Song of Solomon 8

Sotho 1951 (BIBELE)

← Chapter 7 Jump to:

1Mola o ka be o le kgaetšedi ya ka wa go anywa tswele la mme, nka re mola ke go hwetša kua ntle, ka go atla, ka se ke ka nyadiwa.

2Nka be ke go hlahla ka go iša kua lapeng la mme, wa nthuta; nna ka go gela morara wo o tswakilwego, le todi ya dienywa tša ka.

3Tsogo la gago la ntsogošo le nthekgile hlogo, mme le letona la gago le nkgokaretše.

4Hee lena barwedi ba Jerusalema, ke a le eniša, le se ke la mo phafoša, lerato, le se ke la mo tsoša, a be a tsoge ka noši.

5Ke mang yola a rotogago lešokeng a ithekga ka moratwa wagwe? Ke go tsošitše o le tlase ga moremolewa, mo mmago a go belegego ka bohloko, mo motswadi wa go a go belegego ka bohloko.

6Mpoloke mo pelong ya gago bjalo ka palamonwana, bjalo ka leseka mo tsogong la gago; gobane lerato ke le maatla boka lehu; lehufa ke le thata bjalo ka bodulabahu; mollo wa lona ke wa magala a hlennego, ke mollo wa Morena.

7Lerato, le meetse a mantši ga a kgone go le tima; le dinoka di ka se ke tša le tšea. Le ge motho a re ke le reka ka thoto yohle ya ngwakong wa gagwe, o tlo nyatšega ruri.

8Re ne kgaetšedi ya rena ya lethumašana; yena yoo kgaetšedi ya rena, re tlo mo reng mohla woo a lošwago?

9Ge a ka etša morako, re ka mo tsemela magoro a tshipi e tshehla; ge a ka etša mojako, re ka mo tswalela ka dimati tša morokwana.

10Ge e le nna, ke morako, mabele a ka ke dibo di sa kgonegego. Mme yena o mpona ke le wa go batamelwa ka molao.

11Salomo o be a na le serapa sa merara Baali-Hamoni; a se gafela baletedi; gomme ka o tee ba mo tlela le sekete sa mašeleng a dienywa tša sona.

12Serapa sa ka sa merara, se e lego sa ka, sese pele ga ka. Wena Salomo, sekete sa mašeleng ke sa gago, le makgolo a mabedi a baleti ba dikenyo tša sona.

13Hee wena modulamašemong! Ba geno ba phafogetše ntšu la gago. A nke ke le kwe ge!

14Tšhabeša, wena moratwa wa ka! O etše phalana, namane ya tholo thabeng tša monko wa dinoko.

← Chapter 7 Jump to: