bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Shekhawati
/
Shekhawati
/
Hebrews 6
Hebrews 6
Shekhawati
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 7 →
1
इ ताँई आओ आपा मसी की सरूआती सीखनै छोडर स्याणा बणबा ताँई आगै बढता रेह्वां। अर आपानै ओज्यु बाई बाता म नइ पड़्यो रेह्बो चाए जखी बाता आपा सरूआत म सीखी ही जंय्यां क मोत कानि लेज्याबाळा करमाऊँ हियो फेरबो अर परमेसर प बिस्वास करबो,
2
सुद होबा का रिती-रिवाजा की सीख, सीर प हात धरबो, मरेड़ा को ओज्यु जिबो अर आखरी न्याय।
3
ज परमेसर चायो तो आपा अंय्यांई करस्यां।
4
क्युं क जखा मिनखनै एकर परमेसर को ज्ञान मिलगो, जखो ईस्बर नगरी का बरदाना को सुवाद चखलिओ, जखो पबितर आत्मा को संगरो कर लिओ,
5
अर परमेसर का बचना की भलाई अर आबाळा जुग की उपरी सक्तियानै जाणग्यो ह।
6
जणा ज अ मिनख भटक जावै जणा आ मिनखा को हियो फेर'र ओज्यु परमेसर का गेला प ल्याबो बोळो ओखो ह, क्युं क बे परमेसर का बेटानै खुद ताँई ओज्यु सुळी चढावीं अर चोड़ै-धाड़ै बिको तमासो बणावीं हीं।
7
क्युंक झाड़्या अर काटा उगाबाळी जमीन बेकार अर परमेसर कानिऊँ सरापित ह अर आखरी म आगऊँ जळाई जावै ह। पण उपळी जमीन प मी को पाणी बार-बार बरसै ह अर जमीन बि पाणीनै पीर किसान ताँई चोखी फसल उगावै ह अर बिनै परमेसर को आसिरबाद मिलै।
9
लाडलो, म्हें अंय्यां बोलर्या तो हां पण म्हानै बिस्वास ह क थारै सागै छुटकारा क बारां म ओर बी चोखो-चोखो होवै।
10
परमेसर अन्याय करबाळो कोनी। क्युं क थारा कामानै अर परमेसर का मिनखा की मदद कर जखो परेम थे बिका नामऊँ दिखाया अर दिखार्या हो बिनै परमेसर कदैई कोनी भूलै।
11
म्हारी तो आई दिली इंछ्या ह क थे हरेक जणा आखीर ताँई इ लगनऊँ काम करता रेह्वो, जिऊँ थारी आस पूरी होज्यावै।
12
क्युं क म्हें आ कोनी चावां क थे आळसी बणो, पण म्हें आ चावां हां क थे बा मिनखा किसी चाल चालो जखा बिस्वास अर थ्यावसऊँ बा बाता का वारिस हीं जाको करार परमेसर कर्यो हो।
13
परमेसर जद अब्राहमऊँ करार करर्यो हो, जणा बठै परमेसरऊँ बडो कोई कोनी हो, जिकी सोगन खाई जा सकै ही जणा परमेसर खुदकी सोगन खार
14
बोल्यो, “पक्काई म तनै आसिरबाद देस्युँ अर तनै निरी आस-ओलाद देस्युँ।”
15
जणा अब्राहम थ्यावस क सागै इ करारनै उडिक्यो अर परमेसर को करेड़ो करार पूरो होयो।
16
मिनखा म तो ओ चलन ह क बे आपऊँ बडा की सोगन खावै ह। अर अंय्यां कर सोगन खाबाळो आपकी बातनै सची साबित करै ह अर आ सोगन सगळी बहसनै खतम कर देवै ह।
17
सोगनऊँ परमेसर बिका करार का पाँतीवाळ मिनखानै ओ साप-साप दिखाबो चावै हो क बिको बादो कदैई कोनी टळै। अंय्यां बो सोगनऊँ करारनै पुक्तो कर्यो।
18
जणा अठै नइ बदलबाळी दो बाता ह, बिको बादो अर बिकी सोगन जाकै बारां म परमेसर कदैई झूठ कोनी बोल सकै। इ ताँई परमेसर की सरण म आबो आपानै बोळी हिमत बंधावै, जिऊँ आपा आपणै सामै धरेड़ी परमेसर का करेड़ा वादा क पूरो होबा की आसनै, मजबूती क सागै लगाए राखां।
19
आपणी आ आस बि निम का भाठा की जंय्यां ह जखी आपणा हियानै थाम्यो राखै जिऊँ आपणो बिस्वास नइ हालै। अर आपणी आस की बजेऊँई आपा अंय्यां का हां मानो आपा परमेसर की बि झघा म बड़गा जिमै खाली म्हायाजकई बड़ सकै ह जखी परदाऊँ ढकेड़ी ही।
20
जठै आपणा कानिऊँ ईसु मसी आपणाऊँ पेली गयो। अर बो मिलिकीसिदक की रीत गेल सदा-सदाई को म्हायाजक बणगो।
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 7 →
All chapters:
1
2
3
4
5
6
7
8
9
10
11
12
13