Revelation 8

Umbundu Bible (Embimbiliya - Bíblia Sagrada em Umbundu)

← Chapter 7 Jump to: Chapter 9 →

1Eci Kameme a teya esitikilo liepanduvali kueya oku uha kilu ca soka meia hora.

2Nda mola ovangelo epanduvali vana va talayama kovaso a Suku. Kokuavo kua eciwa olombeta epanduvali.

3Kueyavo ungelo ukuavo wambata ociyukilo condalu culu, yu wa talama ocipepi lutala. Kokuaye kua eciwa insensu ya lua, okuti o yi kapa kumue lolohutililo violosandu viosi kutala wulu u kasi kovaso yocalo.

4Owisi winsensu wa tunda peka liungelo kuenje wa londela kilu ku Suku kumue lolohutililo violosandu.

5Oco ungelo wa nyañula ociyukilo, wa ci yukisa ondalu yokutala, yu wa cimba kilu lieve, kuenje kueya ovilemĩlo, lonjuvungo, loviliakulo, kuenda ondindimo.

6Ovangelo vaco epanduvali va kuete olombeta epanduvali vava, va liangiliyila oku sika.

7Ungelo watete wa sika olumbeta luaye, kuenje kueya ociwe londalu via litenga losonde, yu via imbiwa kilu lieve. Kilu lieve ombandu yatatu ya pia, lombandu yatatu yoviti ya piavo, lowangu wosi utalala wa pia.

8Ungelo wavali wa sika olumbeta luaye, kuenje cimue ca setahala ndomunda yinene ya taima londalu ca imbiwa vokalunga. Ombandu yatatu yokalunga ya pongoloka osonde.

9Ombandu yatatu yoviendalomuenyo viovokalunga ya fa, lombandu yatatu yolonaviyu ya nyõlehavo.

10Ungelo watatu wa sika olumbeta luaye kuenje kilu kua loka olumbungululu lunene lua tua ndumihi. Lua lokila kombandu yatatu yolondui lo kolono viovava.

11Onduko yolumbungululu luaco, Ndulu. Ombandu yatatu yovava ya linga ndondulu, lomanu va lua va fa lovava aco momo a lulisiwa.

12Ungelo wakuãla wa sika olumbeta luaye, kuenje ombandu yatatu yekumbi ya vetiwa, lombandu yatatu yosãi, lombandu yatatu yolombungululu, okuti ombandu yatatu yocinyi cavio ya vuvala, ombandu yatatu yutanya ka ya tuile, lowi haico.

13Oco nda vanja kuenje nda yeva ongonga yimue yulombo ya kala loku litetela lolukandi osimbu ya palala kilu. Ya litetela yiti, A mãi we, a mãi we! Ava va tunga kilu lieve we! Eci ku yevala okusikiwa kuolombeta vikuavo, evi ovangelo vatatu ndopo va sika, ongongo yavo yi lua we!

← Chapter 7 Jump to: Chapter 9 →

Recommended Reading

Commentary Revelation Commentaries → Devotional Revelation Devotional Guide → Get This Bible Umbundu Bible (Embimbiliya - Bíblia Sagrada em Umbundu) Study Bible →