Philippians 2

Shan

← Chapter 1 Jump to: Chapter 3 →

1ပိူဝ်ႈၼႆလႄႈ ပေႃးမီးတၢင်းဢၼ်သၢၵ်ႈသႃႇၼႂ်းၸဝ်ႈၶရိၸ်ႈ၊ တၢင်းဢၼ်ၵတ်းယဵၼ်ၶျၢမ်းသႃႇ ဢၼ်ၸၢပ်ႈသႅင်ႇၵၼ်တင်း မႅတ်ႈတႃႇ၊ တၢင်းဢၼ်ႁဵတ်းမိၵ်ႉသႃႇႁႃယႃႉတၢင်းဢၼ်ထုၵ်ႇၵၼ်တင်း ဝီႉၺိၺ်ႇၸဝ်ႈ၊ တၢင်းဢၼ်ၸၢင်ႈႁၵ်ႉဢဵတ်းလူ ၸိူဝ်းၼၼ်ႉ သေၸိူဝ်ႉသေပိူင်ၸိုင်၊-

2သူၵေႃႉၼိုင်ႈလႄႈၵေႃႉၼိုင်ႈ ႁၵ်ႉပႅင်းၵၼ်ယူႇ၊ ယင်းဢမ်ႇမီးၸႂ်ဢၼ်ၽၢတ်ႇၽႄၵၼ်လႄႈ ပႃးတင်းတၢင်းၵျၢမ်ႇတၢင်းပွင် ႁွႆးလဵဝ်ၵၼ်ယူႇ၊ မီးသၽေႃးဢၼ်လဵဝ်ၵၼ်ယူႇသေလႄႈ၊ ႁႂ်ႈလွင်ႈတၢင်းဢၼ်ၵဝ်သိူဝ်းပျေႃႇၼႆႉ ၸေးၸုမ်ႇတႃႉ။-

3ယႃႇပေမီးၸႂ်ဢၼ်ၶႆၽိတ်းၵၼ်၊ ၸႂ်ဢၼ်ၸပ်းဢၼ်ၸွႆးတၢင်းဢၼ်ၶႆႈသႃႇႁၢဝ်ႈ ႁူင်ႁၢင်းဢၼ်လၢႆလၢႆ ဢမ်ႇပွင်ႇလွင်ႈၼၼ်ႉ သေလႄႈ ႁဵတ်းလွင်ႈတၢင်းသေၸိူဝ်ႉသေပိူင်၊ မီးႁူဝ်ၸႂ်ဢၼ်ၶျႃးတႅမ်ႇသေလႄႈၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ် မၢတ်ႈတီႈၵၼ်လႄႈဝႃႈ၊ ပိူၼ်ႈတၢင်ႇၵေႃႉမျၢတ်ႈလီသေတူဝ်ၸဝ်ႈၵဝ်ႇဢေႃႈ၊ ဝႃႈၼင်ႇၼႆတႃႉ။-

4ယင်းဢမ်ႇတူၺ်းဢမ်ႇမၢတ်ႈလွင်ႈတၢင်းဢၼ်ၸၢပ်ႈသႅင်ႇၵၼ်တင်း တူဝ်ၸဝ်ႈၵဝ်ႇၼၼ်ႉၵူၺ်းလႄႈ ၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်တူၺ်းမၢတ်ႈလွင်ႈတၢင်းဢၼ် ၸၢပ်ႈသႅင်ႇၵၼ်တင်းပိူၼ်ႈတၢင်ႇၵေႃႉၼၼ်ႉတႃႉ။-

5ႁႂ်ႈၸႂ်သၽေႃးဢၼ်မီးၼႂ်းၸဝ်ႈၶရိၸ်ႈၼၼ်ႉ၊ မီးၼႂ်းသူတႃႉ။-

6ၸဝ်ႈၼၼ်ႉပိၵ်ႉသမ်ႉပျေႉၸုမ်ႇတင်း ပုင်ႇႁၢင်ႈၽြႃးပဵၼ်ၸဝ်ႈယူႇသေလႄႈ ဢမ်ႇထၢင်ႇဢမ်ႇမၢတ်ႈလွင်ႈတၢင်းဢၼ် တႅၵ်ႈတိူင်းၵၼ်တင်းၽြႃးပဵၼ်ၸဝ်ႈၼၼ်ႉ ပဵၼ်လွင်ႈတၢင်းဢၼ်ႁိမ်ဢဝ်ၼၼ်ႉသေၵေႃႈ၊-

7ၸုၼ်ႉပႅတ်ႈမုၼ်သရေႇတူဝ်ၸဝ်ႈၵဝ်ႇသေယဝ်ႉ၊ ဢဝ်ပုင်ႇႁၢင်ႈၶႃႈလႄႈ ၶၢမ်ႇတၢင်းဢၼ်ၵိူတ်ႇလဵင်ႉမႃး မိူၼ်ၸိူဝ်ႉၼင်ႇၵူၼ်းဢေႃႈ။-

8ပျေႉၸုမ်ႇတင်းလၢၵ်ႈၶၼႃႇဢၢင်ႇၵႃႇၵူၼ်း ၸိူဝ်ႉၼင်ႇၼၼ်သေယဝ်ႉ၊ ၶၢမ်ႇႁဵတ်းၶႃႈလႄႈၶျႃးတူဝ်ၸဝ်ႈၵဝ်ႇတူၵ်းတႅမ်ႇ တေႃႇထိုင်ႁွတ်ႈ တၢင်းဢၼ်ၶၢမ်ႇတၢႆၵူၺ်းဢမ်ႇၸႂ်ႈ၊ တေႃႇထိုင်ႁွတ်ႈတၢင်းဢၼ်ၶၢမ်ႇတၢႆ ၵႃႈၼိူဝ်သဝ်လၵ်းဝႃးၵၢပ်ႈၼၼ်ႉဢေႃႈ။-

9ၵွပ်ႈပိူဝ်ႈႁွႆးၼႆႉလႄႈ၊ ၽြႃးပဵၼ်ၸဝ်ႈယုၵ်ႉယွင်ႈမၼ်းၸဝ်ႈၼႃႇလူင်လၢင်လႄႈ ဢဵတ်းလူပၼ် ၼႃႇမႃႉၸိုဝ်ႈသဵင် ဢၼ်ယႂ်ႇမျၢတ်ႈၼႃႇသေၼႃႇမႃႉၸိုဝ်ႈသဵင် တင်းသဵင်ႈတင်းလူင်ဢေႃႈ။-

10လွင်ႈမၼ်းၸမ်ႉ လွင်ႈၼင်ႇႁိုဝ်သတ်ႉတဝႃႇၵၢင်ႁၢဝ်၊ သတ်ႉတဝႃႇလိၼ်မိူင်း၊ သတ်ႉတဝႃႇဢၼ်မီးတႂ်ႈလိၼ်မိူင်း၊ သတ်ႉတဝႃႇၵႃႈမီးတင်းသဵင်ႈတင်းလူင် တၵ်းၶုပ်ႉၶဝ်ႇၵႃႈတီႈၼႃႇမႃႉၸိုဝ်ႈသဵင် ယေႇသူႉၶရိၸ်ႈ လႄႈ၊-

11ဢဝ်တင်းသူပ်း ႁပ်ႉတုင်းဢဝ်လႄႈဝႃႈ၊ ယေႇသူႉၶရိၸ်ႈ ပဵၼ်ၸဝ်ႈဢေႃႈ၊ ဝႃႈၼင်ႇၼႆလႄႈ ႁႂ်ႈမုၼ်သရေႇၽြႃးပေႃႈၸဝ်ႈထၢင်ႇသႃးမႃးၸိုင်၊ ၸင်ႇပဵၼ်ဢေႃႈ။

12ပိူဝ်ႈဢၼ်ပဵၼ်ၸိူဝ်ႉၼင်ႇၼၼ်လႄႈ ၵေႃႉဢၼ်ၵဝ်ႁၵ်ႉၶဝ်ဢိူၺ်း၊ ၸိူဝ်ႉၼင်ႇဢၼ်သူထွမ်ႇဢဝ်တႂ်ႈတႃၵဝ်ၼၼ်ႉၵူၺ်း ဢမ်ႇၵႃး၊ လပ်ႉလင်ၵဝ်ၵေႃႈသူထွမ်ႇဢဝ်ယူႇသေႇသေႇၼၼ်ႉ မီးတၢင်းၸႂ်ဢၼ်ၵူဝ်ႁႄသၼ်ႇဝႆယူႇသေလႄႈ ဢွၼ်ၵၼ်ၵႆႉၵျူဝ်းၸႃး ႁႂ်ႈလႆႈၵႄႇၶျွတ်ႈဢဝ်တူဝ်ၸဝ်ႈၵဝ်ႇတႃႉ။-

13လွင်ႈမၼ်းၸမ်ႉ ၵေႃႉဢၼ်ပႃးတင်းၸေႇတၼႃႇၸဝ်ႈ ပွင်ႁဵတ်းၵႃႈၼႂ်းသူႁႂ်ႈသူလႆႈမီးဢလူဝ်ႇ ဢိၵ်ႇတင်း ႁႂ်ႈသူလႆႈၵမ်ၵျၢင်ႉၼၼ်ႉၸမ်ႉ၊ ပဵၼ်ၽြႃးပဵၼ်ၸဝ်ႈဢေႃႈ။

14ယင်းဢမ်ႇမီးတၢင်းဢၼ်ပွင်ႉဢၼ်ဝႃႈ၊ တၢင်းဢၼ်တွပ်ႇဢၼ်ထဵင်လႄႈ ႁဵတ်းၵႃႈဢၼ်သူပွင်သူႁဵတ်းၼၼ်ႉတႃႉ။-

15ပေႃးႁဵတ်းၸိူဝ်ႉၼင်ႇၼၼ်ၸိုင်၊ သူယင်းဢမ်ႇမီးတီႈတၵ်းတၢင်ႇဢပႅတ်ႈ၊ ဢမ်ႇၽိတ်းပိူင်ႈၽူႈလႂ်သေၵေႃႉသေၵူၼ်းယူႇ သေလႄႈ တၵ်းပဵၼ်လုၵ်ႈၽြႃးပဵၼ်ၸဝ်ႈ ဢၼ်ဢမ်ႇပႃးဢပႅတ်ႈၵႃႈသင် ၼႂ်းမဵဝ်းၵူၼ်းဢၼ်ဢမ်ႇသိုဝ်ႈဢမ်ႇတေႃႇလႄႈ ၸၢင်ႈၽွၵ်ႈၸၢင်ႈပျၢၼ်ႇၼႆႉဢေႃႈ။ သူၼႄပျႃးၼုၵ်ႈၵပၢတ်ႈတြႃးဢၼ်ၸၢပ်ႈသႅင်ႇၵၼ်တင်း တၢင်းဢၼ်ဢသၢၵ်ႈလိပ်းၼၼ်ႉယူႇသေလႄႈ ႁိူဝ်ႈလႅင်းယူႇ ၵႃႈၼႂ်းၵူၼ်းမဵဝ်းၼႆႉ မိူၼ်ၸိူဝ်ႉၼင်ႇၵၢင်ဝၼ်း၊ လိူၼ်၊ လၢဝ်ဢၼ်မီးၼႂ်း ၸၵျႃႇဝလႃႇၼႆႉဢေႃႈ။-

16ပေႃးႁဵတ်းၸိူဝ်ႉၼင်ႇၼၼ်ၸိုင်၊ ၵဝ်ထွၵ်ႈလူၺ်ႈလွင်ႈဢၼ်ဢမ်ႇမီးဢၵျူဝ်းလႄႈ ၵဝ်ပႅတ်ႉလႅၼ်ဢမ်ႇၸႂ်ႈ။ လွင်ႈဢၼ်ဢမ်ႇမီး ဢၵျူဝ်းလႄႈ ၵဝ်ဢဝ်ႁႅင်းၵျူဝ်းၸႃးဢမ်ႇၸႂ်ႈၼၼ်ႉယူႇသေလႄႈ တၵ်းမီးတၢင်းဢၼ်ဢုပ်ႇဝၢဝ်း သိူဝ်းပျေႃႇၼႂ်းဝၼ်းၸဝ်ႈၶရိၸ်ႈ ၼၼ်ႉဢေႃႈ။

17လိူဝ်သေၼၼ်ႉ၊ ပိၵ်ႉသမ်ႉၵဝ်ၶၢမ်ႇတၢင်းဢၼ်သွၼ်းလေႃႇ ၵႃႈၼိူဝ်ယိတ်ႈဢိၵ်ႇတင်း တၢင်းဢၼ်ဢဝ်လူႇပုၵ်ႈၸေႃႇ တၢင်းဢၼ်သူယုမ်ႇမၢတ်ႈၼၼ်ႉသေၵေႃႈ၊ ၵဝ်မီးတၢင်းဢၼ်သိူဝ်းပျေႃႇဢမ်ႇၵႃး၊ မီးတၢင်းဢၼ်သိူဝ်းပျေႃႇလူၺ်ႈၵၼ်တင်းသူ ၵႃႈမီးတင်းသဵင်ႈတင်းလူင်ယူႇဢေႃႈ။-

18မိူၼ်ၸိူဝ်ႉၼင်ႇၼၼ်၊ သူၵေႃႈသိူဝ်းပျေႃႇတႃႉ။ မီးတၢင်းဢၼ်သိူဝ်းပျေႃႇလူၺ်ႈၵၼ်တင်းၵဝ်တႃႉ။

19ဢမ်ႇပေႃးႁိုင်၊ ၼင်ႇႁိုဝ်ၵဝ်တၵ်းလႆႈ ပွႆႇၸႂ်ႉ တီႉမေႃးသေႇ ၵႂႃႇတီႈဢၼ်သူမီးၼၼ်ႉ ႁႂ်ႈၵဝ်လႆႈႁူႉ လွင်ႈသူလႄႈ ၸႂ်သၢၵ်ႈ သႃႇၸိုင်၊ ၵဝ်မီးတၢင်းဢၼ်ဢိင်ပိုင်ႈ ၼႂ်းၸဝ်ႈ ယေႇသူႉ ယူႇဢေႃႈ။-

20လွင်ႈမၼ်းၸမ်ႉ တီႈၵဝ်ၼႆႉ ဢမ်ႇမီးၵေႃႉဢၼ်ၸႂ်သၽေႃးမိူၼ်ၵၼ်တင်းမၼ်းၼၼ်ႉ ဢၼ်ၸွမ်းၼင်ႇတၢင်းဢၼ်မၼ်းမီးၸႂ် ၸေႇတၼႃႇ ဢၼ်ၶႂ်ႈလူၶႂ်ႈတူၺ်းဢၵျူဝ်းသူၼၼ်ႉသေၵေႃႉသေၵူၼ်း။-

21ၵူၼ်းတင်းသဵင်ႈတင်းလူင်ဢမ်ႇႁႃဢၵျူဝ်း ယေႇသူႉၶရိၸ်ႈ ၊ ၸၢင်ႈႁႃဢၵျူဝ်းတူဝ်ၸဝ်ႈၵဝ်ႇၵူၺ်းဢေႃႈ။-

22ၵူၺ်းၵႃႈသူႁူႉသၢၵ်ႈသေႇဢၼ်မၼ်းၼႄပျႃး လွင်ႈဢၼ်မၼ်းပွင်ႁဵတ်းဢမူႉတြႃးသတၢင်းသိူဝ်းပျေႃႇ လူၺ်ႈၵၼ်တင်းၵဝ်မိူၼ်ၸိူဝ်ႉၼင်ႇဢၼ် လုၵ်ႈလၢင်းပွင်ႁဵတ်းလူၺ်ႈၵၼ်တင်းပေႃႈၼၼ်ႉယူႇဢေႃႈ။-

23ပိူဝ်ႈၼႆလႄႈ မိူဝ်ႈဢၼ်ၵဝ်ႁူႉလွင်ႈဢၼ်တၵ်းပဵၼ်မႃးၸိူဝ်ႉၼင်ႇႁိုဝ်တီႈၵဝ်ၼၼ်ႉၸိုင်၊ ၵဝ်ၵျၢမ်ႇပွင်မုင်ႈထႃႈမွင်းထႃႈ ႁႂ်ႈလႆႈပွႆႇၸႂ်ႉမၼ်းၵႂႃႇၵႃႈတီႈဢၼ်သူမီးၼၼ်ႉၵမ်းလဵဝ်ယူႇဢေႃႈ။-

24လိူဝ်သေၼႆႉဢမ်ႇၵႃး၊ လွင်ႈၼင်ႇႁိုဝ်ၵဝ်တူဝ်ၸဝ်ႈၵဝ်ႇတၵ်းလႆႈမႃးတီႈဢၼ်သူမီးၼၼ်ႉၸိုင်၊ ၵဝ်မီးၸႂ်ဢၼ် ယုမ်ႇမၢတ်ႈ ၸွႆးၸပ်းၼႂ်းၸဝ်ႈၽြႃးယူႇဢေႃႈ။

25ၵူၺ်းၵႃႈ ၵဝ်ထၢင်ႇၵဝ်လီပွႆႇၸႂ်ႉ ဢေးပႃႉၽရေႃးတိတ်ႉ ဢၼ်ပဵၼ် ၵေႃႉသေႈၵဝ်ၼႂ်းတၢင်းဢၼ်ပွင်ႁဵတ်းဢမူႉၸဝ်ႈ၊ ၵေႃႉဢၼ် တိုၵ်းသိုၵ်းလူၺ်ႈၵၼ်တင်းၵဝ်၊ ၵေႃႉဢၼ်လူတူၺ်းၵဝ်၊ ဢၼ်ဝႃႈ တမၢၼ်ႇသူၼၼ်ႉၵႂႃႇတီႈသူတေႃႈလဵဝ်ၼႆႉဢေႃႈ။-

26လွင်ႈမၼ်းၸမ်ႉ မၼ်းၸႂ်ထိုင်သူတင်းသဵင်ႈတင်းလူင်လႄႈ၊ ၸႂ်ဢမ်ႇသႃႇၵွပ်ႈပိူဝ်ႈဢၼ်သူလႆႈငိၼ်းလွင်ႈဢၼ်မၼ်း မီးတၢင်းၶႆႈ တၢင်းပဵၼ်ၼၼ်ႉယူႇဢေႃႈ။-

27မၼ်းမီးတၢင်းၶႆႈတၢင်းပဵၼ်တေႃႇထိုင်ႁွတ်ႈထၼ်ႈပေႃး ၸမ်တၵ်းတၢႆတႄႉတႄႉဝႃႈဝႃႈဢေႃႈ။ မိူဝ်ႈၼၼ်ႉ ၽြႃးပဵၼ်ၸဝ်ႈဢဵတ်းလူမၼ်းဢေႃႈ။ မၼ်းၸဝ်ႈဢဵတ်းလူမၼ်းၵူၺ်းဢမ်ႇၸႂ်ႈ။ ၵဝ်ၵေႃႈမၼ်းၸဝ်ႈဢဵတ်းလူႁႂ်ႈၵဝ်ဢမ်ႇလႆႈမီးတၢင်းဢၼ်ၸႂ်လဵၵ်ႉ ၶိူဝ်းၶိူဝ်းယႂ်းယႂ်းဢေႃႈ။-

28ပိူဝ်ႈၼႆလႄႈ ၵဝ်ယဵင်ႈၶႅၼ်း ၵျူဝ်းၸႃးပွႆႇၸႂ်ႉမၼ်းၵႂႃႇႁႂ်ႈသူလႆႈၶိုၼ်းထူပ်းႁၼ်မၼ်းလႄႈ သိူဝ်းပျေႃႇဢိၵ်ႇတင်းႁႂ်ႈၵဝ်လႆႈ သၢၵ်ႈသႃႇဢေႃႈ။-

29ပိူဝ်ႈၼႆၸင်ႇ၊ ထွၵ်ႈလူၺ်ႈၸဝ်ႈၽြႃးသေလႄႈ မီးတၢင်းၸႂ်ဢၼ်သိူဝ်းပျေႃႇႁပ်ႉတုင်းဢဝ်မၼ်းတႃႉ။ ရူဝ်ႇသေႇၵူဝ်ယမ်ၵူၼ်းၸိူဝ်ႉၼင်ႇၼၼ်တႃႉ။-

30လွင်ႈမၼ်းၸမ်ႉ ၼင်ႇႁိုဝ်တၵ်းႁႂ်ႈဝၢတ်ႈဢၼ်သူပွင်ႁဵတ်းတီႈၵဝ်လႄႈ ဢမ်ႇပႆႇပျေႉၸုမ်ႇၼၼ်ႉ ပျေႉၸုမ်ႇၸိုင်၊ မၼ်းႁတ်းၸုၼ်ႉ ဢသၢၵ်ႈတူဝ်ၸဝ်ႈၵဝ်ႇလႄႈ ၸမ်တၵ်းႁွတ်ႈထိုင်တၢင်းတၢႆ ၵွပ်ႈပိူဝ်ႈဢမူႉၸဝ်ႈၶရိၸ်ႈယဝ်ႉ။

← Chapter 1 Jump to: Chapter 3 →