bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
2 Corinthians 10
2 Corinthians 10
Sotho 1951 (BIBELE)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 11 →
1
Bjalo nna Paulo yo, ke le rapela ka bonolo le ka botho bja Kriste, nna yo ba rego: Ke moikokobetši re lebane ka difahlogo, ge ke fulere ya ba gona ke galefago.
2
Ke kgopela gore ge ke tlo lebana le lena, e se ke ya ba ka kgalefo le ka šiši, ye ke bego ke re ke tla bata yona ke lwa le bao ba go re phara ba re re ya ka tsela ya nama.
3
Gobane le ge re sepela re la nameng, ga re hlabane senama.
4
Marumo a tlhabano ya rena ga se a nama, ke a maatla ka Modimo, a šwalalanya dibo.
5
Re šwalalanya maano le go iphagamiša gohle go šiteletšago tsebo ya Modimo; re itshwara ra tlema menagano gore e kwe Kriste.
6
Gomme re itokišitše go sola go se kwe ka moka, ge mo go lena go kwa e le go kwa moka.
7
A nke le boneng se se lego pepeneneng. Ge motho a ipotile a re wa Kriste ke yena, a a buše a eleletše a tsebe gore le rena re ba Kriste, bjalo ka ge le yena e le wa Kriste.
8
Gobane ge nna nka tiiša go kgantšha maatla a re a filwego ke Morena a gore re le agiše, a gore re se šwalalanye, nka se nyatšege.
9
Fela, ga ke rate go thwe, ka rata go le tšhošetša ka mangwalo a ka.
10
Gobane mangwalo a ka, ba re ke a boima, ke a maatla. Ba re: Ge ke le gona ka sebele, ke a fokola, mme polelo ya ka, ba re, e a nyatšega.
11
Wa go realo a a tsebe, gore sona seo re se bolelago ka mangwalo re se gona, re tlo se dira ge re le gona.
12
Gobane rena re ka se ke ra leka go etša bao ba go itheta, le ge e le go ipapetša le bona. Bona ga ba na temogo, ka ge ba sa tsebe ba bangwe, e le ba go itseba fela.
13
Gomme rena re ka se ke ra itheta ra iša kgole; re tlo tseba sebaka se Modimo a re beetšego sona, yena Moelelabathosebaka, ge re bile re fihlile go lena.
14
Le bjale ga se gore re obelela gore re fihlele; gobane ke rena ba re thomilego go tla go lena ka Ebangedi.
15
Ga re itumiše re iša kgole re sa tsebe modiro wa ba bangwe. Se rena re se holofetšego ke gore ge tumelo ya lena e gola, e tlo ba go katologa ga sebaka sa rena sa go tšwelela pele,
16
Ra tlo fetela pele ra iša Ebangedi le kua dileteng tše dingwe re se tlo nyaka go retwa ka tša sebakeng se se beetšwego ba bangwe, le ka tše di dirilwego ke bona.
17
E a ithetago a a ithete ka Morena.
18
Gobane mmotegi ga se moikemedi; ke yo Morena a mo emelago.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 11 →
All chapters:
1
2
3
4
5
6
7
8
9
10
11
12
13