2 Timothy 3

Shan

← Chapter 2 Jump to: Chapter 4 →

1ႁူႉလွင်ႈဢၼ် ၶိင်ႇၵႃႇလႃႉၵမ်းလိုၼ်း တၵ်းပဵၼ်ၶိင်ႇၵႃႇလႃႉဢၼ်ႁၢႆႉယုတ်ႈ ယၢပ်ႇၼႃႇလူင်လၢင်ၼၼ်ႉတႃႉ။-

2ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်ႉ၊ ၵူၼ်းတင်းလၢႆတၵ်းပဵၼ် ၵေႃႉဢၼ်ႁၵ်ႉပႅင်းတူဝ်ၸဝ်ႈၵဝ်ႇ၊ ၵေႃႉဢၼ်ၸႂ်ၸပ်းၸႂ်ၸွႆးငိုၼ်း၊ၵေႃႉဢၼ်ဢုပ်ႇဝၢဝ်း၊ ၵေႃႉဢၼ်ႁူဝ်ၸႂ်သုင်လႄႈ ႁဵတ်းဢမ်ႇပေႃးၼင်ႇႁိုဝ်တီႈပိူၼ်ႈ၊ ၵေႃႉဢၼ်ယႃႉသရေႇပိူၼ်ႈ၊ ၵေႃႉဢၼ်ဢမ်ႇထွမ်ႇဢဝ် ၵႂၢမ်းပေႃႈၵႂၢမ်းမႄႈ၊ ၵေႃႉဢၼ်ဢမ်ႇမီးၵျေးၸူး၊ ၵေႃႉဢၼ်ဢမ်ႇမီးတၢင်းဢၼ်မူတ်းၸၢင်ႇ၊-

3ၵေႃႉဢၼ်ၵၢင်းလွတ်ႈတင်း ပၵတီႉတၢင်းဢၼ်ႁၵ်ႉၸူမ်းပႅင်း၊ ၵေႃႉဢၼ်ႁွမ်ဝႆႉတၢင်းၽိတ်း၊ ၵေႃႉဢၼ်ၸၢင်ႈၶျေႃးၵိၼ်ဝွၼ်းၵိၼ်၊ ၵေႃႉဢၼ်ဢမ်ႇၶျုၵ်ႈဢိင်ႇတရေႇ တူဝ်ၸဝ်ႈၵဝ်ႇဝႆႉလႆႈ၊ ၵေႃႉဢၼ်ၵျၢမ်းရိူင်း၊ ၵေႃႉဢၼ်ၸင်းသူႇတေႃႇၵွင်း၊-

4ၵေႃႉဢၼ်ၸၢင်ႈယႃႉသဵတ်ႈၸႃႇ၊ ၵေႃႉဢမ်ႇၶၢမ်ႇဢဝ်တၢင်းဢၼ်ပၼ်သတီႉ၊ ၵေႃႉဢၼ်မဝ်းလဝ်ႈလူၺ်ႈမႃႇၼႃႉ တၢင်းဢၼ်ၸႂ်သုင်၊ ၵေႃႉဢၼ်ယဵင်ႈၶႅၼ်းၵျိူၵ်ႈ တၢင်းဢၼ်ၸၢမ်ႇၸႃးၵႃႇမၵုင်ႇၼႃႇသေ ၵျိူၵ်ႈၽြႃးပဵၼ်ၸဝ်ႈ၊-

5ၵေႃႉဢၼ်ႁဵတ်းၸိူဝ်ႉၼင်ႇႁၢင်ႈ မူၼ်ႈပျေႃႇၼႂ်းဝၢတ်ႈၽြႃးသေလႄႈ ထဵင်ပႅတ်ႈတၼ်းၶူဝ်း တၢင်းဢၼ်မူၼ်ႈပျေႃႇၼၼ်ႉဢေႃႈ။ ဝႄႈပႅတ်ႈၶဝ်ၸိူဝ်ႉၼင်ႇၼၼ်ၼၼ်ႉတႃႉ။-

6ဢၼ်ၶဝ်ႈပႃးၼႂ်းၶဝ်ၼၼ်ႉ ပဵၼ်ၶဝ်ၸိူဝ်းဢၼ်ၶဝ်ႈၵႃႈၼႂ်းႁိူၼ်းလႄႈ တီႉဢဝ်ၽူႈယိင်းမိူၵ်ႈတင်းလၢႆ ဢၼ်ႁၢပ်ႇၶူဝ်းတူႉၸရိူၵ်ႈ ဢပႅတ်ႈလႄႈ ၸွမ်းတၢင်းဢၼ်ၵီႉလေႇသႃႇ ၸူဝ်းဢဝ်ၵူႈၸိူဝ်ႉၵူႈပိူင်၊-

7ဢၼ်သွၼ်ဢဝ်ယူႇသေၵေႃႈ ဢမ်ႇယၢမ်ႈႁွတ်ႈထိုင် တၢင်းဢၼ်ႁူႉၸႅင်ႈသမ်ႇမႃႇတြႃးလႆႈၼၼ်ႉဢေႃႈ။

8ၶဝ်ၼၼ်ႉ ႁႄႉၶႅၼ်သမ်ႇမႃႇတြႃးယူႇ မိူၼ်ၸိူဝ်ႉၼင်ႇဢၼ် ယၼ်ႇၼေႇ ဢိၵ်ႇတင်း ယမ်ႇပြေႇ ႁႄႉၶႅၼ် မူဝ်းသေႇ ၼၼ်ႉဢေႃႈ။ ပဵၼ်ၵေႃႉဢၼ်ႁူဝ်ၸႂ်တူႇၼဝ်ႈၵႂႃႇလႄႈ ႁဵတ်းၸိူဝ်ႉၼင်ႇႁၢင်ႈယုမ်ႇမၢတ်ႈဢေႃႈ။-

9ၵူၺ်းၵႃႈ ၶဝ်တၵ်းဢမ်ႇလႆႈလိူဝ်တွၼ်းလႄႈ ပူၼ်ႉၵႂႃႇပႅၼ်ၵႂႃႇ။ တၢင်းဢၼ်မိူၵ်ႈလပ်းသိင်ႇၶဝ်တၵ်းထၢင်ႇသႃး ၵႃႈတီႈၽၢႆႇၼႃႈၵူၼ်း တင်းသဵင်ႈတင်းလူင် မိူၼ်ၸိူဝ်ႉၼင်ႇတၢင်းဢၼ်မိူၵ်ႈ၊ လပ်းသိင်ႇသွင်ၶႃၼၼ်ႉ ထၢင်ႇသႃးၼၼ်ႉဢေႃႈ။

10မႂ်းလႆႈႁူႉလႆႈထူပ်း တၢင်းဢၼ်ၵဝ်ပၼ် သုင်းမႃႉဢေႃးဝႃႇတႃႉ၊ တၢင်းဢၼ်ၵမ်ၵျၢင်ႉ၊ တၢင်းဢၼ်ၵျၢမ်ႇပွင်၊ တၢင်းဢၼ်ပႂ်ႉ သဵတ်ႈၸႃႇ၊ တၢင်းဢၼ်ၸႂ်ယႂ်ႇၸႂ်ယၢဝ်း၊ တၢင်းဢၼ်ႁၵ်ႉဢၼ်ပႅင်း၊ တၢင်းဢၼ်ယိူၼ်ႉၶၢမ်ႇ၊-

11တၢင်းဢၼ်လႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသႄးတင်းလၢႆ၊ တုၵ်ႉၶႃႉတၢင်းၽၢၼ်တင်းလၢႆ၊ လွင်ႈတၢင်းဢၼ်ၵဝ်လႆႈၶၢမ်ႇၵႃႈၼႂ်း ဝဵင်း ဢၼ်ႇတီႉဢူၵ်ႉ ၊ ဝဵင်း ဢီႉၵေႃးၼီႉ ၊ ဝဵင်း လုတ်ႉတရႃႉ တင်းလၢႆ၊ လွင်ႈတၢင်းဢၼ်ၼိၵ်ႈၸၢၵ်ႈငႅၼ်းသႄး ဢၼ်ၵဝ်လႆႈၶၢမ်ႇမႃးယဝ်ႉၼၼ်ႉယဝ်ႉဢေႃႈ။ ပိၵ်ႉသမ်ႉၵဝ်လႆႈထူပ်း လွင်ႈတၢင်းၸိူဝ်ႉၼင်ႇၼၼ်သေၵေႃႈ၊ ၸဝ်ႈၽြႃးၼုၵ်ႈဢဝ်ၵဝ်ဢွၵ်ႇသေ ၵႃႈၼႂ်းၵႃႈဢၼ်ထူပ်းၼၼ်ႉ ယဝ်ႉ။-

12ၶဝ်ၸိူဝ်းဢၼ် မီးဢလူဝ်ႇၶႂ်ႈမူၼ်ႈပျေႃႇ ၼႂ်းဝၢတ်ႈၽြႃး ၸွမ်းၼင်ႇတြႃး ယေႇသူႉၶရိၸ်ႈ လႄႈ ယူႇၵႃႈမီးတင်းသဵင်ႈတင်းလူင်ၼၼ်ႉ တၵ်းလႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသႄးဢေႃႈ။-

13ၶဝ်ၸိူဝ်းဢၼ်ႁၢႆႉမိူၵ်ႈ ဢိၵ်ႇတင်း ၶဝ်ၸိူဝ်းဢၼ်ပႅတ်ႉလႅၼ်ၼၼ်ႉၸမ်ႉ၊ တၵ်းပႅတ်ႉလႅၼ် တီႈပိူၼ်ႈတၢင်ႇၵေႃႉ ဢိၵ်ႇတင်းတီႈ တူဝ်ၸဝ်ႈၵဝ်ႇသေလႄႈ ယႂ်ႇမႃးၼႂ်းတၢင်းဢၼ်ၵူဝ်ႈၵိူၵ်ႇၼၼ်ႉယူႇဢေႃႈ။

14ႁူႉမၢတ်ႈလွင်ႈဢၼ် မႂ်းလႆႈၶၢမ်ႇဢဝ်ၼႄး တီႈၽူႈလႂ် ဢိၵ်ႇတင်း လွင်ႈဢၼ်ၸႃႉၸဵမ်မိူဝ်ႈဢၼ်မႂ်း ယင်းလဵၵ်ႉၼၼ်ႉ

15မႂ်းႁူႉၸႅင်ႈထမ်ႇမႃႉၵျၢမ်းလိၵ်ႈ ဢၼ်ၸၢင်ႈပၼ်ပိင်ႇၺႃႇ ပုၼ်ႈတၢင်းဢၼ် ၵႄႇၶျွတ်ႈဢဝ် ၵွပ်ႈပိူဝ်ႈတၢင်းဢၼ်ယုမ်ႇမၢတ်ႈ ယေႇသူႉၶရိၸ်ႈ ၼၼ်ႉယူႇသေလႄႈ တႄႇယူႇၼႂ်းဢယူႇဝႃႇတႃႉ ဢၼ်မႂ်းသွၼ်ဢဝ်ယဝ်ႉလႄႈ သႂၢင်းဝႆႉၼႂ်းႁူဝ်ၸႂ်ယဝ်ႉၼၼ်ႉတႃႉ။

16ၵျၢမ်းလိၵ်ႈၵႃႈမီးၸိူဝ်းၼၼ်ႉ ပဵၼ်ဢၼ်ၽြႃးပဵၼ်ၸဝ်ႈ ပဝ်ႇသႂၢင်းသႂ်ႇဝႆႉလႄႈ ၸၢင်ႈႁဵတ်းၵျေးၸူး တၢင်းဢၼ်ပၼ်သုင်းမႃႉ ဢေႃးဝႃႇတႃႉ၊ တၢင်းဢၼ်ၽုၺ်ႇဢွၵ်ႇၼႄပျႃးဢပႅတ်ႈ၊ တၢင်းဢၼ်မႄးႁဵတ်းဢၼ်သိုဝ်ႈဢၼ်တေႃႇ၊ တၢင်းဢၼ်သင်ႇ ဢၼ်သွၼ်ၸွမ်းၼင်ႇတြႃး၊-

17ႁႂ်ႈၵူၼ်းၽြႃးပဵၼ်ၸဝ်ႈ လႆႈပဵၼ်ၵေႃႉဢၼ်ၸေးၸုမ်ႇ၊ ၵေႃႉဢၼ်မႄးႁႅၼ်းဝႆႉ ပုၼ်ႈဢၼ်တၵ်းပွင်ႁဵတ်း လွင်ႈတၢင်းဢၼ်လီဢၼ်ငၢမ်း ၵူႈၸိူဝ်ႉၵူႈပိူင်ဢေႃႈ။

← Chapter 2 Jump to: Chapter 4 →