bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
2 Timothy 2
2 Timothy 2
Tulu (ಪೊಸ ಒಡಂಬಡಿಕೆ)
← Chapter 1
Jump to:
Chapter 1
Chapter 2
Chapter 3
Chapter 4
Chapter 3 →
1
ಎನ ಮಗೆ ಆದುಪ್ಪು ತಿಮೋಥಿ, ಈ, ಕ್ರಿಸ್ತ ಯೇಸುಡು ಉಪ್ಪು ದಯೊಟು ಬಲ ಪಡೆಲ.
2
ದಿಂಜ ಸಾಕ್ಷಿಲೆ ಎದುರು ಈ ಎನಡ್ದ್ ಕೇಂಡಿನ ಬೋಧನೆಗ್ ಸರಿಯಾದ್ ಬೇತೆ ಜನೊಕುಲೆಗ್ ಬೋಧನೆ ಮಲ್ಪೆರೆ ಸಾಮರ್ಥ್ಯ ಇತ್ತಿ ನಂಬಿಕೆದ ನರಮಾನಿಲೆಗ್ ಅವೆನ್ ಒಚ್ಚಿದ್ ಕೊರ್ಲ.
3
ಕ್ರಿಸ್ತ ಯೇಸುನ ಎಡ್ಡೆ ಸೈನಿಕನಂಚ ಎನಡೊಪ್ಪ ಕಷ್ಟೊನು ತಾಳೊನ್ಲ.
4
ಲಡಯಿಗ್ ಪೋಪಿನ ಸೈನಿಕೆ ಈ ಲೋಕದ ಬೊಡ್ಚಾವಂದಿನ ಕೆಲಸೊಲೆಡ್ ಸೇರಂದೆ ತನನ್ ದಂಡ್ಗ್ ಸೇರಾಯಿನಾಯನ್ ಮೆಚ್ಚಾವು ಲೆಕ್ಕ ಪ್ರಯಾಸ ಬರ್ಪೆ ಅತ್ತಾ?
5
ಅತ್ತಂದೆ ಏರಾಂಡಲಾ ಓಟದ ಸ್ಪರ್ಧೆಡ್ ಪಾಲ್ ದೆತ್ತೊಂದು, ಐತ ನಿಯಮೊನು ಪಾಲನೆ ಮಲ್ತಿಜೆಡ ಆಯಗ್ ಕಿರೀಟ ತಿಕ್ಕಂದ್.
6
ಭಂಗ ಬರ್ಪಿ ಬೆನ್ನಿದಾಯಗ್ ಬೆನ್ನಿದ ಫಲೊಟು ಸುರುತ್ತ ಪಾಲ್ ತಿಕ್ಕೊಡು.
7
ಯಾನ್ ಪನ್ಪಿನೆನ್ ಆಲೋಚನೆ ಮಲ್ಪುಲ, ದಾಯೆಗಂದ್ಂಡ ಈ ಮಾತ ಸಂಗತಿಲೆನ್ ತೆರಿಯೊನಿಯೆರೆ ಕರ್ತವೆ ನಿಕ್ಕ್ ಸಹಾಯ ಮಲ್ಪುವೆ.
8
ಸೈತಿನಾಕುಲೆಡ್ದ್ ಲಕ್ಕಿನಾಯೆಲಾ ದಾವೀದ್ ಸಂತಾನದಾಯೆಲಾ ಆದುಪ್ಪು ಯೇಸು ಕ್ರಿಸ್ತನ್ ನೆನೆಪು ಮಲ್ತೊನ್ಲ. ಉಂದೇ ಯಾನ್ ಸಾರಿಯುನ ಸುವಾರ್ತೆ ಆದುಂಡು.
9
ಬೊಕ್ಕ ಯಾನ್ ಈ ಸುವಾರ್ತೆ ಸಾರಿನೆಡ್ದ್ ದಿಂಜ ಭಂಗ ಬತ್ತಿನಾಯೆ ಆದ್ ದುಷ್ಕರ್ಮಿಲೆಕ್ಕ ಸಂಕಲೆಡ್ ಉಲ್ಲೆ, ಆಂಡ ದೇವೆರೆ ಪಾತೆರೊಗು ಬಂಧನ ಇಜ್ಜಿ.
10
ಅಂಚಾದ್ ದೇವೆರ್ ಅಜತ್ದಿನಾಕುಲು ಎನ ಒಟ್ಟುಗು ಕ್ರಿಸ್ತ ಯೇಸುಡುಪ್ಪು ರಕ್ಷಣೆನ್ ನಿತ್ಯ ಮೈಮೆದೊಟ್ಟುಗು ಹೊಂದೊಡು ಅಂದ್ದ್ ಯಾನ್ ಅಕ್ಲೆಗಾದ್ ಮಾತೆನ್ಲಾ ತಾಳೊನ್ವೆ
11
ಈ ಪಾತೆರ ನಂಬಿಕೆದವು ದಾನೆಂದ್ಂಡ: ನಮ ಆಯ ಒಟ್ಟುಗು ಸೈತ್ ಪೋಪಡ, ಆಯ ಒಟ್ಟುಗು ಬದುಕುವ.
12
ನಮ ಭಂಗೊನು ತಾಳೊನ್ವಡ, ಆಯ ಒಟ್ಟುಗು ಆಳುವ. ಬೊಕ್ಕ ನಮ ಯೇಸುನು ಆರೆಂಜುವಡ, ಆಯೆಲಾ ನಮನ್ ಆರೆಂಜುವೆ,
13
ನಮ ಆಯಗ್ ಅಪನಂಬಿಕೆದಾಕುಲು ಆದಿತ್ತ್ಂಡಲಾ ಆಯೆ ನಂಬಿಗಸ್ತೆ ಆದುಲ್ಲೆ, ದಾಯೆಗಂದ್ಂಡ ಆಯೆ ತನ ಸ್ವಭಾವೊಡು ಬದಲಾಪುಜೆ.
14
ಈ ಸಂಗತಿಲೆನ್ ಮಾತೆರೆಗ್ ನೆನೆಪು ಪುಟ್ಟಾಲ, ಕೇನುನಾಕುಲೆಗ್ ತೊಂದರೆ ಆಪಿನತ್ತಂದೆ, ವಾ ಪ್ರಯೋಜನೊಗ್ಲಾ ಬರಂದಿ ತರ್ಕೊಲೆನ್ಲಾ ಮಲ್ಪೆರೆ ಬಲ್ಲಿ ಅಂದ್ದ್ ಅಕ್ಲೆಗ್ ದೇವೆರೆ ಸನ್ನಿಧಿಡ್ ಅಪ್ಪಣೆ ಕೊರ್ಪೆ.
15
ಈ ದೇವೆರೆ ದೃಷ್ಟಿಡ್ ಮೆಚ್ಚಿಗೆದಾಯೆ ಆದ್ ತೋಜಿದ್ ಬರಿಯೆರೆ ಪ್ರಯಾಸ ಮಲ್ಪುಲ. ನಾಚಿಗೆಗ್ ಗುರಿ ಆವಂದಿಲೆಕ್ಕಲಾ ಸತ್ಯದ ಪಾತೆರೊನು ಸರಿಯಾದ್ ಬೋಧನೆ ಮಲ್ಪುನಾಯೆಲಾ ಆದುಪ್ಪುಲ.
16
ಲೋಕದ ಹರಟೆ ಪಾತೆರೊಲೆಗ್ ದೂರ ಆದುಪ್ಪುಲ. ದಾಯೆಗ್ ಪಂಡ್ಂಡ ಅಂಚಿನ ಪಾತೆರೊಗು ಮನಸ್ ಕೊರ್ಪಿನಾಕುಲು ಹೆಚ್ಚೆಚ್ಚಾದ್ ಭಕ್ತಿದಾಂತಿನಾಕುಲಾದ್ ಪೋಪೆರ್
17
ಇಂಚಿನ ವ್ಯರ್ಥ ಪಾತೆರೊಲು ಗಾಯದಲೆಕ್ಕ ಗಜೆಲೊಂದು ಪರಡುಂಡು. ಅಂಚಿತ್ತಿನಾಕುಲೆಡ್ ಹುಮೆನಾಯೆಲಾ ಪಿಲೇತೆಲಾ ಉಲ್ಲೆರ್.
18
ಮೊಕುಲು ಸತ್ಯದ ಸಾದಿನ್ ಬುಡ್ದು ಸೈತಿನಾಕುಲು ಲಕ್ಕುನವು ಆದ್ ಪೋಂಡು ಪನೊಂದು ಕೆಲೆವೆರೆನ ನಂಬಿಕೆನ್ ಹಾಳ್ ಮಲ್ತೊಂದುಲ್ಲೆರ್.
19
ಆಂಡಲಾ ದೇವೆರೆ ಬುನಾದಿ ಸ್ಥಿರ ಆದ್ ಉಂತುದುಂಡು. ಬೊಕ್ಕ, “ಕರ್ತವೆ ತನ್ನಾಯೆ ಪನ್ಪಿನೆನ್ ತೆರಿದೆ. ಕರ್ತವನ ಪುದರ್ನ್ ಅರಿಕೆ ಮಲ್ಪುನ ಮಾತೆರ್ಲಾ ಅನ್ಯಾಯೊನು ಬುಡ್ದು ಬುಡೊಡು,” ಅಂದ್ದ್ ಐಟ್ಟ್ ಬರೆತಿನ ಉಂಡು.
20
ಮಲ್ಲ ಇಲ್ಲಡ್ ಬೊಳ್ಳಿ ಬಂಗಾರ್ದ ಬಾಜನೊಲು ಮಾತ್ರ ಅತ್ತಂದೆ ಮರತ ಬಾಜನೊಲು ಬೊಕ್ಕ ಮಣ್ಣ್ದ ಬಾಜನೊಲು ಉಪ್ಪುಂಡು. ಐತ ಕೆಲವು ಬಾಜನೊಲು ಎಡ್ಡೆ ಬಳಕೆಗ್ಲಾ ಕೆಲವು ಸಮಾನ್ಯ ಬಳಕೆಗ್ಲಾ ಬರ್ಪುಂಡು.
21
ಅಂಚಾದ್ ಒರಿ ಹಾಳ್ ನಡತೆದಾಯನ ಸಹವಾಸೊನು ಬುಡ್ದು ತನನ್ ಶುದ್ಧ ಮಲ್ತೊಂಡೆಡ ಆಯೆ ಎಡ್ಡೆ ಬಳಕೆಗ್ ತಕ್ಕದಾಯೆ ಆದುಪ್ಪುವೆ. ಆಯೆ ದೇವೆರೆ ಸೇವೆಗ್ ಒಚ್ಚಿದ್ ಕೊರ್ತಿನಾಯೆ ಆದ್ ತನ ಯಜಮಾನಗ್ ಪ್ರಯೋಜನದಾಯೆಲಾ, ಮಾತ ಎಡ್ಡೆ ಕಾರ್ಯೊಲೆನ್ ಮಲ್ಪೆರೆಗ್ ತಯಾರಾದುಪ್ಪುವೆ.
22
ಜವ್ವನ ಪ್ರಾಯದ ಇಚ್ಚೆಲೆಡ್ದ್ ದೂರ ಇತ್ತ್ದ್, ನೀತಿನ್, ನಂಬಿಕೆನ್, ಪ್ರೀತಿನ್ ಸಮಾಧಾನೊನು ಸಂಪಾದನೆ ಮಲ್ಪೆರೆಗಾದ್ ಶುದ್ಧ ಉಡಲ್ಡ್ದ್ ಕರ್ತವನ್ ಅರಿಕೆ ಮಲ್ಪುನಾಕುಲೆಡೊಪ್ಪ ಈಲಾ ಪ್ರಯತ್ನ ಮಲ್ಪುಲ.
23
ಬುದ್ಧಿದಾಂತಿ ವ್ಯರ್ಥ ತರ್ಕೊಲು ಅವು ಲಡಯಿಗ್ ಕಾರಣಾದುಂಡು ಪನ್ಪಿನೆನ್ ಈ ತೆರಿದ್ ಐತ ಸುದ್ಧಿಗ್ ಪೋವಡ.
24
ಕರ್ತವ ಸೇವಕೆ ಲಡಯಿ ಮಲ್ಪಂದೆ, ಮಾತೆರೆಗ್ ದಯ ತೋಜಾವುನಾಯೆಲಾ, ಬೋಧನೆ ಮಲ್ಪೆರೆ ತಕ್ಕದಾಯೆಲಾ, ತಾಳ್ಮೆಡ್ ಉಪ್ಪುನಾಯೆಲಾ ಆದುಪ್ಪೊಡು.
25
ಎದುರುಂತುನಾಕುಲೆನ್ ನಿಧಾನೊಡು ತಿದ್ದುನಾಯೆ ಆದುಪ್ಪೊಡು. ಒಂಜಿ ವೇಳೆ ದೇವೆರ್ ಎದುರುಂತುನಾಕುಲೆನ ಮನಸ್ನ್ ತನ ಕಡೆಕ್ಕ್ ತಿರ್ಗಾದ್ ಅಕ್ಲೆಗ್ ಸತ್ಯದ ಗೇನೊನು ಕೊರಿಯೆರೆ ಯಾವು.
26
ಸೈತಾನನ ಬಲೆಟ್ ತಿಕೊಂದು ಒಂಜಿ ವೇಳೆ ಮೊಕುಲು ತಪ್ಪಾವೊಂದು ದೇವೆರೆ ಚಿತ್ತದ ಪ್ರಕಾರ ಸ್ವಸ್ಥ ಬುದ್ಧಿಗ್ ಬರಿಯೆರೆ ಯಾವು.
← Chapter 1
Jump to:
Chapter 1
Chapter 2
Chapter 3
Chapter 4
Chapter 3 →
All chapters:
1
2
3
4
Recommended Reading
Commentary
2 Timothy Commentaries
→
Devotional
2 Timothy Devotional Guide
→
Get This Bible
Tulu (ಪೊಸ ಒಡಂಬಡಿಕೆ) Study Bible
→