bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Jeremiah 38
Jeremiah 38
Umbundu Bible (Embimbiliya - Bíblia Sagrada em Umbundu)
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 39 →
1
Siefatiya, omõla a Matana, kuenda Sedaliya, omõla a Pasihuri, kuenda Yukala, omõla a Sielemiya, la Pasihuri, omõla a Malikiya, va yeva olondaka Yeremiya a popia lomanu vosi, hati,
2
Ca popia Yehova ceci, hati, U o siala vimbo o fa losipata, pamue lonjala, pamue lefengi; puãi u enda loku lieca ku va Kaldea o kala lomuenyo, kuenje omuenyo waye o kala lawo ndohuate yovita, o kala muẽle lomuenyo.
3
Ca popia Yehova ceci, hati, Ocili imbo lilo li eciwa ku Soma ya Bavulono kuenje eye o li kuata.
4
Oco olombuale via popia la Soma, viti, Tu ku pinga tuti, Tava okuti omunu u ipaiwa, momo poku popia olondaka ndevi o tepulula ongusu yovaka asualali va siala vimbo lilo, leyi yovaka omanu vosi. Momo omunu u ka yongola oku linga ciwa omanu valo te oku va linga cĩvi.
5
Soma Sedekiya wa kumbulula hati, Tala, o kasi peka liene momo Soma ka tẽla oku tamãlãla lene.
6
Oco va kuata Yeremiya, kuenje vo wimba vocisimo ca Malakiya, omõla a Soma, ca kala vocitali colomandekua covelombe. Va lowisa Yeremiya lovikolo. Vocisimo caco ka mua kaile ovava te onata, kuenje Yeremiya wa vomba vonata.
7
Kaliye Evede-Meleke u Etiopia, eye enuku haeye kalei kovonjo ya Soma, eci a yeva okuti va kapa Yeremiya vocisimo,— Soma wa kala oku tumãla vombundi ya Benjamini,—
8
oco Evede-Meleke wa tunda vonjo ya Soma, wa ka sapuila Soma hati,
9
A ñala yange, A Soma, omanu ava va linga uprofeto Yeremiya cĩvi calua, vo linga cĩvi muẽle omo vo wimba vocisimo kuenje o laika oku filamo lonjala, momo ka mũlĩ vali ombolo vimbo.
10
Oco Soma wa tuma Evede-Meleke u Etiopia hati, Kuende lalume vatatu, kope Yeremiya vocisimo osimbu ka file.
11
Oco Evede-Meleke wa enda lalume vaco kuenje wa iñila vonjo ya Soma. Vociseleko cimue cuwalo wopamo ovindambu vimue kuenda uwalo umue wa kuka, kuenje wa vi lowisa vocisimo ku Yeremiya.
12
Evede-Meleke wa sapuila Yeremiya hati, Kapa ovindambu evi kuenda uwalo wa kuka kovikolo volohapia viove, kuenje Yeremiya wa ci linga.
13
Oco va koka Yeremiya lovikolo kuenje vo wupa vocisimo caco. Kuenje Yeremiya wa siala vocitali colomandekua covelombe.
14
Soma Sedekiya wa tumila Yeremiya kuenje wa lisanga laye kuvelo watatu woku iñilĩla vonjo ya Yehova. Kuenje Soma wa popia la Yeremiya hati, Hu pula epulilo, ku ka ndimbike cimue.
15
Oco Yeremiya wa popia la Sedekiya hati, Nda hu sapuila ocili siti o tuma oku njipãla? Kuenje ndaño hu lungula ove ku njevelela.
16
Oco Soma Sedekiya wa lisila la Yeremiya uyombeki hati, Ndeci a kasi lomuenyo Yehova u wa tu fuimila omuenyo, si ku ipaya, siu ku eci povaka ava va sanda omuenyo wove.
17
Oco Yeremiya wa popia la Sedekiya hati, Ca popia Yehova Ukualohoka, Suku ya Isareli, ceci, hati, Nda o tava oku lieca kolombuale via Soma ya Bavulono omuenyo wove u popeliwa, kuenje imbo lilo ka li yokiwa londalu, love lepata liove, vosi vu kala lomuenyo.
18
Puãi nda ku tava oku lieca kolombuale via Soma ya Bavulono, oco imbo lilo li eciwa ku va Kaldea kuenje va li yoka londalu. Love ku puluka peka liavo.
19
Soma Sedekiya wa popia la Yeremiya hati, Ñasi lusumba wa va Yudea vana va yomboloka oku lieca ku va Kaldea sanga ngeciwa kokuavo kuenje va ndinga cĩvi.
20
Puãi Yeremiya hati, Ku eciwa kokuavo. Oco cilo, tava kondaka ya Yehova eyi mopia love kuenje ci kala ciwa love, lomuenyo wove u popeliwa.
21
Puãi nda ku tava oku lieca, tala, ocinjoinjoi Yehova wa ndekisa ceci,
22
Nda mõla akãi vosi va siala vonjo ya Soma ya Yuda okuti va kasi loku upiwamo loku eciwa kolombuale via Soma ya Bavulono. Kuenje akãi vaco va popia vati, Akamba vove va koleliwa va ku kemba loku ku lingisa, kuenje cilo, omo olomãi viove via fa vonata, oco va ku sia.
23
Akãi vove vosi lomãla vove vosi vopiwa loku eciwa ku va Kaldea. Love muẽle ku puluka peka liavo puãi wambatiwa leka lia Soma ya Bavulono. Limbo lilo li yokiwa londalu.
24
Oco Sedekiya wa popia la Yeremiya hati, Lomue ka ka kũlĩhe olondaka evi kuenje ku fi.
25
Nda olombuale vi yeva okuti nda vangula love kuenje viya kokuove loku popia love, viti, Tu sapuile eci wa popia la Soma leci Soma a popia love. Ku ka tu sitikile cimue kuenje ka tu ku ipa,—
26
oco popia lavo huti, Nda livondela ku Soma siti, Ku ka niuwiye konjo ya Yonatana sanga filako.—
27
Oco olombuale viosi vieya ku Yeremiya, kuenje vio pula. Eye wa vi kumbulula ndeci Soma o lungula. Oco va liweka oku popia laye, momo ondaka yaco ka ya yevalele.
28
Oco Yeremiya wa kala vocitali colomandekua covelombe toke keteke Yerusalãi ya kuatiwa.
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 39 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52