bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Jeremiah 50
Jeremiah 50
Umbundu Bible (Embimbiliya - Bíblia Sagrada em Umbundu)
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
1
Ondaka ya Yehova yoku imbila owanji Bavulono, haiyo ofeka ya va Kaldea, yeya kuprofeto Yeremiya, yiti,
2
Ci sapuili pokati kolofeka, imbi oluiya. Iki epandela, imbi oluiya. Ko ka ci uhili, popi hoti, Bavulono ya kuatiwa, Bele wa kutisiwa osõi. Merodaka wa teyiwa, loviñumañuma viaye via kutisiwa osõi, kuenda oviteka viaye via teyiwa.
3
Momo ko Norte ku tunda omanu va katukila Bavulono. Va lingisa ofeka yaye elunda. Lomue o tungamo vali. Vosi va tila, lomanu lovinyama.
4
Yehova hati, Koloneke viaco kuenda kotembo yaco, oco va Isareli la va Yuda va likongela kuenje va enda loku lila, va sanda Yehova Suku yavo.
5
Va pula pula onjila yoko Siono loku imbako ovaso, vati, Enjui, tu tiukili ku Yehova, tu lisili laye ocisila ka ci pui haico ka civaliwa vali.
6
Omanu vange va linga ndolomeme via nyẽlela. Ovangombo vavo va va lueyisa, va va tungayaisa kolomunda. Va ñuala ñuala ño, vava kolomunda, vava koviwulu, ocimanga cavo va ci ivala.
7
Vosi va va sanga va va lia. Ovanyali vavo va linga vati, Ka tu kasi longole momo ovo muẽle va lingila akandu Yehova ocimanga cavo cocili, va lueyela Yehova elavoko liolosekulu viavo.
8
Tili vo Bavulono, tundi vofeka ya va Kaldea, lingi ndovitupi vi pita pita kovaso yocunda.
9
Momo, ota, ñasi loku votola loku katuila Bavulono olofeka vialua vinene. Vi tunda ko Norte kuenje viu lialekela. Vo wupa kocitumãlo caye. Ovisongo viavo vi linga ndesualali lia loñolõha okuti ka vi tiuka upolokoso.
10
Kaldea o pundiwa, vosi vo punda ve kuta. Oco ca popia Yehova.
11
Ene wa pundi pundi ocipiñalo cange, yeveleli! Ndaño wa sanjuki, ndaño wa yoleli, ndaño vu tomboaka ndonema yi kosa kosa owangu, kuenda vu fembula ndotuvalu tua pama,
12
haimo cinene o kala losõi yalua, u wa ku cita o kutisua muẽle osõi, o linga kuasula kuolofeka, o lingavo ekalasoko lia kukuta hailio ekango.
13
Omo onyeño ya Yehova yalua Bavulono ka kuata olonungi puãi o linga muẽle ekalasoko. Vosi va pitako va komõha, vo wenyela apute aye, vati, Ka co muile.
14
Ene vosi wakualohonji, lialekeli Bavulono kolonele viosi. Wasi. Ko ka soleki ovisongo. Momo eye wa lingila Yehova akandu.
15
U vilikiyili kolonele viosi, hoti, Wa lieca. Olombonge viaye via kupuka lovimbaka viaye via ulumuha. Omo eli olio efetuluinyo lia Yehova, oco u fetuluinyi. Ndeci a linga haico vu u lingavo.
16
Upi ko Bavulono u imba ombuto, kuenda u o talavaya lomĩla kotembo yoku ungula. Omo osipata yu o kangisa yi kasi pokati kavo oco va tiukila, omunu lomunu ku vangandiaye, kuenje vosi va tilila, omunu kofeka yavo, omunu kofeka yavo.
17
Isareli ya soka ndomeme ya lupuisua lolohosi. Tete, Soma ya Assuria yo lia, kaliye kesulilo Nevukandesa, Soma ya Bavulono, wa takĩla akepa aye.
18
Oco, ca popia Yehova Ukualohoka, Suku ya Isareli, ceci, hati, Tala, njambula Soma ya Bavulono kuenda ofeka yaye ndeci nda yambula Soma ya Asuria.
19
Nena vali Isareli vocunda caye, kuenje o lila ko Karemeli lo ko Basiane. Utima waye u kutila kovivulu via Efarimi kuenda vo Gileada.
20
Koloneke viaco kuenda kotembo yaco vo Isareli va vanjiliya evĩho puãi ka va li sangi, kuenje vo Yuda va vanjiliya akandu puãi ka va a sangi. Momo ngecela akandu ava ndi va sia ndocisupe. Oco ca popia Yehova.
21
Katukila ofeka ya Meratayi kuenda olonungi via Pekode. Va ponda loku va nyõla pe. Linga cosi nda ku sapuila. Oco ca popia Yehova.
22
Vofeka mũ lĩ onjuela yocilunga, mũ lĩvo ekandu lialua.
23
Omalatelo yoluali luosi ya nyõlẽha haiyo ya tetoka! Bavulono wa linga ukualuhimo luvi lu yokokisa olofeka.
24
A Bavulono, nda ku tela onjanjo, yu wa kuatiwa kuenje kua ci limbukile. Wa sangiwa kuenje wa kuatiwa omo wa tamãlãila Yehova.
25
Yehova wa yulula onjo yaye yoku seleka ovimãlẽho kuenje wopamo ovimãlẽho vionyeño yaye. Momo Yehova, Suku Ukualohoka, o kuete upange woku linga vofeka ya va Kaldea.
26
Tundi kolonele viosi oku u katukila. Yululi olosila viaye. U longeki ndolondunda violomema. U nyõli olumue. Ka ku ka siale cimue caye.
27
Ipayi olonui viaye viosi, vi loñe ño vepondelo. Ngongo yavio, momo eteke liavio lieya, haiyo otembo yeyambulo liavio.
28
Yeveleli! Va kasi loku tila ale. Va kasi loku puluka kofeka ya Bavulono ha va sapuila vo Siono ndeci Yehova Suku yetu a fetuluinyila onembele yaye.
29
Kongeli Bavulono vakualohonji, u kongeli vosi va nãla ohonji. U ñualĩsi ocilombo cocingonja. Layimue onungi yaye ka yi ka puluke. Lingi laye eci ca soka lovilinga viaye. Ndevi viosi a linga haivio vu u lingilavo, momo wa lipandela Yehova, U o kola wa Isareli.
30
Oco eteke liaco akuenje vaye va kupukila vovila, lasualali vaye vosi va kunduiwa. Oco ca popia Yehova.
31
Yehova, Suku yolohoka, wa linga hati, Ove, okuakulisola, tala, ame hu wenguila ema momo eteke liove lieya. Otembo yange yoku ku yambula ya pitila.
32
Ukuepela o likonjoka kuenje o kupuka, lu u pindulako ka ku kala. Njimba ondalu vovaimbo aye, kuenje yi lia vosi vo ñuala.
33
Ca popia Yehova Ukualohoka ceci, hati, Va Isareli kuenda va Yuda va talisilua kumosi ohali. Vosi va vambata umandekua va va kuata, ka va tava oku va eca.
34
Onjovoli yavo ya pama, onduko yaye Yehova Ukualohoka. Eye o va popela ondaka yavo okuti ilu lieve o li muisa ombembua. Olonungi via Bavulono puãi o vi sakalaisa.
35
Yehova wa popia hati, Asipata, veta va Kaldea, veta muẽle olonungi via Bavulono, lolombuale viaye, kuenda vakualondunge vaye.
36
Asipata, veta ovimbanda, okuti vi linga aveke. Asipata, veta asualali vaye, okuti va nyolẽha.
37
Asipata, veta otuvalu tuaye lakalu aye ovita. Veta asualali va tunda kolofeka viñi viñi oku iya kokuaye. Va veta okuti va linga ndakãi. Asipata, veta ovipako viaye okuti vi pundiwa.
38
Acitenya, veta olondui viaye, okuti vi kukuta. Momo oyo ofeka yoviñumañuma, kuenje va piãla enene oku kolela oviteka.
39
Oco, vo Bavulono mu kala ovinyama via tema kuenda olombulu. Olombo laviovo vi kalamo. Ka mu kala vali omanu. Ka mu tungiwa vali toke kovitumbulukila viosi.
40
Ndeci ca kaile, eci Suku a nyõla Sodoma kuenda Gomora lovaimbo a lisungue lao, haico ci kala la Bavulono. Lomue o tungamo, lomue omunu o kalamo.
41
Tala, omanu va kasi loku tunda ko Norte. Ofeka yinene lolosoma via lua vi kasi loku katuka kasulilo o kilu lieve.
42
Va mãlẽha ohonji kuenda onjelia, olongangala, lohenda ka va kuete. Onjuela yokuiya kuavo ya soka ndokuõla kuokalunga. Va endela kotuvalu. Va wala ndeci ci wala wala asualali. Va ku katukila ove, amõla a Bavulono ukãi.
43
Osoma ya Bavulono ya yeva okuiya kuavo kuenje ovaka aye a pua ongusu. Ocinjoko co kuata kuenda olongembia ndevi viukãi o kasi loku cita.
44
Tala, ndi va lupuisa kokuaye ocipikipiki ndeci ohosi yi tunda vovisitu via Yordão kuenje yi lupuisa ocunda. Ñapa ndombiali yaye wosi nda nola. Momo helie wa lisoka lame? Heli o numĩla? Helie ungombo o tela oku talama kovaso ange?
45
Oco, yevi eci Yehova a sokiyila Bavulono leci a sokiyila ofeka ya va Kaldea. Ndaño otumeme tuovocunda tuambatiwa. Ovipanga viatuo vi kala upolokoso.
46
Ongongo yi lulumila onjuẽla yokukuatiwa kua Bavulono, kuenje uteto waye u yevala kolofeka.
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52