Romans 12

Sidamo

← Chapter 11 Jump to: Chapter 13 →

1Xa roduuwa'ya, mannimma'ne lubbotenni noo kakkalo gede, Magano hagiirsiissannotanna qullaawa assitine shiqishshinara huucci'reemmo'ne. Hatto assa hasiissanno'nehu, Maganu maaro uyino'ne daafiraati. Magano magansi'nanniti halaalaancho doogo hattenneeti.

2Maganu hedo dancha, hagiirsiissannotanna guuta ikkitinota affinanni gede, wodani'ne haaroo'mo ikkinnina tenne gobba mannita busha doogo hadhinoonte.

3Qoltineno, mitti mitti'ne Maganu uyino'ne amma'na bikkinni umo'ne heeshshi assitine la'e ikkinnina, hasiisannohura aleenni heddinanni boo'nitinannikki gede uyinoonnie eltonni seejjeemmo'ne.

4Mitte mannimmara duuchu bisi no. Mittu mittunku bisi addi addi looso afi'rino.

5Ninkeno haammante hee'nenni, Kiristoosinni mitto bisooti. Mitte mannimma aana hee'noommo daafira, mitti mittinke ku'u ko'onni bisooti.

6Uyinoonninke elto garinni, addi addi aamami noonke. Mittu manchira uyinoonnisi aamami Maganu sokka kula ikkituro, amma'nasi deerrinni kulona.

7Aamamisi woleho soqqama ikkituro, jaate soqqamona; rosiisa ikkituro, jaate rosiisona.

8Aamamisi manna jawaachisha ikkiro, jawaachishona; aa ikkituro, shooshanqetenni oona. Manna gashsha ikkituro, diinaggaawe gashshona. Aamamisi manna marara ikkituro, mararrosi hagiirrunni leellisho.

9Baxilli'ne goowi aliha ikkoonke. Busha coye gibbe; dancha coye cu'midhe.

10Mimmiti'ne ledo rodiimmate baxillinni baxamme; mimmito'ne ayirrisate qolchamme.

11Jawaattine loosse ikkinnina, cee'maleeyye ikkitinoonte. Ayyaanunni laalaattine Mootichahono soqqamme.

12Hexxotenni hagiidhe; qarru yannara cince; jaattine huuccidhe.

13Gadadantino ammanaasine kaa'lensa; wosinchimma daggannore haadhensa.

14Okkitanno'nere maassidhe; maassidhe ikkinnina runtinoonte.

15Hagiidhitannori ledo hagiidhe; wi'litannori ledo wi'le.

16Mimmiti'ne ledo sumuu yitine heedhe; ki'nenee bokkeessa agurtine gadadaammu ledo aanne. «Ane ka'a egennaamu dino» yitooti.

17Busha assinohehura busha assite qoltooti. Mannu baalu albaanni dancha coye assate jawaati.

18Dandiitiniha ikkiro, ki'ne widiidita mannu baalu ledo keere heedhe.

19Jaalla'ya, Maganoho uyitine agurre ikkinnina ki'ne rabbisidhinoonte. Mootichu, «Rabba anete; rabba ani qoleemmo» yaanno.

20Rabbisi'ra agurte baarigaarikki hudi'riro itisisi; goo'riro hayikkisisi. Hatto assakkinni umisi aana giirate kashilo duunatto.

21Busha danchu coyinni qeeli ikkinnina, bushu coyinni qeelantooti.

← Chapter 11 Jump to: Chapter 13 →