bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
2 Kings 15
2 Kings 15
Sidamo
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
1
Israeelete moote Iyorbiaami moohihunni lemiina lamalki diro, Amesiyaasi beetti Ooziya Yihudaho moohi.
2
Ooziya moohinohu 16 dirisinniiti. Yerusaalame teesso assi're 52 diro gashshino. Amasi Yikooliya Yerusaalamete ilantinote.
3
Isino annisi gede Kaaliiqi baxanno coye assino.
4
Ikkollana gaarrate aana noota dagate maganna magansi'nanni darguwa didiigino; mannuno hakkiicho kakkalanna hixaana giira diagurino.
5
Kaaliiqino Ooziya taraawannohunni gogu dhibbinni ganinosi. Reyanno barri geeshsha dhibbu aanisinni ha'rinokki daafira, loosono agure baxxino mine hee'rino. Kunnira beettisi Iyoaataami isi darga mootimmate mineno amade gobba gashshi.
6
Moote Ooziya assinohu wolu coyi baalu Yihudu mootoolla dhagge amadino maxaafi giddo borreessame no.
7
Ooziyano reenna Daawiti Katamira annuwasi mule madaarroonnisi. Beettisi Iyoaataam isi darga moohino.
8
Ooziya Yihudaho moohihunni sajjiina settikki diro, Iyorbiaami beetti Zakkaariyaasi Israeelete moohi; Samaariya teesso assi're 6 agana gashshino.
9
Isino isira albaanni gashshitino mootoolla gede Kaaliiqi giwanno coye assino. Israeelete manna cubbu giddora eessihu Naabaaxi beetti Iyorbiaami loosino gedee bunshewiinni dihigino.
10
Yaabeeshi beetti Shaluumi Zakkaariyaasira gano gane Yubileaami yinanniwa iso shee dargasi moohi.
11
Moote Zakkaariyaasi assinohu wolu coyi baalu Israeelete mootoolla dhagge amadino maxaafira borreessineenna no.
12
Kunni garinni Kaaliiqi Iyura, «Sirchikki Israeelete 4 ilama geeshsha moohanno» yiino coyi wo'mi.
13
Ooziya Yihudaho moohihunni sajjiina honsikki diro, Yaabeeshi beetti Shaluumi Israeelete moohi. Samaariya teesso assi're 1 agana gashshino.
14
Mitto barra Gaadi beetti Minaheemi Tiritsanni fule Samaariya mare bala tuge Shaluumi shee isi darga moohi.
15
Shaluumi assinohu wolu coyinna ganino gano baala Israeelete mootoolla dhagge amadino maxaafira borreessineenna no.
16
Minaheemi Tiritsanni ha'ranni hee're Tifisahi Katama, giddo noo mannanna qooxeessaho noo gobba baala gudino. Hatto assinohu katamu giddo noo manni anga aa giwinosi daafiraati. Kunnira godowinni noo meento nafa godowa darino.
17
Ooziya Yihudaho moohihunni sajjiina honsikki diro, Gaadi beetti Minaheemi Israeelete moohi. Samaariya teesso assi're 10 diro gashshino.
18
Kaaliiqi giwanno coye assino; reyanno barri geeshshano Israeele cubbu giddora eessihu Naabaaxi beetti Iyorbiaami assino gedee bunshewiinni agure dihigino.
19
Minaheemi gashshe noo yannara Asoori moote Telgeltelfelsoori Israeele amadi. Minaheemi gashshootesi kaajjishi'rate kaa'lannosi gede hede, Telgeltelfelsoori 34,000 kiilo ikkanno birra uyisi.
20
Minaheemi woxe gamba assinohu Israeelete dureeyye umu umunni 50 kinchu birra fushshitanno gede asseeti. Kunni garinni Telgeltelfelsoori agure gobbasi higi.
21
Minaheemi assinohu wolu coyi baalu Israeelete mootoolla dhagge amadino maxaafira borreessineenna no.
22
Minaheemi annuwasinte gede reenna madaarrisi. Beettisi Feqahiya isi darga moohi.
23
Ooziya Yihudaho moohihunni ontayikki diro, Minaheemi beetti Feqahiya Israeelete moohi; Samaariya teesso assi're 2 diro gashshino.
24
Feqahiyano Kaaliiqi giwanno coye assino; Israeele cubbu giddora eessihu Naabaaxi beetti Iyorbiaami loosino gedee bunshewiinni agure dihigino.
25
Olantote hajajaano giddonni mittu Remaaliya beetti Faaquhe 50 Geleaadi manni ledo gano gane, Samaariyaho mootete mine noo qiisho giddora e"e Feqahiya, Arigobinna Ariye ledo mitteenni shee, isi darga amade moohi.
26
Feqahiya assinohu wolu coyi baalu Israeelete mootoolla dhagge amadino maxaafira borreessineenna no.
27
Ooziya Yihudaho moohihunni ontayina layinki diro, Remaaliya beetti Faaquhe Israeelete moohi; Samaariya teesso assi're 20 diro gashshino.
28
Isino Kaaliiqi giwanno coye assino; Israeele cubbu giddora eessihu Naabaaxi beetti Iyorbiaami loosino gedee bunshewiinni agure dihigino.
29
Faaquhe gashshe noo yannara, Asoori moote Telgeltefelsoori Iyooni, Abeeli-Beeti-Maaka, Yaanoha, Qedeeshinna Hatsoori yinanni katamma, qoleno Geleaadi, Galiilunna Nifitaalemi baatto baala amadi. Mannano qafade Asoorira haa're ha'rinohu isi yannaraati.
30
Ooziya beetti Iyoaataami Yihudaho moohihunni lemiikki diro, Eela beetti Hoosei moote Faaquhera gano gane shee kae isi darga Israeelete moohi.
31
Faaquhe assinohu wolu coyi baalu Israeelete mootoolla dhagge amadino maxaafira borreessineenna no.
32
Remaaliya beetti Faaquhe Israeelete moohihunni layinki diro, Ooziya beetti Iyoaataami Yihudaho moohi.
33
Iyoaataami moohinohu 25 dirisinniiti. Yerusaalame teesso assi're Yihuda 16 diro gashshino. Amasi Yerusha Saadooqi beettooti.
34
Annisi Ooziya gede isino Kaaliiqi baxanno coye assino.
35
Ikkeennano gaarrate aana noota dagate maganna magansi'nanni darguwa didiigino. Mannuno hakkiicho kakkalanna hixaana giira diagurino. Qullaawu Miniha aliyye waalcho seekkisiisinohuno isooti.
36
Iyoaataami assinohu wolu coyi baalu Yihudu mootoolla dhagge amadino maxaafira borreessineenna no.
37
Isi yannara, Kaaliiqi Sooriyu moote Retsiininna Israeelete moote Faaquhe Yihuda gawajjitanno gede soyino.
38
Iyoaataamino annuwasinte gede reenna, Daawiti Katamira mootoollate waammawa madaarroonnisi. Beettisi Akaazi isi darga moohi.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25