Philippians 4

Shan

← Chapter 3 Jump to:

1ပိူဝ်ႈၼႆလႄႈ ပီႈၼွင်ႉဢၼ်ၵဝ်ႁၵ်ႉလႄႈၸႂ်ထိုင်ၼႃႇ၊ ဢၼ်ပဵၼ်ပၢၼ်းၵုမ်းသရၽူႇၵဝ်၊ တၢင်းဢၼ်ၵဝ်သိူဝ်းပျေႃႇၶဝ်ဢိူၺ်း၊ ဢွၼ်ၵၼ်တႄႇယူႇၼႂ်းၸဝ်ႈၽြႃးၸွမ်းၼင်ႇၵႃႈဢၼ်ၵဝ်ဝႃႈမႃးယဝ်ႉၼၼ်ႉတႃႉ။ ပီႈၼွင်ႉဢၼ်ၵဝ်ႁၵ်ႉၶဝ်ဢိူၺ်း၊

2ၼင်ႇႁိုဝ် ဢေးဝူဝ်းတီႉ ၊တင်း သုၼ်ႇတုၵ်ႉ ၊ သွင်ၶႃတၵ်းလႆႈမီးၸႂ်သၽေႃး ဢၼ်မိူၼ်မိူၼ်ၵၼ် ၼႂ်းၸဝ်ႈၽြႃးၸိုင်ၵဝ်တွင်းပၢၼ်ႇၸူဝ်းဢဝ်ၶဝ်ဢေႃႈ။-

3ၵေႃႉသေႈၸႅတ်ႈၸႅတ်ႈဢၼ်သၢင်ႈႁဵတ်းလူၺ်ႈၵၼ်တင်းၵဝ်ဢိူၺ်း၊ မႂ်းၵေႃႈၵဝ်တွင်းပၢၼ်ႇဢေႃႈ။ ၸွႆႈထႅမ်မႃႉၸႃႉၽူႈယိင်း ဢၼ် ၵျူဝ်းၸႃးၸွႆႈထႅမ်ၵဝ်ၼႂ်းလွင်ႈတၢင်းဢၼ်ႁေႃးလၢတ်ႈတြႃးသတၢင်းသိူဝ်းပျေႃႇၸိူဝ်းၼၼ်ႉ ဢိၵ်ႇတင်း ၸႃႉၸဵမ် ၵလေႇမိၼ်ႇ ၊ တင်းၵေႃႉသေႈၸႅတ်ႈၸႅတ်ႈဢၼ်ၵိုတ်းဢၼ်ၵျၢၼ်ႇ ဢၼ်သၢင်ႈႁဵတ်းလူၺ်ႈၵၼ်တင်းၵဝ် ဢၼ်ၸိုဝ်ႈၶဝ်သဵင်ၶဝ်ပႃးၼႂ်းၸရၢင်း ဢသၢၵ်ႈၸိူဝ်းၼၼ်ႉတႃႉ။

4မီးတၢင်းဢၼ်သိူဝ်းပျေႃႇၼႂ်းၸဝ်ႈၽြႃးတႃႇသေႇဢမ်ႇထၢတ်ႇတႃႉ။ ၵဝ်သမ်ႉဝႃႈထႅင်ႈၸမ်ႉ၊ သိူဝ်းပျေႃႇတႃႉ။-

5ႁႂ်ႈၸႂ်သၽေႃးတၢင်းဢၼ်သူဢူၼ်ႈဢွၼ်ႇၼၼ်ႉထၢင်ႇသႃးၵႃႈတီႈၽၢႆႇၼႃႈၵူၼ်း တင်းသဵင်ႈတင်းလူင်တႃႉ။ ၸဝ်ႈၽြႃးမီးၸမ်ယူႇဢေႃႈ။-

6ယင်းဢမ်ႇမီးတၢင်းဢၼ်မႆႈၸႂ် လူၺ်ႈလွင်ႈတၢင်းၵႃႈသင်လႄႈ ၼႂ်းလွင်ႈတၢင်းၵူႈၸိူဝ်ႉၵူႈပိူင် ဢဝ်တၢင်းဢၼ်ႁဵတ်းသူးတွင်းပထၼႃႇ ဢိၵ်ႇတင်း တၢင်းဢၼ်ယွင်ႈယေႃးၵျေးၸူးၸဝ်ႈလႄႈ လဝ်ႊလၢတ်ႈၵႃႈဢၼ်သူလူဝ်ႇထႅင်ႈ တင်းသဵင်ႈတင်းလူင်ၼၼ်ႉ တီႈၽြႃးပဵၼ်ၸဝ်ႈတႃႉ။-

7ပေႃးႁဵတ်းၸိူဝ်ႉၼင်ႇၼၼ်ၸိုင်၊ တၢင်းၼိမ်ၽြႃးပဵၼ်ၸဝ်ႈ ဢၼ်ၽူႈလႂ်ၵျၢမ်ႇပွင်လႄႈဢမ်ႇၶိုတ်းဢမ်ႇထိုင်လႆႈၼၼ်ႉ၊ တၵ်းပႂ်ႉၸွႆႈပႂ်ႉထႅမ်ႁူဝ်ၸႂ်သူယူႇၼႂ်း ယေႇသူႉၶရိၸ်ႈ ဢေႃႈ။

8ၵႂၢမ်းဢၼ်ယင်းၵိုတ်းယင်းၵျၢၼ်ႇၸမ်ႉ၊ ပီႈၼွင်ႉၶဝ်ဢိူၺ်း၊ လွင်ႈတၢင်းဢၼ်ၸၢပ်ႈသႅင်ႇၵၼ်တင်းသမ်ႇမႃႇတြႃးလႂ်၊ လွင်ႈတၢင်းဢၼ် သၢင်ႇထုၵ်ႇလႂ်၊ လွင်ႈတၢင်းဢၼ်သိုဝ်ႈတေႃႇလႂ်၊ လွင်ႈတၢင်းဢၼ်ၶၢဝ်ၸၢင်ႇလႂ်၊ လွင်ႈတၢင်းဢၼ်ထုၵ်ႇၸႂ်ပိူၼ်ႈလႂ်၊ လွင်ႈတၢင်းဢၼ် လီဢွၼ်ႇလီယွင်ႈလႂ်၊ ၵႃႈမီးတင်းသဵင်ႈတင်းလူင်လႄႈသင်၊ ပေႃးမီးလွင်ႈတၢင်းဢၼ်ၸၢပ်ႈသႅင်ႇၵၼ်တင်း ပႃႇရမီႇသေပႃးပႃးၼၼ်ႉ လႄႈသင်၊ ပေႃးမီးလွင်ႈတၢင်းဢၼ်ၸၢပ်ႈသႅင်ႇၵၼ်တင်း သတၢင်းဢၼ်လီဢၼ်ငၢမ်း သေပႃးပႃးၼၼ်ႉလႄႈသင်၊ ဢွၼ်ၵၼ် ဢဝ်သႂၢင်းဝႆႉ ၼႂ်းႁူဝ်ၸႂ်တႃႉ။-

9သူဢွၼ်ၵၼ်ၵမ်ၵျၢင်ႉၵႃႈဢၼ်သူလႆႈသွၼ်ဢဝ် လႆႈငိၼ်းဢဝ် လႆႈႁၼ်ဢဝ်တီႈၵဝ် တင်းသဵင်ႈတင်းလူင်ၼၼ်ႉတႃႉ။ ၽြႃးပဵၼ်ၸဝ်ႈ ၸဝ်ႈတၢင်းၼိမ်ၼၼ်ႉ တၵ်းမီးယူႇလူၺ်ႈၵၼ်တင်းသူဢေႃႈ။

10တေႃႈလဵဝ်ၼႆႉၵေႃႈ ၵွပ်ႈပိူဝ်ႈဢၼ်သူသမ်ႉ ၶိုၼ်းပျေႉၸုမ်ႇတင်းၸႂ်ၸေႇတၼႃႇ ဢၼ်ၶႂ်ႈလူၶႂ်ႈတူၺ်းၵဝ်လႄႈ ၵဝ်မီးတၢင်းဢၼ်သိူဝ်းပျေႃႇၼႂ်းၸဝ်ႈၽြႃးၼႃႇလူင်လၢင်ဢေႃႈ။ ပိၵ်ႉသမ်ႉၸႂ်ၸေႇတၼႃႇၼၼ်ႉ မီးမိူဝ်ႈဢွၼ်ၼႆႉၼၼ်ႉသေၵေႃႈ၊ သူဢမ်ႇမီးဢၶႂၢင်ႉ ဢၼ်လႆႈပွင်ႁဵတ်း။-

11မိူဝ်ႈဢၼ်ၵဝ်ဝႃႈၸိူဝ်ႉၼင်ႇၼၼ်ၸိုင်၊ ၵဝ်ၶႂ်ႈဢဝ်လွင်ႈဢၼ်ၵဝ်ယၢၵ်ႈၵဝ်ၽၢၼ်ၼႆႉဝႃႈဢမ်ႇၸႂ်ႈ။ လွင်ႈမၼ်းၸမ်ႉ ၼင်ႇႁိုဝ်တၵ်း ဢိမ်ႇၸႂ်ၼိမ်ၸႂ်ၼႂ်းလွင်ႈတၢင်းၵႃႈဢၼ်ၵဝ်ႁူပ်ႉၵဝ်ထူပ်းၼၼ်ႉၸိုင်၊ ၵဝ်လႆႈသွၼ်ဢဝ်ယဝ်ႉ။-

12ၵဝ်ၸၢင်ႈၶၢမ်ႇတၢင်းဢၼ်ၶျႃးတူၵ်းတီႈတႅမ်ႇဢေႃႈ။ ၵဝ်ၸၢင်ႈၶၢမ်ႇတၢင်းဢၼ်ပျေႉၸုမ်ႇလိူင်ႇၸႂ်ဢေႃႈ။ ၼင်ႇႁိုဝ်ၵဝ်တၵ်းၸၢင်ႈၶၢမ်ႇတၢင်းဢၼ်ၵိၼ်ဢိမ်ႇၵိၼ်တဵမ်၊ တၢင်းဢၼ်ဢိုပ်းဢၼ်ယၢၵ်ႈ၊ တၢင်းဢၼ်မီးၸေးၸိမ်ႇ၊ တၢင်းဢၼ်ယၢၵ်ႈဢၼ်ၽၢၼ် ၸိူဝ်းၼၼ်ႉၸိုင်၊ ၵဝ်လႆႈသွၼ်ဢဝ်ၼႂ်းလွင်ႈတၢင်းၵူႈၸိူဝ်ႉၵူႈပိူင် ၵႃႈမီးတင်းသဵင်ႈတင်းလူင်ယဝ်ႉ။-

13ၵဝ်တၢတ်ႈၼိူင်ႇလႆႈလွင်ႈတၢင်းၵႃႈမီးတင်းသဵင်ႈတင်းလူင် ၼႂ်းၸဝ်ႈဢၼ်ႁႂ်ႈၵဝ်ပျေႉၸုမ်ႇတင်းႁႅင်းၼၼ်ႉယူႇဢေႃႈ။

14ၵူၺ်းၵႃႈၵွပ်ႈပိူဝ်ႈဢၼ်သူ သိူၵ်ႈသမ်ႇၵၼ်တင်းၵဝ်ၼႂ်းမိူဝ်ႈဢၼ် ၵဝ်လႆႈၶၢမ်ႇတုၵ်ႉၶႃႉတၢင်းၽၢၼ်ယူႇၼၼ်ႉလႄႈ သူႁဵတ်းလီလီငၢမ်းငၢမ်းမႃးယဝ်ႉ။-

15ၵူၼ်းဝဵင်း ၽီႉလိပ်ႉပီႉ ၶဝ်ဢိူၺ်း၊ ၼႂ်းမိူဝ်ႈဢၼ်ၵဝ်ႁဵတ်းတၢင်းဢၼ် ၸႃႉႁေႃးလၢတ်ႈတြႃးသတၢင်းသိူဝ်းပျေႃႇလႄႈ ဢွၵ်ႇသေ ၵႃႈၼႂ်းမိူင်း မႃႇၵေႇတေႃးၼီႉ ၵႂႃႇၼၼ်ႉၸိုင်၊ လိူဝ်သေသူ၊ ၸိူဝ်းၸဝ်ႈဢၼ်လႂ်သေဢမ်ႇဝႃႈ၊ ဢမ်ႇသိူၵ်ႈသမ်ႇၼႂ်းလွင်ႈ ဢၼ်လူႇတၢင်းလူႇတၢင်းတၢၼ်းဢိၵ်ႇတင်း ၼႂ်းလွင်ႈတၢင်းဢၼ်ၶၢမ်ႇဢဝ် တၢင်းလူႇတၢင်းတၢၼ်းၼၼ်ႉလူၺ်ႈၵၼ်တင်းၵဝ်။-

16ၼႂ်းမိူဝ်ႈဢၼ်ၵဝ်မီးယူႇၼႂ်းဝဵင်း ထိတ်ႉသႃႇလေႃးၼိၵ်ႈ ၼၼ်ႉၵေႃႈ သူပၼ်လွင်ႈတၢင်းဢၼ် ၵဝ်လူဝ်ႇထႅင်ႈၼၼ်ႉမႃး ထူၼ်ႈ ထိုင်သွင်ပွၵ်ႈဢေႃႈ။-

17မိူဝ်ႈဢၼ်ၵဝ်ဝႃႈၸိူဝ်ႉၼင်ႇၼႆၸိုင်၊ ၵဝ်ႁႃဢဝ်တၢင်းလူႇတၢင်းတၢၼ်းဢမ်ႇၸႂ်ႈ။ ၵဝ်ႁႃဢဝ်ဢၵျူဝ်းဢၼ်ပျေႉၸုမ်ႇလိူင်ႇၸႂ်ၵႃႈတီႈသူဢေႃႈ။

18မိူဝ်ႈလဵဝ်ၼႆႉ၊ ၵဝ်ၸၢင်ႈမၢၵ်ႈမီးလီပဵၼ်ၼႂ်းလွင်ႈတၢင်းၵူႈၸိူဝ်ႉၵူႈပိူင်ဢေႃႈ။ ဢုၵ်ႉၸႃႇၼမ်လိူင်ႇဢေႃႈ။ ၵွပ်ႈပိူဝ်ႈဢၼ် ၵဝ်လႆႈၶၢမ်ႇဢဝ် လွင်ႈတၢင်းၸိူဝ်းဢၼ်သူပၼ်မႃးဢၼ်ဝႃႈ ဢၢႆဢၼ်ႁွမ်ဢၼ်ႁူၺ်းယိတ်ႈဢၼ်ၽြႃးပဵၼ်ၸဝ်ႈ ထုၵ်ႇၸႂ် ၵျိူၵ်ႈၸႂ်ၼၼ်ႉ ၵႃႈၼႂ်းမိုဝ်း ဢေးပႃႉၽရေႃးတိတ်ႉ လႄႈ ၵဝ်ပျေႉၸုမ်ႇလိူင်ႇၸႂ်ယူႇဢေႃႈ။-

19ၽြႃးပဵၼ်ၸဝ်ႈၵဝ်ၼၼ်ႉ တၵ်းႁႂ်ႈၵႃႈဢၼ်သူမီးဢလူဝ်ႇၼၼ်ႉ ပျေႉၸုမ်ႇၼႂ်း ယေႇသူႉၶရိၸ်ႈ ၸွမ်းၵႃႈၼင်ႇဢၼ်မၼ်းၸဝ်ႈမီးၸေးၸိမ်ႇ ဢၼ်မၼ်းၸဝ်ႈၸၢမ်ႇၸႃး ၼႂ်းမုၼ်ဢႃႇၼူႉၽေႃႇၸဝ်ႈယူႇၼၼ်ႉဢေႃႈ။

20ႁႂ်ႈမုၼ်ၽုင်းၽြႃးပဵၼ်ၸဝ်ႈႁဝ်းဢၼ်ဝႃႈ ၸဝ်ႈပေႃႈၼၼ်ႉယႂ်ႇၼႃႇ ၵူႈၵမ်ႇၽႃႇသိုပ်ႇသိုပ်ႇတၢမ်းတၢမ်းသေၵမ်းလူၺ်ႈ။ ဢႃႇမိၼ်ႇ။

21တၵ်ႉလၢတ်ႈၵူၼ်းမူတ်းၸၢင်ႇ ဢၼ်မီးၼႂ်း ယေႇသူႉၶရိၸ်ႈ ၼၼ်ႉၵူႈၵေႃႉၵူႈၵူၼ်းတႃႉ။ ပီႈၼွင်ႉဢၼ်မီးယူႇလူၺ်ႈၵၼ်တင်းၵဝ်ၸိူဝ်းၼႆႉတၵ်ႉၼၢႆသူဢေႃႈ။

22ၵူၼ်းမူတ်းၸၢင်ႇ တင်းသဵင်ႈတင်းလူင်တၵ်ႉၼၢႆသူဢေႃႈ။ ၵူၼ်းမူတ်းၸၢင်ႇ ဢၼ်ယူႇၼႂ်းႁေႃၶမ်းၶုၼ်လူင် ၵေႇသႃႇ တင်းလၢႆၼႆႉ တၵ်ႉၼၢႆသူလူင်လူင်လၢင်လၢင်ဢေႃႈ။

23ႁႂ်ႈၵျေးၸူးၸဝ်ႈ ယေႇသူႉၶရိၸ်ႈ မီးၼိူဝ်သူတင်းသဵင်ႈတင်းလူင်သေၵမ်းလူၺ်ႈ။ ဢႃႇမိၼ်ႇ။ လိၵ်ႈဢေႃးဝႃႇတႃႉၽီႉလိပ်ႉပီႉယဝ်ႉယဝ်ႉဢေႃႈ။

← Chapter 3 Jump to: