼ်ႉဢေႃႈ။

39ၼေးရႃႉ၊ မီးလုၵ်ႈၸၢႆး ၵိသႃႉ၊ ဢၼ်ပဵၼ်ပေႃႈ သေႃးလု၊ ၼၼ်ႉဢေႃႈ။ သေႃးလု၊ သမ်ႉမီးလုၵ်ႈၸၢႆးသီႇၵေႃႉ၊ဢၼ်ပဵၼ် ယေႃးၼႀၼ်ႇ၊မေႇလၶိသွႃႇ၊ဢၽိၼတပ်ႉ၊ တင်း ဢိသပႃႇလႃႉ၊ ဢေႃႈ။-

40ယေႃးၼႀၼ်ႇ၊ မီးလုၵ်ႈၸၢႆး မေးရိပ်ႉပႃႇလႃႉ၊ ဢၼ်ပဵၼ်ပေႃႈ မိၵ်ႉၶႃႇ၊ ၼၼ်ႉဢေႃႈ။-

41မိၵ်ႉၶႃႇ၊ သမ်ႉမီးလုၵ်ႈၸၢႆးသီႇၵေႃႉ၊ဢၼ်ပဵၼ် ၽိသုၼ်ႇ၊မေးလႅၵ်ႉ၊တႃႇရႃႇ၊ တင်း ဢႃႇၶတ်ႉ၊ ဢေႃႈ။-

42ဢႃႇၶတ်ႉ၊ ပဵၼ်ပေႃႈ ယေႇႁေႃးတႃႉ၊ ဢၼ်မီးလုၵ်ႈၸၢႆးသၢမ်ၵေႃႉ၊ဢၼ်ပဵၼ် ဢႃႇလမႅတ်ႉ၊ဢႃႇၸမႃႇဝိတ်ႉ၊ တင်း ၸိမရိ၊ ၼၼ်ႉဢေႃႈ။ ၸိမရိ၊ သမ်ႉပဵၼ်ပေႃႈ မေႃးၸႃႉ၊-

43ဢၼ်မီးလုၵ်ႈၸၢႆး ပိၼႃႉ၊ပိၼႃႉ၊ မီးလုၵ်ႈၸၢႆး ရေႇၽႃႇယႃႉ၊ရေႇၽႃႇယႃႉ၊ မီးလုၵ်ႈၸၢႆး ဢေးလႃႇသႃႉ၊ဢေးလႃႇသႃႉ၊ မီးလုၵ်ႈၸၢႆး ဢႃႇၸေးလႃႉ၊ ဢေႃႈ။

44ဢႃႇၸေးလႃႉ၊ မီးလုၵ်ႈၸၢႆးႁူၵ်းၵေႃႉ၊ဢၼ်ပဵၼ် ဢႃႇၸရိၵမ်ႇ၊ပေႃးၶေႇရု၊ဢိသမေႇလႃႉ၊သရိယႃႉ၊ဢေႃးပတိ၊ တင်း ႁႃႇၼၼ်ႇ၊ ဢေႃႈ။