bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Mark 5
Mark 5
Umbundu Bible (Embimbiliya - Bíblia Sagrada em Umbundu)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 6 →
1
Kuenje va pitila kesinya liokalunga vofeka ya va Gerasa.
2
Eci a tunda vowato, haico omunu wa tunda volosonje a ñualehẽla laye, haeye o kuetiwe locilũlu ca vĩha.
3
Wa kala kala volosonje kuenje lomue wa tẽla oku u kuta vali, ndaño lalienge;
4
momo wa kutawaile olonjanja via lua lovikumbi lalienge, puãi alienge wa a tepa, lovikumbi wa vi teya. Lomue wa kala lolohõlo oku u pokuisa.
5
Uteke lutanya wa kala volosonje lo volomunda; wa kaloka, kuenje wa litãla tãla lovawe.
6
Oco, eci a muila Yesu kupãla, wa lupuka kuenje wo fendela.
7
Oku vilikiya londaka ya lua, wa linga hati, A Yesu, A Mõla a Suku Tõlo, o yongola oku linga nye lame? Hu livondela vonduko ya Suku, siti, Ku ka njambule.
8
Momo Yesu a popia ale laye hati, Acilũlu ca vĩha, weca.
9
Yesu yu wo pula hati, Ove elie? Yu wo kumbulula hati, Ame Lohoka, momo tua lua.
10
Kuenje vio livondela ca lua viti, Ku ka tu tundise vofeka.
11
Kua kala ocunda cinene colongulu ca lila kepato liomunda.
12
Kuenje ovilũlu vio livondela viti, Tu tume kolongulu okuti tu iñilamo.
13
Kuenje wa vi tava. Oco ovilũlu via vĩha vio tunda, kuenje via iñila volongulu. Ocunda colongulu ca soka ndolohũlũkãi vivali condumuhila vocingunguma, kuenje ca taka vokalunga.
14
Alisi vaco va tila yu va ci sapuila vimbo lo vofeka. Oco omanu veya oku tala eci ca lingiwa.
15
Veya ku Yesu, kuenje va tala u wa kuatiwile lovilũlu yu, wa tumala, wa wala, wa kaya, una wa kuatiwile lolohoka, kuenje va kala lusumba.
16
Ava vi ci mola va sapula ndeci ca lingiwa lu wa kuatiwile lovilũlu, leci ca lingiwa lolongulu.
17
Oco va fetika oku livondela Yesu okuti o tunda vofeka yavo.
18
Kuenje eci a soka oku wila vowato oco ulume una wa kuatiwile lovilũlu wo livondela oku kala laye.
19
Yesu puãi ka tavele, wa popia laye, hati, Kuende konjo yene kuenda ku vakuẽle. Va sapuila ovina viosi Suku a ku lingila, kuenda ndeci a ku linga ohenda.
20
Oco wa tundako, wa fetika oku sapuila vo Dekapoli ovina viosi Yesu o lingila, kuenje omanu vosi va komoha.
21
Eci Yesu a tiukila vali kesinya lowato oco owiñi wa lua wo liongoluila, kuenje wa kala kohulo yokalunga.
22
Kueya umue ukulu wosunangonga, onduko yaye Yairo. Oku mola Yesu, wo fendela,
23
yu wo livondela ca lua hati, Omõlange, okofeko, o yongola oku fa. Enju o wimbe ovaka ove, oco a kaye, a kale lomuenyo.
24
Oco wa enda laye. Owiñi wa lua wo kuama, yu vo sinda.
25
Umue ukãi wa pita osonde ekui lianyamo kanyamo avali,
26
kuenje wa tala ohali kolondotolo via lua, yu wa pesela cosi a kaile laco, haimo lohise lakamue, te oku vokiya.
27
Oco, omo a yeva oluhimo lua Yesu, weya lowiñi konyima yaye kuenje wa lamba kuwalo waye.
28
Momo wa linga hati, Ndaño ndamba ño kuwalo waye ñaya.
29
Haico okupita kuosonde yaye kua kotoka, kuenje wa limbuka vetimba liaye okuti wa kaya uvei waye.
30
Haico Yesu, omo a kũlĩha vutima waye okuti unene wo tunda, oco wa pongolokela vowiñi, kuenje hati, Helie wa lamba kuwalo wange?
31
Oco olondonge viaye via popia laye viti, O lete owiñi u kasi loku ku sinda, haimo o pula huti, Helie wa ndamba?
32
Oco wa pukukako oku vanja omunu wo lamba.
33
Ukãi waco, omo wa kũlĩha eci co lingiwa, weya lusumba loku luluma kuenje, oku u fendela, wo sapuila ocili cosi.
34
Oco Yesu wa popia laye hati, Amõlange, ekolelo liove lia ku popela. Kuende lombembua. Uvei wove wa ku tunda.
35
Osimbu a kala loku popia, kueya vamue va tunda kukulu wosunangonga, vo sapuila vati, Omõlove wa fa. O kavisila vali nye ulongisi?
36
Puãi eci va popia, Yesu ka ci kapeleko, oco wa popia lukulu wosunangonga hati, Ku ka kuate ohele, kolela ño.
37
Kuenje ka tavele umue oku enda laye, te Petulu la Tiago la Yoano, manja a Tiago.
38
Oco veya konjo yukulu wosunangonga, yu wa mola owiñi womanu va lila loku sinumula ca lua.
39
Eci a iñila, wa va pula hati, Nye vu yuelela? Vu lilila nye? Momo omõla ka file, wa pekela ño otulo.
40
Kuenje vo yola epembe. Puãi eye wa va tundisamo vosi, oco wa enda la isia yomõla la inaco lava va kala laye, kuenje wa iñila omu mu kasi omõla.
41
Yu, oku kuata omõla peka, wa popia laye hati, Talita kumi, ca lomboloka citi, Ofeko, hu sapuila siti, Pasuka.
42
Haico ufeko a votoka, kuenje enda, momo wa tẽla ekui lianyamo kanyamo avali. Kuenje va saluka okusaluka kua lua.
43
Yesu wa va kandangiya ca lua okuti lomue ka ka ci kũlĩhe, kuenje wa handeleka hati, A ihiwe okulia.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 6 →
All chapters:
1
2
3
4
5
6
7
8
9
10
11
12
13
14
15
16