Ecclesiastes 12

Sidamo

← Chapter 11 Jump to:

1Bushu barri dayikkinni, «Tashshi diyiinoe» yaatto diri iillikkinni anjekki yannanni Kalaqaanchokki qaagi.

2Hatte yannara arrishsho, aganunna beeddahe tunsitanno; gomichuno xeenu gedensaanni galagale higanno.

3Hexxinanni cigile qece yitanno; jawaata lekka daafurtanno; hinko kiiro xe'e sagale corqa hoogganno; ille jaaroorte la"a gibbanno.

4Macca doogonniha, daammunnihanna muuziiqu luulo macciishsha gibbanno. Kayinnilla, ceate qaale macciishshine baqqi yinanni.

5Gooddo fula waajjishshanno; lekkatenni ha'ra qarra ikkitanno. Umu awuuwanno; meessi wolqanni qaafa didandiinanni; halcho baala ba'anno. Hatte yannara mannu hegere minisira ha'ranno; wi'laanu doogote wi'lishshanno.

6Birru cagaage ta'eenna, culkunni seekkinoonnihu caabbicho worranni uduunnichi hiiqqamikkinni Magano qaagi; waa goshoonshanni siiwo giddo ta'anno; wayi gambayichino gamaho hiiqqamanno.

7Maalu bushsha ikkinohura, galagale bushsha higanno; lubbo kalaqinose Maganiwa hadhanno.

8Rosiisaanchu, «Haafaho! Haafaho! Baalunkuri haafaho!» yii.

9Hayyichu rosiisaanchi egennaamo ikkinohura mannaho egenno rosiisino. Isino maammaashsha xiinxallihu gedensaanni, aante aantetenni qixxeesse worino.

10Seyino coye afi'rate xiinxallino. Halaalaancho yoo ammanamatenni borreessino.

11Egennaammu qaali, saada allaallanni siqqo qaraamete gedeeho; xaadinsoonni maammaashshi gobbe amaddanno misimaarra gedeeho. Kuri aamaminohuno, mittu allaalaasinchi Maganuwiinniiti.

12Beetto'ya, quwa sa"attokki gede qorophi; maxaaffa borreessine digundanni; xiinxallate batinyi daafursanno.

13Coyi baalunku gumulo kuneetina, macciishshino. Kuni mannu wo'munkura hasiisinohona, Magano ayirrisi; hajajosino agadhi.

14Maganu baalanka coye, maaxaminohano ikkiro mannu looso baala, danchano bushano yoote shiqishanno.

← Chapter 11 Jump to: