Micah 6

Sotho 1951 (BIBELE)

← Chapter 5 Jump to: Chapter 7 →

1Kwang se Morena a se bolelago; o re: Ema! Sekišana le ditšhaba, mme meboto e kwe lentšu la gago.

2Hee lena dithaba! Lena metheo ye e tiilego ya lefase, kwang kgang ya Morena! Morena o sekiša tšhaba sagwe, o fetolana le Isiraele.

3Wena setšhaba sa ka! Ke go dirileng? Ke go tenne kang? O ko mphetole.

4Ke go ntšhitše nageng ya Egipita. Ke go lopolotše o le kua ntlong ya bohlanka. Ke romile Moshe le Arone le Miryama ba go etapele.

5Wena setšhaba sa ka! Gopola Balaka kgoši yela ya Moaba, se a se rerilego, le se Bileama morwa wa Beoro a mmoletšego sona; le tša mola le etšwa Sithima, la ba la tsena Giligala. Di gopole o lemoge mabobo a Morena.

6Ke tlo ipega kang pele ga Morena, ke lobe Modimo wa godimo? A nka lebana nae ka didimo, ka mamane a ngwagola?

7Afa Morena a ka kgahlwa ke dikete tša dikgapa? Le makhura a elago boka noka tše diketekete a a ka mo kgahla? A nka lefa dikarogo ka morwake yo mogolo? Ka lefa mabobe a moya wa ka ka ngwana wa mmele wa ka?

8Hee wena motho! O boditšwe se e lego se sebotse, le se Morena a se nyakago go wena: Ke go dira toko, ke go rata botho; ke go sepela le Modimo wago o ne boipoetšo.

9Lentšu la Morena le bitša motse wo. Bohlale ke go šia ina la Morena. Kwang kgati, le yo a e beilego.

10A ntlong ya mosenyi go sa le mahumo a bohodu? A go sa le moelo wo o hlaswegago wa go kotobetša?

11A nka se sole ge go na le seelo sa go fora, le mokotlana wa kelo tša go ja moreki?

12Gobane bahumi ba gona ba bata šoro; batho ba motse wo ba bata maaka, mme leleme maganong a bona ke la go fora.

13Bjale le nna ke tlo go hlokofatša ka go otla, ka go šwalalanya ka baka la dibe tša gago.

14O tlo ja, mme wa se hore, mala a gago a šala le tlala. Ge o thopile, o ka se goroše. Le ge o ka goroša selo, ke tlo se gafela lerumo.

15O tlo bjala wa se bune; o tlo kgatla tlhware wa se tlole ka makhura, wa hlotla morara wa se o nwe.

16Ba lotola mekgwa ya Omiri; ka moka ke mediro ya moloko wa Ahaba. Le ya ka maano a bona. -- Bjale nna ke tlo go dira setšhošetši; baagi ba gago e tlo ba ba go kwerwa; mme kgobogo ya setšhaba sa ka e tlo le imela.

← Chapter 5 Jump to: Chapter 7 →