bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Jeremiah 3
Jeremiah 3
Umbundu Bible (Embimbiliya - Bíblia Sagrada em Umbundu)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 4 →
1
Ndi va pula siti, Umue nda o nyãla ukãi waye kuenje eye ukãi wo sia ha lingi ukãi wulume ukuavo, ulume o tiukila vali kokuaye? Oco hẽ ofeka yaco ka yi liñisua enene? Ove wa linga ukahonga lolombaisi via lua, haimo o tiukila kokuange? Oco ca pula Yehova.
2
Vanja kolomunda! Ku li nga oku kua pekelisililue? Kolonjila wa va lavakaila ndocingumba vekalasoko. Wa vĩhĩsa ofeka yosi lupuepue wove wa vĩha.
3
Oco ombela yohalula ka ya lokelele, ndaño ombela yakupupu. Haimo o kasi lupolo wukahonga, lopo osõi ku kuete.
4
Kua fetikile hẽ ndopo oku nukula huti, A tate, akamba liutila wange,
5
o tema ño hũ, o patekela ño onyeño toke kesulilo?— Tala! Ndaño wa popia ndoco haimo wa linga ovina viosi vĩvi ndeci wa tẽla.
6
Koloneke viosoma Yosiya Yehova wa mula hati, Wa mõla eci ca linga ukualukonyo Isareli? Wa londa kolomunda viosi yu wa lingila ukahonga vemẽhi lioviti viosi,
7
kuenje nda simile siti, Eci a mala oku linga ovina evi viosi o laika oku tiuka kokuange, puãi ka tiukile; kuenje manjaco, Yuda ohembi, wa ci mõla.
8
Ndaño wa mõla okuti Isareli ukualukonyo ndo nyalela ukahonga, loku wĩha emẽla liupu, haimo manjaco, Yuda ohembi, ka kuatele ohele puãi wa enda, wa lingavo ukahonga.
9
Oco, omo ukahonga waye ka wo tukuĩle utima, oco ofeka yosi ya vĩhĩsua kuenje eye wa pekela lovawe kuenda loviti.
10
Yehova hati, Haimo manjaco, Yuda ohembi, ka tiukile kokuange lutima waye wosi, te lelimbi.
11
Oco Yehova wa popia lame hati, Isareli ukualukonyo wa lilekisa okuti hĩse, Yuda puãi wa piãla kuhembi.
12
Ku ende, ka vilikiyile ko Norte olondaka evi huti, A Isareli, Okualukonyo, tiuka. Siu ku vanji vali lonyeño. Oco ca popia Yehova. Omo ndukuahenda, oco si patekela ño-o onyeño. Oco ca popia Yehova.
13
Cimosi lika, litavela olohole viove ndomo wa lueyela Yehova Suku yove, kuenje wa tungayaila lingualulu vamẽhi oviti viosi via pulika, kuenje kua tavele kondaka yange. Oco ca popia Yehova.
14
Yehova wa popia hati, Amãla vakualukonyo, tiuki, momo ame cime cene. Njupa kimbo umue kimbo umue, kepata vavali kepata vavali, kuenje ndu u tuali ko Siono.
15
Ndu wĩhi ovangombo vakuotima wange ha vo tekuli lolondunge kuenda ukũlĩhĩso.
16
Yehova wa linga hati, Noke eci vu licita kuenda wa lui vofeka, oco voloneke viaco ka va ka tukola vali ocikasa covisila ca Yehova, ka va ci sololola vali, ka va ci ivaluka vali, ka va ci kuatela vali ongeva, ka va ci tungi vali.
17
Koloneke viaco va tukula Yerusalãi vati, Ocalo ca Yehova, kuenje olofeka viosi vi likongelelamo. Vi likongelela vo Yerusalãi londuko ya Yehova. Ka va lingi vali lokusiva kuovitima viavo vĩvi.
18
Koloneke viaco epata lia Yuda li litokeka lepata lia Isareli ha va endela kumuamue, kuenje va tundila kumuamue vofeka yoko Norte ha va iñila vofeka nda ihĩle vakukululu yavo oco va piñalĩsemo omãla vavo.
19
Nda simile siti, Hu kapa pokati komãla vange, kuenje hu ihã ofeka ya posoka ocipiñalo ca piãla, okuti evi violofeka viosi vikuavo vi sule. Nda similevo siti, O nukula huti, Tate, kuenje ku liweka oku ñuama. Puãi, anjo ya Isareli, ndeci ukãi ukualukonyo a sia veyaye haico ove wa ngu sia. Oco ca popia Yehova.
20
Ondaka ya yevalela kolomunda violupele oyo yokulila lokusukoka kuomãla va Isareli, momo va pambuka vonjila yavo kuenje va ivala Yehova Suku yavo.
21
Amãla volukonyo, tiuki. Ame ndu sakuli olukonyo luene. Tala, tueya kokuove omo ove vu Yehova, ove Suku yetu.
22
Ocili eyuala liokovivulu ka li sumũlũisa; ndaño esakelo likolomunda ka li kuatisa. Ocili, eyovo lia Isareli li kasi ku Yehova Suku yetu.
23
Akutisasõi a lia upange wa vaisietu tunde kutĩla wetu, a lia olohombo kuenda olomeme viavo kumue lolongombe viavo, a liavo omãla vavo valume kuenda omãla vavo vakãi.
24
Tu pekeli posi losõi yetu, tu lisikĩlĩli akutisasõi etu, momo tua lingile ekandu Yehova Suku yetu, etu la vaisietu tunde kutila wetu toke ketali lilo. Ka tua tavele kondaka ya Yehova Suku yetu.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52