1 Chronicles 3

Umbundu Bible (Embimbiliya - Bíblia Sagrada em Umbundu)

← Chapter 2 Jump to: Chapter 4 →

1Omãla va Daviti, vo citilua ko Hevirone, vava: uveli waco Aminone, inaye Ahinoama u Yesirele; wavali Daniele, inaye Avigaile u Karimele;

2watatu Avisalome, inaye Maaka omõla a Talimai, Soma ya Gesiuri, wakuãla Adoniya, inaye Hagiti;

3watãlo Sefatiya, inaye Avitala; wepandu Yitireama, inaye Egila, ukãi wa Daviti.

4Epandu liaco lio citilua ko Hevirone, haiko a viala anyamo epanduvali kolosai epandu. Ko Yerusalãi wa vialako akuĩ atatu kanyamo kanyamo atatu.

5Ava vo citilua ko Yerusalãi, vava: Simea la Siovava la Natana la Salomone, kakuãla kavo inavo Batisuwa, omõla a Amiyele.

6Kuenda Yivihare la Elisiama la Elifelete,

7la Noga la Nefege la Yafa,

8la Elisiama la Eliada, kuenda Elifelete, vosi yavo ecea.

9Ava vosi omãla va Daviti, kuenda wa kala vali lomãla vovakama vaye. Tamare, eye mukãi wavo.

10Omõla a Salomone, Rehovama. Omõlaye Aviya, omolaye Asa, omolaye Yehosafata,

11omolaye Yorama, omolaye Ahasiya, omolaye Yoasi,

12omolaye Amasiya, omolaye Yotama,

13omolaye Ahasi omolaye Hesekiya, omolaye Manase,

14omolaye Amone, omolaye Yosiya.

15Omãla va Yosiya, vava: Yohanana uveli waco, wavali Yehoyakimi, watatu Sedekiya, wakuãla Sialume.

16Omãla va Yehoyakimi, Yekoniya omolaye, Sedekiya omolaye.

17Omãla va Yekoniya, omandekua, vava: Sialatiyele omolaye,

18kuenda Malikirama la Pedaya la Senacara la Yekamiya la Hosiama kuenda Nedabiya.

19Omãla va Pedaya, Seruvavele la Simei. Omãla va Seruvavele, Mesiulama la Hananiya, la mukãi wavo Selomiti,

20kuenda Hasiuva la Ohele la Berekiya la Hasadiya la Yusava Hedede, vatãlo.

21Omãla va Hananiya, Pelatiya la Yesiaya, lomãla va Refaya, lomãla va Ariname, lomãla va Ovadiya, lomãla va Sekaniya.

22Omãla va Sekaniya, Semaya. Omãla va Semaya vava: Hatusi la Yigala la Bariya la Neariya la Siafata, epandu.

23Omãla va Neariya vava: Eliyoenai la Hisikiya la Asirikama, vatatu.

24Omãla va Eliyoenai vava: Hodaya la Eliasivi la Pelaya la Akuve la Yohanana la Delaya kuenda Anani, epanduvali.

← Chapter 2 Jump to: Chapter 4 →