bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tsonga
/
Tsonga Xitsonga (Bibele) 1929
/
Exodus 4
Exodus 4
Tsonga Xitsonga (Bibele) 1929
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 5 →
1
Kutani Muxe a hlamula a ku: “Kambe va nga ka va nga pfumeri, va nga ka va nga yingisi rito ra mina, hikuva va ta ku: ‘Yehovha a nga tikombisangi eka wena.’ ”
2
Yehovha a ku eka yena: “Ncini lexi xi nga evokweni ra wena xana?” A ku: “I nhonga.”
3
Kutani Yehovha a ku: “Yi hoxe hansi,” a yi hoxa ehansi, kutani yi hundzuka nyoka, kutani Muxe a yi balekela.
4
Kavaloko Yehovha a ku eka Muxe: “Tshambuluta voko ra wena, u yi khoma hi ncila.” (Kutani Muxe a tshambuluta voko a yi khoma, kutani yi hundzuka nhonga evokweni ra yena.)
5
“U ta endlisa sweswo va ko va pfumela leswaku Xikwembu xa vatata wa vona, Xikwembu xa Abrahama, Xikwembu xa Isaka, Xikwembu xa Yakobo, xi tikombisile eka wena.”
6
Yehovha a engeta, a ku eka yena: “Nghenisa voko ra wena exifuveni xa wena, kutani a nghenisa voko ra yena exifuveni,” loko a ri humesa, a vona voko ra yena ri basile hi nhlokonho, kukota gamboko.
7
Kutani Xikwembu xi ku: “Tlherisa voko ra wena exifuveni,” kutani a ri tlherisa exifuveni; loko a ri humesa a ri vona ri hundzukile, ri fana ni miri wa yena.
8
“Kungakuloko va nga pfumeri ka wena, va nga yingisi timhaka ta xikombiso lexo rhanga, va ta pfumela timhaka ta xikombiso xa vumbirhi.
9
Kutani loko va nga pfumeri swikombiso leswimbirhi, va nga yingisi ni rito ra wena, u ta ya u ka mati ya nambu, u ma halatela ehansi, mati lawa u ma keke enambyeni, ma ta hundzuka ngati emisaveni.”
10
Kutani Muxe a ku eka Yehovha: “Yo! Wena Hosi, a ndzi munhu la tivaka ku vulavula swinene, hambi ku ri tolo, ni le tolweni, hambi ku ri loko u sungurile ku vulavula ni nandza wa wena; hikuva ndzi munhu wa nomu wo tika, ni ririmi ro nonon'hwa.”
11
Kutani Yehovha a ku eka yena: “I mani la endleke nomu wa munhu? Kumbe i mani la endlaka munhu mbheveve, kumbe lowo fa tindleve, kumbe la vonaka, kumbe lowo fa mahlo? Xana a hi mina Yehovha?
12
Famba sweswi, ndzi ta va ni nomu wa wena, ndzi ku dyondzisa leswi u nga ta swi vulavula.”
13
Muxe a ku: “Aa! Hosi, rhuma loyi u rhandzaka ku n'wi rhuma.”
14
Kutani Yehovha a karihela Muxe, a ku: “A u na makwenu Aroni, wa Mulevhi xana? Ndzi tiva leswaku yena u vulavula swinene; ni sweswi hi loyi a taka ku hlangana na wena, kutani loko a ku vona u ta tsaka embilwini ya yena.
15
U ta vulavula na yena, u veka marito enon'wini wa yena, kutani ndzi ta va ni milomu ya n'wina, ndzi mi dyondzisa leswi mi nga ta swi endla.
16
U ta va muvulavuleri wa wena eka tiko, ni nomu wa wena, wena u va ematshan'weni ya Xikwembu eka yena.
17
Kutani u ta tamela nhonga leyi evokweni ra wena, u endla xikombiso ha yona.”
18
Muxe a famba a tlhelela eka Yetro, mukon'wana wa yena, a ku eka yena: “Ndzi pfumelele ndzi tlhelela eka rikwerhu, eEgipta, ku ya va kamba loko va ha hanya.” Yetro a ku eka Muxe: “Famba hi ku rhula.”
19
Kutani Yehovha a ku eka Muxe, le tikweni ra Midiyani: “Famba u tlhelela eEgipta hikuva vanhu lava ngi va lave ku ku dlaya va file.”
20
Kavaloko Muxe a teka nsati wa yena, ni vana va yena, a va khandziyisa embhongolweni, a tlhelela etikweni ra Egipta. Kutani Muxe a teka nhonga ya Xikwembu evokweni ra yena.
21
Kambe Yehovha a ku eka Muxe: “Eku tlheleleni ka wena eEgipta, vona masingita hinkwawo lawa ndzi vekeke wona emavokweni ya wena u ta ma endla emahlweni ka Faro; kambe mina ndzi ta nonon'hwisa mbilu ya yena leswaku a nga pfumeleli tiko ku famba.
22
Kutani u ta ku eka Faro: ‘Yehovha u te: Israele i n'wananga wa mativula,
23
ndzi ri eka wena: Tshika n'wananga, a ya ndzi tirhela; kambe loko u ala ku n'wi tshika a famba, ndzi ta dlaya n'wana wa wena wa mativula.’ ”
24
Kute endleleni loko va ri endlwini ya vaendzi, Yehovha a hlangana na Muxe, a lava ku n'wi dlaya.
25
Hilaha Sipora a tekaka ribye ro kariha, a yimbisa n'wana wa yena, a khumba hi nyama ya yena milenge ya Muxe, a ku: “Kunene, eka mina u nuna wa ngati.”
26
Kutani Yehovha a n'wi tshika; hikwalaho Sipora a ku: “Nuna wa ngati,” hikwalaho ka ku yimba.
27
Kutani Yehovha a ku eka Aroni: “Famba, u ya hlangana na Muxe emananga.” Aroni a suka a ya n'wi kuma entshaveni ya Xikwembu, a n'wi ntswontswa.
28
Kavaloko Muxe a rungulela Aroni marito hinkwawo ya Yehovha hilaha a n'wi rhumeke hakona, ni swikombiso hinkwaswo leswi a n'wi leriseke swona.
29
Kutani Muxe na Aroni va famba, va ya hlengeleta vakulukumba hinkwavo va vana va Israele.
30
Aroni a va byela marito hinkwawo lawa Yehovha a ma byeleke Muxe, a endla ni swikombiso emahlweni ka tiko.
31
Kutani tiko ri pfumela; va twa leswaku Yehovha u endzele vana va Israele, ni leswaku u langutile ku xaniseka ka vona; kavaloko va khinsama, va korhame hansi.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40