2 Kings 16

Sidamo

← Chapter 15 Jump to: Chapter 17 →

1Remaaliya beetti Faaquhe Israeelete moohihunni tonaa lamalki diro, Iyoaataami beetti Akaazi Yihudaho moohi.

2Akaazi moohinohu 20 dirisinniiti. Yerusaalame teesso assi're 16 diro gashshino. Isi albi annisi Daawiti gede Kaaliiqi baxanno coye diassino.

3Israeelete mootoolla assitino bunshe assino. Ilino beetto nafa kaphu magannara shilqote kakkalo asse shiqishino. Hatto assinohu, Israeele baatto amaddu waro Kaaliiqi albinsanni shorre hunino daga assitannoha tiyyi'nanni coye ha'runseeti.

4Akaazi gaarrate aana, seekkinoonnitera dagate maganna magansi'nanni darguwaranna sinnaame haqqe baalate hunda kakkale, hixaanano giirino.

5Sooriyu moote Retsiininna Israeelete moote Faaquhe Yerusaalame doyissite amaddu. Ikkeennano Akaazi qeeltara didandiitino.

6Hatte yannara Sooriyu moote Retsiini Elaati Katama galagalche qo'le hakkiicho hee'rannoha Yihudu manna giddonni fushshi. Hakka waro Edoomootu Elaati Katama e'ino; insano techo geeshsha hakkiicho heedhanno.

7Kunninni kainohunni Akaazi Asoori mootewa Telgeltefelsooriwa «Ani soqqamaanchokkiitinna beettokkiiti. Kunnira, dagge qassanni nooeri Sooriyunna Israeelete mootoolla anganni gatisie» yee manna soqqi.

8Qoleno Qullaawa Minenna mootete mine noo birranna culka afansha asse soyisi.

9Asoori mooteno, Akaazi yiinore macciishshe gaade mare, Demaasiqo qase qoli. Moote Retsiinino shee mannano qafade Qiiri yinanni katama haa're ha'ri.

10Akaazino Telgeltelfelsoorinni xaadara Demaasiqo ha'ri. Maranno woyite hakkiicho kakkalote uduunnicho afe, hakko suudiha seekkannosi gede akeekinoricho qeesichu Ooriyowa soyi.

11Qeesichu Ooriyono Akaaziyaasi Demaasiqotenni higa geeshsha hakkonne lawannoha kakkalote uduunnicho seekki.

12Akaaziyaasi Demaasiqotenni hige seekkinoonniha kakkalote uduunnicho lae, kakkalara isi aanira sae,

13shilqote kakkalora saadanna gide shiqishi; anganniri fushshaatenna mittimmate kakkalo mundee aanaho duni.

14Camotenni seekkine Kaaliiqira bandoonnihu kakkalote uduunnichi, isi seekkisiisinohu kakkalote uduunnichinna Qullaawu Mini mereero no. Isono dargisinni hoole haaroho midaadoonni aliyye ragaanni qole wori.

15Hakkunni gedensaanni Ooriyo, «Kunni haaru jawu ane uduunnichi kakkalonnihu guto shiqinshannita shilqote kakkalo, hawarro shiqinshanniha gidu fushshaate, mootetenna mannu daafira shiqinshannita shilqote kakkalonna gidu fushshaate, mannu daafira shiqinshanniha anganniri fushshaate dunnanniwa assi. Kakkallanni saada mundee baala isi aana duni. Camotenni seekkinoonnihu kakkalote uduunnichinni kayinni ani masaa'leemmo» yii.

16Ooriyono Akaazi hajajinosi gede assi.

17Akaazino Qullaawa Mine shoolunku waatira noo waalchuwanna doyitanno shae aana worroonni saanna haa're hooli. Camotenni seekkinoonnita 12 boottate misile aana noota Baaraho yinannita jawa quuqqado waa worranni gabate haa're hala'ladu kinchi aana wori.

18Asoori moote hagiirsiisara yee, mootenniha ayirrado barcima worranni darga diigi. Hakkunnira albaanni mootoolla Qullaawu Minira e'anno waalcho cufi.

19Moote Akaazi assinohu wolu coyi baalu Yihudu mootoolla dhagge amadino maxaafira borreessineenna no.

20Akaazino annuwasinte gede reenna, Daawiti Katamira mootoollate waammawa madaarrisi. Beettisi Hiziqiyaasi isi darga moohi.

← Chapter 15 Jump to: Chapter 17 →