bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Ecclesiastes 8
Ecclesiastes 8
Sotho 1951 (BIBELE)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 9 →
1
Mokamohlale ke mang? Mohlathaditaba ke mang? Bohlale bo thakga fahlogo sa motho, sa tlogwa ke bothata.
2
Nna ke re: Theetša taelo ya kgoši ka baka la keno ye o e ennego ka Modimo.
3
O se akgofe o tloga go kgoši, o se ke wa ema le taba e mpe; gobane kgoši e dira se e se ratago.
4
Lentšu la kgoši le maatla; ke mang a kago re: O dirang?
5
Molatamolao a ka se kwe lentšu le lebe; pelo e bohlale e tseba lebaka la moahlolelo.
6
Gobane tšohle tše di dirwago di na le mohla wa tšona le mokgwa wa tšona; mme motho o atetšwe ke tše mpe.
7
Ga a tsebe tša la ka moswana, gobane ga go e a mmotšago tše di tlogo ba gona.
8
Ga go e a bušago phefo, a kago thibela phefo; letšatši la go hwa ga le na mmuši. Tlhabanong ga go ne tokologo; le sebe ga se phološe mong wa sona.
9
Tše ka moka ke di bone ke iša megopolo le ditiro tšohle tše di dirwago fa tlase ga letšatši lebakeng la ge motho a sa buša motho gore a mo senye.
10
Le gona ke bone ba babe ba bolokwa ba goroga; mme baloki ka ba bona ba khuduga felo mo go kgethwa, ba ba ba lebalwa mo motseng. Le tšeo ke lefela.
11
Pelo tša bana ba batho di tlala go dira bobe, ka ge go diega kotlo ye e ahloletšwego disenyi.
12
Sesenyi se senya galekgolo se phela galelele. Le ge ke realo ke tseba gore bašia-Modimo ba tlo letlegelwa ka ge ba mmoifa.
13
Yo mobe a ka se tlelwe ke tše botse; bophelo bja gagwe ga bo telefale bjalo ka moriti ge o gonoga ka ge a sa boife fahlogo sa Modimo.
14
Lefela le lengwe la mo faseng, ke ge go na le baloki ba go tlelwa ke tše di loketšego mediro ya ba babe; le gona go na le ba babe ba go tlelwa ke tše di loketšego mediro ya baloki. Mme ka re: Le tšeo ke lefela.
15
Nna ka reta lethabo; ka gobane motho fa tlase ga letšatši ga a na se se botse, ge e se go ja le go nwa le go thaba. Tšona tšeo a di be nae ditapišong tša gagwe mehleng yeno, Modimo a sa mo file bophelo fa tlase ga letšatši.
16
Ka realo ge ke iša megopolo ke re ke tsebe bohlale, ke re ke bone tše ba itapišetšago tšona lefaseng, ba itlhokiša boroko mosegare le bošego.
17
Ka bona, ge tiro tšohle tša Modimo, motho a sa kgone go di hlatha, tšohle tše di dirwago fa tlase ga letšatši. Le ge motho a ka itapiša ka go di latiša, a ka se ke a di fihlela. Le ge mohlale a ka re: Ke a tseba go di fihlela a ka se ke a kgona.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 9 →
All chapters:
1
2
3
4
5
6
7
8
9
10
11
12