bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Judges 18
Judges 18
Sotho 1951 (BIBELE)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 19 →
1
Mehleng yeo go be go se kgoši mo go Isiraele. Ba leloko la Dani ba be ba sa nyaka magae mo ba kago dula, ka gobane ba be ba sešo ba arolelwa naga mo gare ga ba meloko ya Isiraele.
2
Ba ga Dani mo dileteng tša bona ba hlaola banna ba bahlano ba ba tiilego ba Tsorea le Esithaolo, ba ba roma gore ba yo bona naga ba e hlole, ba ba laya ba re: Yang le hlole naga. Bonabao ba tla dithabeng tša Efuraini, ba tsena lapeng la Mika, ba lala ntshe.
3
Ba le mo lapeng la Mika, ba tseba lesogana lela ka mmolelo ge e le Molefi; ba ya go yena ba re: O tlišitšwe ke mang mono? O dirang fa? O phela bjang mo?
4
A fetola a re: Mika o ntirile ka gore le ka gore; o nthwetše ka ba moperisita wa gagwe.
5
Bona ba re: A nke o botšiše Modimo, re tle re tsebe ge tsela ya rena ye, re e swerego bjale, ge e tlo letlega.
6
A fetola e le moperisita a re: Yang le rotše dipelo; tsela ya lena ye le e swerego e bulegile pele ga Morena.
7
Banna bao ba sepela ba tla Laisi, ba hwetša setšhaba sa ntshe se dutše se iketlile, ba se ne taba ka mokgwa wa Basidoni, ba sa belaele, ba sa hloke selo mo nageng yeo, ba dutše kgole le Basidoni, ba se na taba le batho ba bangwe.
8
Ba boela go bana ba bobona kua Tsorea le Esithaolo; bona ba ba botšiša ba re: Le reng?
9
Bona ba re: Tsogang, re ba tšwele dira; gobane re bone naga ra hwetša e le e botse ka kudu; gomme lena le sa tšwafelang go ya go e tšea?
10
Ge le ya kua le tlo hwetša setšhaba se se dutšego se iketlile, naga e ahlame e namile; gomme ke yona ye Morena a e gafetšego lena, naga ye e sa hlokego selo se nyakwago lefaseng.
11
Ke mo go tšwilego banna ba makgolo a selelago ba leloko la Dani, ba tloga Tsorea le Esithaolo, ba itlhamile ka marumo a ntwa;
12
ba rotoga ba bokana Kiryathe-Jearima nageng ya Juda. Ke ka baka leo felo fao le bjale ba sa rego ke “Mošaša wa Dani,” kua Kiryathe-Jearima ka thoko ya Bodikela.
13
Ba tšwa ntshe ba tla dithabeng tša Efuraimi, ba fihla lapeng la Mika.
14
Banna bala ba bahlano ba ba kilego ba yo hlola naga ya Laisi, ba rera banna ba bona ba re: Afa le a tseba gobane ka fa ngwakong wo go na le kobjana ya moperisita, le ditaola, le seswantšho se se betlilwego, le se se bopilwego. Bjale tsebang se le kago se dira.
15
Ba fapogela ntshe ba tla ngwakong wa lesogana lela la Molefi gona moo lapeng la Mika, ba dumediša.
16
Ge e le banna ba Dani bala ba makgolo a selelago, ba ba itlhamilego ka marumo a ntwa, ba be ba eme kua ntle ga kgoro.
17
Bala ba bahlano ba dihlodi tša mohla wola, bona ba tsena ka ngwakong ba tšea seswantšho se se betlilwego, le kobjana ya moperisita, le ditaola, le seswantšho se se bopilwego; ba di tšea, moperisita a eme kgorong le banna bala ba makgolo a selelago, ba ba bego ba itlhamile ka marumo a ntwa.
18
Ka gobane mola banna bala ba tsena ngwakong wa Mika, ba sa tšea seswantšho se se betlilwego, le kobjana, le ditaola, le seswantšho sa go bopša, moperisita, o ba rerile a re: Le hloma bjang?
19
Mme bona ba ba fetotše ba re: Homola, o sware molomo ka seatla, o tlo sepela le rena wa ba tatawešo le moperisita wa rena. Ka mo o fo ba moperisita wa lapa la motho o tee; kaone ke ge o eba moperisita wa setšhaba ka moka sa leloko la Isiraele.
20
Ke mo moperisita eo a beilego pelo, a tšea kobjana, le ditaola, le seswantšho se se betlilwego, a tla a ema le ba madira.
21
Ge ba goma moo, ba wela tsela, ba etiša bana pele le basadi, le dikgomo le diphahla.
22
Ya re ge ba šetše ba le kgole le lapa la Mika, banna ba ba bego ba agile ga gabo Mika, ba epša ba manama le ba ga Dani, ba fihla mo go bona.
23
Ge ba biletša, Badani ba retologa, ba botšiša Mika ba re: O hloma bjang o epile dira?
24
Yena a re: Le tšere medimo ya ka ye ke e dirilego, la tloga le moperisita wa ka. Ke sa šaletšwe ke eng? Bjale le sa re: O hloma bjang?
25
Banna ba ga Dani ba re: O se ke wa hlwa o re hlodia, gore o se tlo gahlana le banna ba sebefedi wa napa wa amogwa le bophelo bja gago le bja ba geno.
26
Ba realo ba ga Dani, ba tšea ka tsela ya bona. Mika ge a bona ba mo feta ka maatla, a boela gae.
27
Bona ba tloga le tše Mika a di dirilego, ba tloga le moperisita wa gagwe. Ba fihla ba hula motse wa Laisi, wa setšhaba se bego se iketlile, se se ne taba; ba se fetša ka bogale bja marumo, ba fiša motse ka mollo.
28
Go be go se monamoledi, ka gobane e be e le kgole le Basidoni, gomme ba gona ba be ba sa sepelelane le batho ba bangwe. Motse wa bona o be o le moeding wa Bethe-Rehobo. Badani ba tsošitše motse woo ba dula go wona.
29
Ba o rea leina, ba re ke Dani, ka leina la Dani tatabo, e a tswetšwego ke Isiraele. Kgaleng leina la motse woo e be e le Laisi.
30
Seswantšho sela Badani ba se hlomile, gomme Jonathane morwa Gerisone morwa wa Moshe, yena le barwa ba gagwe ya ba baperisita ba leloko la Dani, gwa ba gwa tla letšatši la go thopiwa ga ba lefase leo.
31
Ba be ba hlomile seswantšho sela se se dirilwego ke Mika, sa dula se le gona lebakeng ka moka la ge Ngwako wa Modimo o le kua Silo.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21