bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Shekhawati
/
Shekhawati
/
Hebrews 13
Hebrews 13
Shekhawati
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
1
भाईचारा का प्यार-परेम म बण्या रेह्ओ।
2
अर अणजाण की आवभगत करबो मना भूलज्यो, क्युं क अंय्यां करर कई मिनख अणभोळ म ईस्बर नगरी दुता की आवभगत करीं ह।
3
केदिआनै अंय्यां याद राखो जंय्यां थे बी बिकै सागै केद म रिह्या हो। अर जाकै सागै बुरो बरताव कर्यो गयो ह बाकी आ जाणर सुदी ल्यो क जंय्यां थे खुद पिड़ा म हो।
4
ब्या सगळा ताँई आदर की बात समजी जाणी चाए। अर ब्याईड़ा लूगाई मोट्यार एक दुसरा बेई पबितर रेह्वै, क्युं क परमेसर दुसरा लूगाई मोट्यार क सागै नाजायज समंद राखबाळा अर कुकरमीनै सजा देसी।
5
थारो सुभाव धन को लालची नइ होवै, अर जोक्युबी थारै कनै ह, बिमई सबर राखो, क्युं क परमेसर बोल्यो ह, “म तनै कदैई कोनी छोडूँ, अर कदैई कोनी तजूं।”
6
इ ताँई म्हें बेधड़क खेवां हां क, “परबु मेरी मदद करबाळो ह, म कोनी डरूँ; मिनख मेरो काँई बिगाड़ सकै ह?”
7
थे बा मुखियानै याद राखो जखा थानै परमेसर को बचन सुण्या हीं। अर ध्यानऊँ बाका चाल-चलन का फळनै देखर बाकी जंय्यांई बिस्वास करो।
8
ईसु मसी काल अर आज अर सदाई एकसो ह।
9
भात-भात की अणजाणी सीख की भंगर्या म मना आज्यो, क्युं क थारा हिया ताँई ओ चोखो ह क बे खाबा-पीबा का नियमा क बजाय दया की बजेऊँ मजबूत बणै। अर जखा खाबा-पीबा का नियमानै मान्या बाऊँ बाको कदैई भलो कोनी होयो।
10
आपणै कनै अंय्यां की बेदी ह जिकै उपर चढाईड़ा बलिदानानै खाबा की छुट बानै कोनी जखा पबितर तम्मू की सेवा करीं हीं।
11
म्हायाजक पबितर झघा म पापबली चढाबा ताँई जिनावरा को लोय तो लेर जावै ह, पण बा ज्यानबरा की लोथनै डेरा क परै बाळ दिओ जावै ह।
12
इ ताँई, ईसु मिनखानै आपका लोयऊँ पबितर करबा ताँई नगरी क बारनैई दुख भोग्यो।
13
जणा आओ आपाबी बिकी बेजतीनै लेर, डेरा क बारनै बिकन चालां।
14
क्युं क अठै आपणै ताँई सदाई रेह्बाळी नगरी कोनी, पण आपा तो बि आबाळी नगरीनै उडिकर्या हां।
15
इ ताँई आपा ईसु क जरिए परमेसरनै बडाई का बलिदान मतबल होठा का फळ जखा बिको नाम लेवीं हीं हमेसा चढावां।
16
अर भलाई करबो अर खुदकी चिजानै दुसरा क सागै बांटबो मना भूलज्यो। क्युं क परमेसर अंय्यां का बलिदानाऊँई राजी होवै ह।
17
थे थारा आत्मिक मुखिया प भरोसो करो अर बाकै बस म रेह्वो, क्युं क बे बाकी जंय्यां जानै लेखो देणो पड़ै ह थारा पिराणा ताँई जागता रेह्वै ह। अंय्यांई कर्या करो जिऊँ बाका काम थारै ताँई बोज नइ पण राजी होबा की बजे बणै। क्युं क बोज समज्या तो थारो क्युंई फाईदो कोनी होवै।
18
थे म्हारै ताँई अरदास करता रेह्वो। अर म्हानै पक्को बेरो ह क म्हारी अन्तर-आत्मा सुद ह। अर म्हें हरतर्याऊँ चोखी जिंदगी जिबो चावां हां।
19
म ओज्यु थारूँ बोळी अरदास कर खेऊँ हूँ क, थे अरदास कर्या करो, जिऊँ क म थारै कनै तावळोई आ सकूँ।
20
स्यांती देबाळो परमेसर थानै हर भली बात म भर्योपूरो करै। जिऊँ थे बिकी इंछ्या पूरी करो, अर ईसु मसी क जरिए आपणै मांयनै बी काम करै जंय्यां क बिनै चोखो लागै। परमेसर, आपणा परबु ईसुनै नइ मिटबाळा नया करार का लोय क जरिए मोतऊँ ओज्यु जीवायो जखो लल्ड्या को म्हान गुवाळ्यो ह। परमेसर की मेमा जुग-जुग ताँई होती रेह्वै। अंय्यांई होवै।
22
ओ मेरा लाडला बिस्वास्यो, म थारूँ अरदास करूं हूँ क थे आ हिमत बंधाबाळा बचना प चालो, क्युं क म थानै थोड़ीई बाता मांडी ह।
23
अर म चाऊँ हूँ क थानै खबर लागै क आपणो बिस्वासी भाई तिमूतियूस छुटगो ह। अर ज बो तावळोई मेरै कनै आसी जणा म बी बिकै सागै थारूँ मिलबा आस्युं।
24
मेरै कानिऊँ थारा सगळा मुखियानै अर परमेसर का मिनखानै नमस्कार बोलज्यो। इटली म रेह्बाळा पबितर मिनख थानै नमस्कार खयां हीं।
25
थारै सगळा प परमेसर की दया होती रेह्वै।
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
All chapters:
1
2
3
4
5
6
7
8
9
10
11
12
13
Recommended Reading
Commentary
Hebrews Commentaries
→
Devotional
Hebrews Devotional Guide
→
Get This Bible
Shekhawati Study Bible
→