bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Jeremiah 49
Jeremiah 49
Umbundu Bible (Embimbiliya - Bíblia Sagrada em Umbundu)
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
1
Owanji wa imbiwila va Amone. Ca popia Yehova ceci, hati, Isareli he ka kuete omãla valume, ka kuete hẽ kapiñala? Ci kasi ndati okuti Milikome wa tambula ofeka ya Gadi? Ceya ndati okuti vakuefendelo liaye va tunga vovaimbo aco?
2
Oco, tala, ku iya oloneke okuti njevalisa Raba, ombala ya va Amone, evilikiyo liovita. Yi sialaño elunda liovingululu, lovikanjo viayo vi yokiwa londalu. Oco noke Isareli o kuata ava vo kuatele. Oco ca popia Yehova.
3
A Hesivone, lila momo Hai lia papuluiwa! Ene amãla va Raba akãi, liteteli! Wali ovikẽlei loku lisiõsiõla. Ñuali ñuali pokati kalumbo. Momo Milikome enda umandekua, enda kumue lovitunda viaye kuenda olombuale viaye,
4
Amõla ukãi, okualukonyo, haive wa kolela ovipako viove, huti, Helie o ñatukila?— nye o lipandiyila olomaka viove?
5
Tala, hu nenela eci ci ku yokokisa. Ci tunda kuava vosi va ku ñuala. Kuenje vosi yene vu tundisiwa. Vosi, omunu omunu, vu loñaño kovaso, kuenje lomue o sialapo ha kongi ava va tila. Oco ca popia Yehova Ukualohoka.
6
Puãi noke numbulula esumũlũho lia va Amone. Oco ca popia Yehova.
7
Owanji wa imbiwila Edome. Ca popia Yehova Ukualohoka, ceci, hati, Vo Temane nga ka muli vali olondunge? Alungulo a vakualondunge hẽ a imũha? Olondunge viavo nga via takata?
8
Alonungi vio vo Dedani, tili. Tiukili, salami vovitililo. Momo eci ndu yambuli ndu neneli ohali ya Esau.
9
Vakuakupunda ayuva hẽ nda va ku iyilĩla ka va si ovisakaita vimue? Ovingumba nda vi ku iyilila uteke, ka vivi lika evi vi tẽla oku ambata?
10
Puãi Esau ndo lula muẽle pe, nda situlula oviwundilo viaye viosi okuti ka tẽla oku salama. Eye muẽle lomala vaye, kuenda vangandiaye, lava va lisungue laye, vosi va nyõlẽha pe.
11
Sia olosiwe viove, ame ndi vi kalisa lomuenyo. Ovimbumba viove vi ñolẽle.
12
Momo, ca popia Yehova ceci, hati, Tala, nda ava ka va sesamẽlẽle oku nyua okopo va yi nyua, ove hẽ, ku yambuiwa? Ku puluka eyambulo, o nyua muẽle.
13
Momo nda lisila ame muẽle okuti Bosara yi kuata oluhimo luvi lu yokokisa vosi, haiyo yi yoliwa epembe, yi siñaliwa kuenje yi linga elunda. Ovaimbo ayo osi a linga ño-o hũ alunda. Oco ca popia Yehova.
14
Nda yeva ondaka ya tunda ku Yehova, kuenje omunga ya tumiwila pokati kolofeka oku laleka omanu, yiti, Liongololi. U katukili. Votokeli ocilunga.
15
Momo, tala, nda ku kapa ndu o sule pokati kolofeka. O pembuiwa lomanu.
16
Ove wa tunga valeva ovawe, haive o likasilili kolonumbuko violomunda, unene wove woku yokokisa kuenda epẽla liovutima wove via ku liaña. Ndaño wa tunga ocanju cove kilu, ndocanju congonga yulombo, haimo haiko hu ulumula. Oco ca popia Yehova.
17
Edome yi kuata oluhimo lũvi lu yokokisa. Wosi o pitako o yokoka, kuenje o yola epembe ayambulo ayo.
18
Ndeci ca pita la Sodoma, kuenda Gomora, lovaimbo a lisungue lao eci a nyõlẽha, haico ci pita laye. Lomue o tungamo, ka mu kala muẽle ndaño omunu umosi.
19
Momo ndi va lupuisa kokuaye ocipikipiki ndeci ohosi yi tunda vovisitu via Yordão kuenje yi lupuisa ocunda. Ñapa ndombiali yaye wosi nda nola. Momo helie wa lisoka lame? Helie o numila?
20
Helie ungombo o tẽla oku talama kovaso ange. Oco, yevi eci Yehova a sokiyila Edome leci a sokiyila olonungi via Temane. Ndaño otumeme tuovocunda tu ambatiwa. Ovipanga viatuo vi kala upolokoso.
21
Ongongo yi lulumila oku kupuka kuatuo. Uteto watuo u yevala toke ko Kalunga Kakusuka.
22
Tala, kuiya umue o votoka kuenje o pãlãla ndongonga yulombo, o tandavasaila Bosara avava aye. Eteke liaco ovitima viasualali va Edome vi linga ndutima wukãi o kasi lolongembia vioku cita.
23
Owanji wa imbiwila Damasko. Hamata la Aripade va saluka omo va yeva ondaka yivi. Ovitima viavo viambuka. Va sakalala ndokalunga ka ka tẽla oku tulumuha.
24
Damasko wa tepuluka ongusu. Wa ñualãpo oku tila puãi ocilulumu co kuata. Asakalalo lolongembia vio sanga, ndevi viukãi o kasi loku cita.
25
Imbo lia kemalele, hailio lia kaile lesanju, cilo lia yandulukiwa.
26
Oco akuenje valio va kupukila vovila vialio, lasualali valio vosi va kunduiwa keteke liaco. Oco ca popia Yehova Ukualohoka.
27
Vocimbaka ca Damasko njimbamo ondalu, kuenje yi lia elombe lia Ben Hadada.
28
Owanji wa imbiwila Kedare kuenda ovosoma a Hacore, ana Nevukandesa, Soma ya Bavulono, a nyõla. Ca popia Yehova ceci, hati, Votoki, katukili Kedare. Ka nyõli omanu vokutundilo.
29
Olonjo viavo loviunda viavo vi pundiwa, ndaño olonanga viavo lovikuata viavo viosi. Olongamelo viavo vi ambatiwa, kuenje omanu va va vilikiya, vati, Kolonẽle viosi kuli lika eci ci yokokisa.
30
Yehova wa linga hati, Alonungi via Hacore, tili. Tungayali kupãla, salami vakalasoko. Momo Nevukandesa, Soma ya Bavulono, wo tumbiki ongombo, kuenje wa panga oku u lingi civi.
31
Kuenje Yehova wa linga hati, Votoki! Katukili ofeka ya liuwulapo, haiyo ya sima hati, Tua koka. Ka yi kuete olombundi ndaño ovikundiko, momo yi likasilili ño, lika wayo.
32
Olongamelo viayo vi linga ohuate, loviunda viayo vi pundiwa. Ava va lipemula avindi ndi va sanduila kolofeka viosi, ndi va nenela ohali kolonẽle viosi. Oco ca popia Yehova.
33
Hacore yi linga ofeka yolombulu, yi pongoloka ekalasoko ka li pui. Lomue o tungamo vali.
34
Ondaka ya Yehova yoku imbila Elami owanji yeya kuprofeto Yeremiya kefetikilo liokuviala kua Sedekiya, Soma ya Yuda.
35
Ca popia Yehova Ukualohoka ceci, hati, Tala, neya ohonji ye Elami haiyo ya koleliwa lavo okuti kokuayo oko kuli unene wavo.
36
Nenẽla Elami olofeka vikuãla vi tunda kavindi akuãla ilu, kuenje ndi va sanduila kolofeka viaco vikuãla viosi. Ka ku kala ofeka oko ava va tundisiwa ve Elami ka va endi.
37
Njokokisa Elami kovaso ovanyali vavo kuenda kovaso ava va sanda omuenyo wavo. Ndi va nenẽla ũvi loku va muisa onyeño yange ya tokota. Oco ca popia Yehova. Ndi va tumisa osipata toke nda va mala.
38
Numbika ocalo cange ve Elami kuenje nyõlamo Soma yavo lolombuale viavo. Oco ca popia Yehova.
39
Puãi koloneke viesulilo numbulula esumũlũho lia Elami. Oco ca popia Yehova.
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52