Numbers 36

Tsonga Xitsonga (Bibele) 1929

← Chapter 35 Jump to:

1Veni va tindlu ta vana va Giliyadi, n'wana Makiri, n'wana Manase, exikarhi ka tindlu ta vana va Yosefa, va tshinelela, kutani va vulavula emahlweni ka Muxe ni le mahlweni ka tihosi, va nga vafumi va tindlu ta vana va Israele va ku:

2“Yehovha u lerisile hosi ya hina ku avela tiko hi vuhlolotwana eka vana va Israele yi va ndzhaka ya vona, na swona hosi ya hina yi lerisiwile hi Yehovha ku nyika ndzhaka ya Selofihada, makwerhu, eka vana va yena va vanhwanyana.

3Kungakuloko va tekiwa hi n'wana wa nyimba yin'wana ya vana va Israele, ndzhaka ya vona yi ta hungutiwa endzhakeni ya vatata wa vona, kutani yi ta ya engetela ndzhaka ya nyimba leyi va nga ta tekiwa eka yona, kambe yi ta hungutiwa endzhakeni ya hina.

4Kutakuloko ku fika Jubili eka vana va Israele, ndzhaka ya vona yi ta ya engetela nyimba leyi va tekiweke eka yona, kambe ndzhaka ya vona yi ta hungutiwa endzhakeni ya nyimba ya vatata wa hina.”

5Kavaloko Muxe a byela vana va Israele! Hi ku lerisa ka Yehovha, a ku: “Nyimba ya vana va Yosefa yi vula swona.

6Yehovha a lerisa sweswo emhakeni va vana va Selofihada: ‘Va ta tekiwa hi lava va va rhandzaka; kambe va ta tekiwa emindyangwini ya nyimba ya vatata wa vona,

7leswaku ndzhaka ya vana va Israele yi nga tshuki yi sukela nyimba yin'wana ku nghena eka yin'wana; vana va Israele va ta namarhela un'wana ni un'wana endzhakeni ya nyimba ya vatata wa yena.

8Kutani wanhwana un'wana ni un'wana la nga ni ndzhaka etinyimbeni ta vana va Israele, u ta tekiwa hi nuna wa yindlu ya nyimba ya tata wa yena, leswaku vana va Israele va tshama un'wana ni un'wana ni ndzhaka ya tata wa yena.

9Ndzhaka yin'wana yi nga tshuki yi sukela nyimba ku yisiwa eka yin'wana; hikuva tinyimba ta vana va Israele ti ta namarhela, yin'wana ni yin'wana endzhakeni ya yona.’ ”

10Vana va Selofihada va endla hilaha Yehovha a leriseke Muxe hakona;

11Mahela, na Tirisa, na Hogila, na Milika, na Nowa, vana va Selofihada, va tekiwa hi vana va vakokwana va vona.

12Va tekiwa emindyangwini ya vana va Manase n'wana Yosefa, kutani ndzhaka ya vona yi tshama enyimbeni ya yindlu ya tata wa vona.

13Hi yona milawu ni ku lerisa loku Yehovha a nyikeke vana va Israele hi Muxe, erivaleni ra Mowabu, ekusuhi na Yordani, na Yeriko.

← Chapter 35 Jump to: