2 Timothy 2

Shan

← Chapter 1 Jump to: Chapter 3 →

1လုၵ်ႈၸၢႆးၵဝ်ဢိူၺ်း၊ မႂ်းၸိုင်မီးတၢင်းဢၼ်မၼ်ႈၶိူင်ႇယူႇၼႂ်းၵျေးၸူး ဢၼ်မီးၼႂ်း ယေႇသူႉၶရိၸ်ႈ ၼၼ်ႉတႃႉ။-

2ဢဝ်ၵႃႈဢၼ်လႆႈငိၼ်းတီႈၵဝ် ဢိၵ်ႇတင်းၶဝ်ၸိူဝ်းဢၼ်ၶၢမ်ႇသၢၵ်ႈသေႇ ၼမ်ၼႃႇၼၼ်ႉဢၢပ်ႈပၼ်တီႈၶဝ်ၸိူဝ်းဢၼ် ပျေႉၸုမ်ႇတၢင်းသဵတ်ႈၸႃႇလႄႈ တၢတ်ႈၼိူင်ႇတၢင်းဢၼ်သင်ႇသွၼ်ပၼ် ပိူၼ်ႈလႆႈၼၼ်ႉတႃႉ။-

3မႂ်းပဵၼ်ၸိူဝ်ႉၼင်ႇၵူၼ်းသိုၵ်းဢၼ်လီ တီႈ ယေႇသူႉၶရိၸ်ႈ ၼၼ်ႉသေလႄႈ ၶၢမ်ႇတုၵ်ႉၶႃႉတၢင်းၽၢၼ်လူၺ်ႈၵၼ်တင်းၵဝ်တႃႉ။-

4ၵူၼ်းသိုၵ်းၸမ်ႉ၊ ၸၢင်ႈပႅတ်ႈဝႆႉ တၢင်းဢၼ်သုၵ်ႉသၵ်ႉလေႃးလႄး ၼႂ်းဢမူႉလေႃးၵီႇတင်းလၢႆ ႁႂ်ႈလႆႈထုၵ်ႇၸႂ်ၵေႃႉဢၼ်ၶၢၼ်းမၼ်းဝႆႉၼႂ်း ဢရႃႇၵူၼ်းသိုၵ်းၼၼ်ႉဢေႃႈ။-

5ၵေႃႉဢၼ်ၶေႉၶဵင်ႇၵၼ်တင်းၵူၼ်းၼႂ်းပွႆးၼႂ်းလၢမ်းၸမ်ႉ၊ ပေႃးဢမ်ႇၶေႉၶဵင်ႇၸိူဝ်ႉၼင်ႇထုင်းၸၢမ်ႇၸိုင် ဢမ်ႇလႆႈပၢၼ်းၵုမ်း။-

6ၵေႃႉဢၼ်ႁဵတ်းႁႆႊႁဵတ်းၼႃးၵေႃႈ၊ ႁဵတ်းယဝ်ႉၸင်ႇ တၵ်းလႆႈပဵၼ်ၵေႃႉဢၼ်ၶၢမ်ႇဢဝ် မၢၵ်ႇမၼ်းႁူင်းမၼ်းဢွၼ်တၢင်းဢေႃႈ။-

7ၶႆႈၸႂ်ဝူၼ်ႉၸႂ်လူၺ်ႈလွင်ႈ ၵႂၢမ်းၵဝ်ၼႆႉတႃႉ။ ႁႂ်ႈထႃႇဝရႃႉၽြႃးဢဵတ်းလူပၼ်ၺၢၼ်ႇတီႈမႂ်း ၼႂ်းလွင်ႈတၢင်းၵူႈၸိူဝ်ႉၵူႈပိူင်သေၵမ်းလူၺ်ႈ။

8ၶုၵ်းၸႂ်လႆႈၶႆႈၸႂ်ထူပ်း ယေႇသူႉၶရိၸ်ႈ ဢၼ်ပဵၼ်ၸိူဝ်ႉၶိူဝ်း တႃႇဝိတ်ႈ ဢၼ်လုၵ်ႉၵႃႈတၢင်းတၢႆၶိုၼ်းလိပ်း မႅၼ်ႈၼင်ႇတြႃးသတၢင်းသိူဝ်းပျေႃႇ ဢၼ်ၵဝ်ႁေႃးလၢတ်ႈၼၼ်ႉတႃႉ။-

9ၵွပ်ႈပိူဝ်ႈတြႃးၼၼ်ႉလႄႈ ၵဝ်လႆႈၶၢမ်ႇတုၵ်ႉၶႃႉတၢင်းၽၢၼ် တေႃႇထိုင်ႁွတ်ႈထၼ်ႈပေႃးလႆႈၶၢမ်ႇတၢင်းဢၼ် မတ်ႉၽုၵ်ႇ ၸိူဝ်ႉၼင်ႇၵူၼ်းႁၢႆႉၼၼ်ႉဢေႃႈ။ ၼႂ်းဝႃႈၼၼ်သေၵေႃႈ ၼုၵ်ႈၵပၢတ်ႈတြႃးၽြႃးပဵၼ်ၸဝ်ႈ ၵၢင်းလွတ်ႈတင်းတၢင်းဢၼ်မတ်ႉၽုၵ်ႇဢေႃႈ။-

10ပိူဝ်ႈၼႆလႄႈ ၼင်ႇႁိုဝ်ၶဝ်ၸိူဝ်းဢၼ်မၼ်းၸဝ်ႈ လိူၵ်ႈၵဵပ်းဢဝ်ၼၼ်ႉ တၵ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ် ဢၼ်မီးၼႂ်း ယေႇသူႉၶရိၸ်ႈ ဢိၵ်ႇတင်းမုၼ်သရေႇထႃႇဝရႃႉၸိုင်၊ ၵဝ်လႆႈယိူၼ်ႉၶၢမ်ႇၵူႈၸိူဝ်ႉၵူႈပိူင်ပုၼ်ႈၶဝ်ဢေႃႈ။-

11ၵႂၢမ်းသဵတ်ႈၸႃႇၸမ်ႉ၊ ပေႃးႁဝ်းတၢႆလူၺ်ႈၵၼ်တင်းၸဝ်ႈၼၼ်ႉၸိုင်၊ ႁဝ်းတၵ်းလိပ်းလူၺ်ႈၵၼ်တင်းၸဝ်ႈၼၼ်ႉဢေႃႈ။-

12ပေႃးႁဝ်းယိူၼ်ႉၶၢမ်ႇၸိုင်၊ ႁဝ်းတၵ်းၸၢမ်ႇၸႃးလူၺ်ႈၵၼ်တင်းၸဝ်ႈၼၼ်ႉဢေႃႈ။ ပေႃးႁဝ်း ထဵင်ပႅတ်ႈၸဝ်ႈၼၼ်ႉၸိုင်၊ မၼ်းၸဝ်ႈတၵ်းထဵင်ပႅတ်ႈႁဝ်းဢေႃႈ။-

13ပိၵ်ႉသမ်ႉႁဝ်းဢမ်ႇယုမ်ႇမၢတ်ႈသေၵေႃႈ၊ ၸဝ်ႈၼၼ်ႉသဵတ်ႈၸႃႇတႄႇယူႇ ၵွပ်ႈပိူဝ်ႈဢၼ် ဢမ်ႇထဵင်ပႅတ်ႈတူဝ်ၸဝ်ႈၵဝ်ႇလႆႈၼၼ်ႉဢေႃႈ။

14ဢဝ်လွင်ႈတၢင်းၸိူဝ်းၼႆႉ ပၼ်သတီႉတီႈၶဝ်တႃႉ။ ၼင်ႇႁိုဝ်တၵ်းဢမ်ႇႁဵတ်း တၢင်းဢၼ်တွပ်ႇဢၼ်ထဵင် ၵွပ်ႈပိူဝ်ႈၵႂၢမ်းဢၼ်ဢမ်ႇပွင်ဢၵျူဝ်းၵႃႈသင်လႄႈ ႁႂ်ႈၸႂ်ၶဝ်ၸိူဝ်းဢၼ်လႆႈထွမ်ႇလႆႈငိၼ်းၼၼ်ႉ ၶႂမ်ႈပိၼ်ႈပႅတ်ႈၼၼ်ႉၸိုင်၊ ပၼ်သဵတ်ႈၸႃႇၵႃႈတီႈၽၢႆႇၼႃႈ ၽြႃးပဵၼ်ၸဝ်ႈတႃႉ။

15မႂ်းၸမ်ႉ၊ ဢဝ်ႁႅင်းၵျူဝ်းၸႃး ႁဵတ်းႁႂ်ႈလႆႈပဵၼ်ၵေႃႉဢၼ်မၼ်းၸဝ်ႈ ႁပ်ႉတုင်းဢဝ်လႄႈ ယင်းဢမ်ႇမီးလွင်ႈဢၼ်တၵ်းဢူၵ်းတၵ်းဢၢႆ၊ ပဵၼ်သြႃႇသမႃး ဢၼ်ၸၢင်ႈႁူႉၸႅင်ႈ ၸၵ်းၽႄသမ်ႇမႃႇတြႃးမၢၼ်ႇမၢၼ်ႇမႅၼ်ႈမႅၼ်ႈယူႇသေလႄႈ သၢၵ်ႈၵၢပ်ႈတူဝ်ၸဝ်ႈၵဝ်ႇ ၵႃႈတီႈၽၢႆႇၼႃႈၽြႃးပဵၼ်ၸဝ်ႈတႃႉ။-

16ဝႄႈပႅတ်ႈၵႂၢမ်းဢၼ်လၢႆလၢႆ ဢၼ်ဢမ်ႇၶဝ်ႈၼႂ်းတြႃးၼၼ်ႉတႃႉ။ လွင်ႈမၼ်းၸမ်ႉ ၵႂၢမ်းၼၼ်ႉတၵ်းႁႂ်ႈဢမူႉဢၼ်ဢမ်ႇတြႃးယႂ်ႇၼမ်မႃး ဢေႃႈ။-

17ၵႂၢမ်းၶဝ်ၼၼ်ႉ တၵ်းၵိၼ်ၸိူဝ်ႉၼင်ႇတၢင်းၸဵပ်း ဢၼ်ပဵၼ်ၶူႇၼၼ်ႉဢေႃႈ။ ၼႂ်းၶဝ်ၼၼ်ႉ ႁူႉမေႇၼေႇ တင်း ၽီႉလိတ်ႉ ၵေႃႈပႃးဢေႃႈ။-

18ၶဝ်ပိူင်ႈၼႂ်းသဵၼ်ႈတၢင်း သမ်ႇမႃႇတြႃးၵႂႃႇသေလႄႈလၢတ်ႈဝႃႈ၊ တၢင်းဢၼ်ၶိုၼ်းလိပ်းၼၼ်ႉ ပူၼ်ႉၵႂႃႇယဝ်ႉ၊ ဝႃႈၼင်ႇၼႆလႄႈ ၸၢင်ႈၶႂမ်ႈပိၼ်ႈ တၢင်းယုမ်ႇမၢတ်ႈၵူၼ်းၵမ်ႈၽွင်ႈပႅတ်ႈဢေႃႈ။-

19ၵူၺ်းၵႃႈငဝ်ႈႁၢၵ်ႈတိူၵ်ႈၽြႃးပဵၼ်ၸဝ်ႈဢၼ်တွၵ်ႇတၼ်းသိၵ်ႈဝႆႉဢၼ်ဝႃႈ ၸဝ်ႈၽြႃးႁူႉၸၵ်းၵူၼ်းမၼ်းၸဝ်ႈတင်းလၢႆယူႇဢေႃႈ ဝႃႈၼႆ ဢိၵ်ႇတင်းဢၼ်ဝႃႈ ၵေႃႉဢၼ်ႁပ်ႉတုင်းဢဝ် ၼႃႇမႃႉၸိုဝ်ႈသဵင်ၸဝ်ႈၽြႃးၸမ်ႉ၊ တၵ်းလႆႈဝႄႈပႅတ်ႈ လွင်ႈတၢင်းဢၼ်ဢမ်ႇတြႃးဢေႃႈ၊ ဝႃႈၼင်ႇၼႆၼၼ်ႉ မၼ်ႈၶိူင်ႇလႄႈတႄႇယူႇဢေႃႈ။-

20ၼႂ်းႁိူၼ်းဢၼ်ယႂ်ႇဢၼ်လူင်ၼၼ်ႉၸိုင် မီးၶိူင်ႈၶမ်းၶိူင်ႈငိုၼ်းၵူၺ်းဢမ်ႇၸႂ်ႈ။ ၶိူင်ႈမႆႉၶိူင်ႈလိၼ်ၵေႃႈမီးဢေႃႈ။ မီးၶိူင်ႈဢၼ်မီးသရေႇ ဢိၵ်ႇတင်း ၶိူင်ႈဢၼ်ဢမ်ႇမီးသရေႇယူႇဢေႃႈ။-

21ပိူဝ်ႈၼႆလႄႈ ၵေႃႉဢၼ်ပႄႇပႅတ်ႈတၢင်းၵမ်တၢင်းၵျၢင်ႉ ဢၼ်ဝႃႈမႃးယဝ်ႉၸိူဝ်းၼၼ်ႉသေလႄႈ ႁႂ်ႈတူဝ်ၸဝ်ႈၵဝ်ႇမူတ်းၸၢင်ႇ ၼၼ်ႉၸမ်ႉ၊ တၵ်းပဵၼ်ၶိူင်ႈဢၼ်မီးသရေႇ၊ ၶိူင်ႈဢၼ်မူတ်းၸၢင်ႇလႄႈ လီပုၼ်ႈဢၼ် ၸဝ်ႈႁိူၼ်းတၵ်းသုင်းတၵ်းသွင်ႇ၊ ၶိူင်ႈဢၼ် မႄးႁႅၼ်းဝႆႉ ပုၼ်ႈလွင်ႈတၢင်းဢၼ်လီဢၼ်ငၢမ်း ၵူႈၸိူဝ်ႉၵူႈပိူင်ဢေႃႈ။

22ဝႄႈပႅတ်ႈၸႂ်ၵီႉလေႇသႃႇ တၢင်းဢၼ်ၽူႈမၢဝ်ႇတင်းလၢႆ ၸွႆးၸပ်းၼၼ်ႉတႃႉ။ ၸွမ်းႁႂ်ႈၶိုတ်းတၢင်းဢၼ်သိုဝ်ႈတေႃႇ၊ တၢင်းဢၼ်မီးသဵတ်ႈၸႃႇ၊ တၢင်းဢၼ်ႁၵ်ႉဢၼ်ပႅင်း၊ တၢင်းဢၼ်ယူႇထုၵ်ႇထုၵ်ႇလူၺ်ႈၵၼ်တင်း ၶဝ်ၸိူဝ်းဢၼ်မီးၸႂ်ဢၼ် ၶၢဝ်ၸၢင်ႇ လႄႈ ႁဵတ်းပထၼႃႇတီႈၸဝ်ႈၽြႃးၼၼ်ႉတႃႉ။-

23ႁူႉလွင်ႈဢၼ်ပုၵ်ႈသႃႇတီႈတွင်ႈတီႈထၢမ် ဢၼ်မိူၵ်ႈလႄႈဢမ်ႇပႃးပိင်ႇၺႃႇၸိူဝ်းၼၼ်ႉၸၢင်ႈ ႁႂ်ႈတၢင်းၽိတ်းပဵၼ်မႃးၼၼ်ႉယူႇ သေလႄႈ ဝႄႈပႅတ်ႈတႃႉ။-

24ၶႃႈၸဝ်ႈၽြႃးဢမ်ႇလႆႈၽိတ်းၵၼ်။ တၵ်းလႆႈပဵၼ်ၵေႃႉဢၼ် ႁဵတ်းလွႆးလွႆးတီႈၵူၼ်းတင်းသဵင်ႈတင်းလူင်၊ ၵေႃႉဢၼ်လၵ်းလႅမ် ၼႂ်းလွင်ႈတၢင်းဢၼ် သင်ႇသွၼ်သုင်းမႃႉဢေႃးဝႃႇတႃႉ၊ ၵေႃႉဢၼ်ယိူၼ်ႉၶၢမ်ႇလႆႈ၊-

25ၵေႃႉဢၼ်သင်ႇသွၼ်သုင်းမႃႉ ဢူၼ်ႈဢူၼ်ႈဢွၼ်ႇဢွၼ်ႇ တီႈၶဝ်ၸိူဝ်းဢၼ်ႁႄႉၶႅၼ်လႄႈ ထဵင်ပႅတ်ႈၼၼ်ႉဢေႃႈ။ ၽြႃးပဵၼ်ၸဝ်ႈ ၸၢင်ႈၶႄးတၵ်းပၼ် တၢင်းဢၼ်ၶုၵ်းၸႂ်လႆႈမႆႈၸႂ်လူၺ်ႈဢပႅတ်ႈ ႁႂ်ႈၶဝ်လႆႈႁပ်ႉတုင်းဢဝ်သမ်ႇမႃႇတြႃးလႄႈ၊-

26ၶဝ်ၸိူဝ်းဢၼ်မႃႇၼၢတ်ႈတီႉလႆႈပုၼ်ႈ ဢၼ်တၵ်းႁဵတ်းၸွမ်း ဢလူဝ်ႇမၼ်းၼၼ်ႉ ၸၢင်ႈၶႄးတၵ်းလႆႈသတီႉလႄႈ ႁွတ်ႈတၢင်းဢၼ်ၵၢင်းလွတ်ႈသေ ၵႃႈၼႂ်းတီႈဢၼ် တီႉလႆႈၼၼ်ႉဢေႃႈ။

← Chapter 1 Jump to: Chapter 3 →