Ecclesiastes 11

Sidamo

← Chapter 10 Jump to: Chapter 12 →

1Sagalekki wayi aana tugi; lowo barri gedensaanni, galagalchite afi'rattona.

2Baattote aana bushu coyi mayi daannoro diafoottona, Jirokki 7 woy 8 darga beekke wodhi.

3Wayi gomichu giddo wo'mihu gedensaanni xeena ikke dirranno; haqqu wodiidira woy aliyyera hige uwiro, hakko uwinowalla hee'ranno.

4Bubbete raga galaalchannohu diwixi'ranno; gomicho la"annohu dimixxanno.

5Bubbete gara afoottokkinte gede, lubbo woy foolu amate godowi giddora hiitto ikke eannoro diegennootto. Hattonni, wo'manka kalaqino Magani loosanno gara afa didandaatto.

6Kuni woy ku'u woyyannoro, woy wo'munku seyannoro afoottokki daafira, soodono wixi; hashsha geeshshano wixa agurtooti.

7Xawaabbu danchaho; arrishsho afa illete hagiirsiissanno.

8Mannu lowo diro hee'rirono, hee'rino diri baalunkunni hagiidho. Kayinnilla, tunsichu diri roore ikkannota qaagona. Daannori baalu haafaho.

9Ati wedellichu, wedellichimmakkinni tashshi yoohe; wedellichimmakki yannara wodanikki hagiidho; wodanikki hedinoha, illekki la'inoha assi. Ikkollana kunni baalunku coyira Maganu yoote shiqishannohetano habbooti.

10Anjenna wedellichimma mulenni sa'annotena, yaaddo wodanikkinni, qarra abbannore manninatikki aaninni hoo'li.

← Chapter 10 Jump to: Chapter 12 →