bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Corinthians 6
1 Corinthians 6
Umbundu Bible (Embimbiliya - Bíblia Sagrada em Umbundu)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 7 →
1
Nda umue pokati kene o kuete ondaka lukuavo, o lukuta hẽ oku tuala ondaka yaco koku tetuluiwa lava havakuesungako, okuti koku tetuluiwa lolosandu hakoko?
2
Ka wa kũlĩhili okuti olosandu ovio vi laika oku tetuluila oluali? Kuenje, nda oluali lu tetuluiwa lene, ko tẽla hẽ oku kũlĩhisa evi vititotito?
3
Ka wa kũlĩhilivo okuti tu tetuluila ovangelo? Nda oco he, siti ovina viomuenyo ulo wetimba ca piãla vali?
4
Oco, nda wu kuete olondaka ndovio, nye vu vi tualela kuava ka va sumbiwile vekongelo?
5
Ndi ci popela oku vu kutisa osõi. Pokati kene ka pali nga ndaño umosi o kuete olondunge vioku tetuluila vamanjaye,
6
te okuti ukuetavo o sombisila ukuavo kovaso ava havakuetavoko?
7
Okuliyalela kuaco akanga kua lomboloka okuti kesunga wa yuliwi. Ka ca velelepo hẽ oku lingiwa lãvi? Ka ca velelepo hẽ oku liwa?
8
Puãi ene muẽle wu linga lãvi kuenje vu lia lia, kuenje vaco va liwa vamanjene muẽle.
9
Ka wa kũlĩhili okuti olondingaĩvi ka vi piñala usoma wa Suku? Ko ka kembiwi. Ndaño vakuokahonga, ndaño vakuaviteka, ndaño vava va lala lakãi vamãle, lalume va lisokisa lakãi, lalume vakuakulala lalume,
10
lovimunu, la vakuacipululu, loloholua, la vakuakuimbula, lolondiandia, ka va piñala usoma wa Suku.
11
Ene puãi, vamue pokati kene, osimbu, wa kaili lovituwa viaco. Puãi, wa sukuiwi, wa lingiwi olosandu kuenje wa tendiwi nda vakuesunga vonduko ya Ñala Yesu Kristu lo ve Espiritu lia Suku yetu.
12
Nẽla oku linga ovina viosi, puãi haviosiko vi kuatisa. Ocili nẽla oku linga ovina viosi, puãi ndaño cimosi, si tava okuti ci njula.
13
Okulia kua sovuilua imo. Imo lia sovuilua okulia. Haimo lumue, ndaño okulia, ndaño imo, Suku o vi nyõla kavali kavio. Etimba ka lia sovuiluilue ukahonga, lia sovuilua Ñala, kuenje Ñala wa sesamela etimba.
14
Suku wa pindula Ñala, kuenje o tu pindulavo lunene waye.
15
Ka wa kũlĩhili okuti atimba ene ovimatamata via Kristu? Oco hẽ, nyañula ovimatamata via Kristu loku vi lingisa ovimatamata viocipuepue? Oco hacoko.
16
Ele ka wa kũlĩhili okuti u o litokeka locipuepue o linga laye etimba limosi? Momo ca sonehiwa okuti, Kavali kavo va linga etimba limosi.
17
Puãi u o litokeka la Ñala o linga laye espiritu limosi.
18
Tili ukahonga. Akandu osi akuavo omunu a linga ka a kasi vetimba, te ukuokahonga eye o lingila etimba liaye muẽle ekandu.
19
Ka wa kũlĩhili hẽ okuti etimba liene onembele ye Espiritu Sandu, u o kasi volonũlo viene, haeye wa tambuli ku Suku? Ka wa lifukili ene muẽle,
20
wa landiwi londando ya lua. Oco, tumbangiyili Suku vatimba ene.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 7 →
All chapters:
1
2
3
4
5
6
7
8
9
10
11
12
13
14
15
16