bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Romans 9
Romans 9
Sotho 1951 (BIBELE)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
1
Ke bolela therešo ka Kriste, ga ke bolele maaka; le letswalo la ka le ntlhatsela ka Moyamokgethwa,
2
ge ke re: Mo pelong ya ka ke na le bohloko bjo bogolo le nyamo ye e sa okobalego.
3
Ke re: Ge nka be ke kgona go phološa ba gešo, ba e lego metswalo ya gešo ka nama, ka kgona go ba phološa, nna ka no lahlwamoka ke se hlwe ke eba wa Kriste, nka be ke re: A nke ke lahlwe, go phologe bona.
4
Bona e lego Baisiraele, bona beng ba bokgomana le ba go retwa, beng ba dikgwerano, ba go fiwa Molao le morapelelo le dikholofedišo.
5
Ba ba nago le botatabo, go bao ka la nama go tšwilego yena Kriste, yena Modimo wa godimo ga tšohle, Moretwa wa mehleng le mehla. Amen.
6
Ge ke realo, ga se gore lentšu la Modimo le padile. Ke go re ba ba tšwago go Isiraele ga se Baisiraele ka moka ga bona.
7
Le gona ga se bana ba Aborahama ka moka ga bona; ga se peu ya gagwe bohle. Hleng go kile gwa thwe: Peu ya gago e tlo bitšwa ka Isaka.
8
Ke ra bao e lego bana ba gagwe ka nama, ga se bona bana ba Modimo; ba ba thwego Peu, ba bana ke kholofedišo.
9
Lentšu la kholofedišo ke lela la go re: Išago pakeno ke tlo boa; me Sara mosadi wa gago o tlo ba a na le ngwana wa lesogana.
10
Gomme ga se fao fela, le ka Rebeka di bile bjalo a le moima ka yena Isaka tata wešo.
11
Bana mola ba sešo ba belegwa, ba sešo ba dira botse le bobe, go bile bjalo, gore morero wa Modimo wa go itlhaolela o tie, e se be go ya ka mediro ya motho, e be se se tšwago pelong ya yena Mmitši.
12
Rebeka a botšwa gore: Mogolwane o tlo hlankela monnagwe.
13
Bjalo ka ge go ngwadilwe gwa thwe: Nna ke rata Jakobo; ge e le Esau ke mo tšwile.
14
Bjale re tlo reng? A ke go re mo go Modimo go na le go se loke? -- Ga go byalo.
15
Gobane o boletše le Moshe a re: Botho ke bo direla yo ke ratago go mo dira ka botho; mme ke gaugela yo ke mo gaugelago.
16
Ke gona, ga di diatleng tša motho e a rego: ke a rata, goba: ke a kitimela; di diatleng tša Modimo ge a gaugela motho.
17
Gobane lengwalo ge le ra Farao le re: Ke go beile gore ke bontšhe maatla a ka ka wena; gore leina la ka le bolelwe lefaseng ka moka.
18
Šedioge, o gaugela yo a ratago go mo gaugela; o retetša yo a ratago go mo retetša.
19
Bjale o tlo fetola wa re: Motho a sa beelwang molato? Gobane se Modimo a se ratago se ka šiteletšwa ke mang?
20
Aowii! O mang, wena motho, ge o re o ka sekiša Modimo? A sebopša se ka botšiša mmopi wa sona sa re: O be o reng ge o ntira selo se se bjalo?
21
A ga se mmopi e a laolago letsopa, sebja se se tumišwago le se se nyatšegago a di bopa ka letsopa le tee?
22
Bjale, ge Modimo a ratile go bonagatša bogale bja gagwe le go tsebatša maatla a gagwe, ke gore dibja tšeo tša go bonagatša bogale ka tšona, tše di diretšwego go senyega, o di neneketša ka pelotelelele.
23
A ga se gore a bonagatše lehumo la letago la gagwe ka dibja tšeo tša go bonagatša kgaugelo, tše a di lokišeditšego go tlo išwa letagong?
24
Ke borena bao, ba re biditšwego ke yena; a se bitše Bajuda fela, a bitša le bantle.
25
Ke tšona tše a di bolelago ka Hosea a re: Setšhaba sa Gasebaka ke tlo re: O setšhaba sa ka; Moseratwe ka re ke Moratwa.
26
Mo go bego go thwe, ga se setšhaba sa ka, ba tlo thwe: Ke bana ba Modimo a phelago.
27
Gomme Jesaya a hlaboša lentšu a era Baisiraele a re: Le ge setšhaba sago, wena Isiraele, se atile walešabašaba la lewatle, ba ba tlogo boa ke tšhalela fela.
28
Gobane Morena, tše a di boletšego, o tlo di dira a di phetha a di hlatlamanya ka toko mo lefaseng.
29
Jesaya o di boletše di sešo tša ba gona, a re: Go Morena wa mašaba a ka be a se re šiele mašalela a sego nene, re ka be re etša Sodomo, re ka be re dirilwe tša Gomora.
30
Re tlo reng bjalo? Re tlo re: Bantle ba ba bego ba sa phegelele toko; ba hweditše toko ka tumelo.
31
Ge e le Baisiraele, bona ba bego ba phegelela Molao wa toko, ga ba ka ba o fihlela, Molao woo.
32
Ba šitišitšwe ke eng? Ke ka gobane ba sa ka ba o phegelela ka tumelo; ba lekile ka mediro ya Molao, ba tla ba kgopša ke lebje la sekgopi.
33
Bjalo ka ge go ngwadilwe gwa thwe: Ke nna ke beago lebje la sekgopi, lewa la go ba wela. Fela, e a mo dumelago a ka se lewe ke dihlong.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
All chapters:
1
2
3
4
5
6
7
8
9
10
11
12
13
14
15
16