bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tsonga
/
Tsonga Xitsonga (Bibele) 1929
/
Exodus 22
Exodus 22
Tsonga Xitsonga (Bibele) 1929
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 23 →
1
“Loko munhu a yiva homu kumbe xinyimpfana, kutani a swi tlhava kumbe a swi xavisa, u ta riha homu hi ntlhanu wa tihomu, ni xinyimpfana hi mune wa swinyimpfana.
2
“Loko khamba ri khomiwa ri ri karhi ri boxa ri yiva, kutani ri dlawa, a ku na nandzu wa ngati eka loyi a ri dlayeke;
3
kambe loko ri dlayiwa ri xile, mudlayi u ta va ni nandzu wa ngati. Loko ri ri khamba, ri ta riha; loko ri pfumala, ri ta xavisiwa ku riha ku yiva ka rona.
4
Loko xilo lexi yiviweke xi kumiwa emavokweni ya yena ha hanya, hambi yi ri homu, hambi mbhongolo, hambi xinyimpfana, u ta swi riha kambirhi.
5
“Loko munhu a dyisele nsimu, hambiloko yi ri ya vhinya kutani a tshike tihomu ta yena ti dya nsimu ya un'wana; u ta riha hi leswinene swa nsimu ya yena ni swa vhinya ya yena.
6
“Loko ritshwa ri hisa mitwa, ri tlulela ensin'wini ya munhu, ri hisa mavele; la lumekeke nhova u ta hakela leswi nga tshwa hinkwaswo.
7
“Loko munhu a nyika warikwavo mali, kumbe swigotso ku swi hlayisa; kutani swi yiviwa endlwini ya yena; loko khamba ri kumiwa, ri ta riha kambirhi.
8
Loko khamba ri nga kumiwi, n'wini wa yindlu u ta tisiwa emahlweni ka Xikwembu ku hlambanya leswaku a nga yivangi xuma xa warikwavo.
9
“Loko yi ri mhaka yihi ni yihi ya nandzu wa homu, kumbe wa mbhongolo, kumbe wa xinyimpfana, kumbe wa nguvu, hambi wu ri wa xilo lexi lahlekeke, loko va ku: hi xona hakunene; ku tenga ka vanhu lavambirhi ku ta yisiwa eka Xikwembu; loyi Xikwembu xi vulaka leswaku u ni nandzu, u ta rihela warikwavo kambirhi.
10
“Loko munhu a vekisa eka warikwavo mbhongolo, kumbe homu, kumbe xinyimpfana, hambi xi ri xifuwo xin'wana ku xi hlayisa, kutani xi fa, kumbe xi tshoveka xiro, kumbe xi yiviwa, xi nga voniwi hi munhu,
11
ku hlambanya eka Yehovha ku ta va kona exikarhi ka vanhu lavambirhi, ku ta tiviwa xana a nga ni yivanga swifuwo swa warikwavo; n'wini wa xona u ta pfumela ku hlambanya, kutani a nga ka a nga riheriwi ha nchumu.
12
Kambe loko xifuwo xi yiviwile, u ta rihela n'wini wa xona.
13
Loko xi dlayiwile hi swivandzana, u ta humesa marhambu ya xona ku tilandzula; a nga ka a nga rihi lexi dlayiweke.
14
“Loko munhu a lombile xifuwo eka warikwavo, kutani xi tshuka xi tshoveka xiro, kumbe xi fa, n'wini wa xona a nga ri kona, u ta riha.
15
Loko n'wini wa xona a a ri kona, a nga ka a nga xi rihi; loko xi lombiwile hi hakelo, u ta humesa hakelo leyi ntsena.
16
“Loko munhu a kanganyisa wanhwana, loyi a nga siki vutiwaka, kutani a etlela na yena, u fanele ku n'wi teka, a humesa ni ndzovolo ya yena.
17
Loko tata wa wanhwana a ala ku n'wi nyika yena, u ta riha hi mali leyi nyikiwaka vanhwanyana loko va tekiwa.
18
“U nga tshuki u tshika mungoma wa wansati a hanya.
19
“Un'wana na un'wana la etlelaka ni xifuwo u ta dlawa.
20
“La gandzelaka swikwembu swin'wana ehandle ka Yehovha, u ta dlawa.
21
“U nga tshuki u xanisa wamatiko, hikuva na n'wina a mi ri vamatiko etikweni ra Egipta.
22
Mi nga tshuki mi xanisa wansati wa noni, hambi xi ri xisiwana xa n'wana.
23
Loko u va xanisa, kutani va ndzi khongela, ndzi ta va yingisa kunene, kutani ndzi ta kariha, ndzi mi dlaya hi tlhari;
24
vasati va n'wina va ta va tinoni, ni vana va n'wina va ta va swisiwana.
25
“Loko u lomba wa tiko ra mina, wa xisiwana, loyi nga eka wena, u nga tshuki u n'wi endla hi ku n'wi dyelela; mi nga tshuki mi n'wi lomba hi hakelo.
26
“Loko u teke nguvu ya warikwenu hi ku langutela nandzu wa yena, u ta yi tlherisa, dyambu ri nga swi pela;
27
hikuva a nga na xifunengelo xin'wana; hi wona nkumba wa yena wo funengela, u ta funengela ha yini xana? Kutani loko a ndzi khongela, ndzi ta n'wi yingisa, hikuva ndzi ni tintswalo.
28
“U nga tshuki u sandza Xikwembu xa wena, nakambe u nga tshuki u rhukana hosi ya ka rikwenu.
29
“U nga tshuki u hlwela ku humesa nhlengo wa leswi teleke enguleni, ni wa leswi kamiweke etimbiteni. U ta ndzi nyika mativula ya vana va wena.
30
U ta endlisa sweswo hi homu ya wena, ni nyimpfu ya wena; swi ta tshama ni vamana wa swona hi masiku ya ntlhanu na mambirhi; hi siku ra vuntlhanu na manharhu, u ta ndzi nyika swona.
31
“Mi ta va vanhu lava hlawuriweke eka mina; mi nga dyi nyama leyi dyiweke enhoveni hi swivandzana, mi ta yi cukumetela timbyana.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40