bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Romans 14
Romans 14
Umbundu Bible (Embimbiliya - Bíblia Sagrada em Umbundu)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
1
U ka kõlẽle ketavo, u tambuli, puãi ko ko tambuili oku patãla ño ovisimilo viaye.
2
Osimbu umue a sima hati, Nẽla oku lia cosi, kuli ukuavo wa hongua ketavo o lia lika olombi.
3
U o lia ka ka pembule u ka li, lu ka li ka ka pise u o lia, momo Suku wo tambula.
4
Ove elie okuti o tetuluila ukuenje wamãle? Kovaso a cime caye muẽle pamue o yovoka, pamue o pia. Kuenje o talamisua muẽle, momo Ñala o tẽla oku u talamisa.
5
U kati, Oloneke via litepa, ukuavo hati, Oloneke viosi via lisoka. Omunu omunu a kolisue vutima waye muẽle.
6
U o sumbila eteke limue, o li sumbilila Ñala. Haicovo u o lia, o lila oku kemainya Ñala, momo o pandula Suku. Lu o yuvula ovilia vimue o vi yuvuila Ñala, kuenje o pandula Suku.
7
Lomue kokuetu o likasilili, lomue o lifila.
8
Momo nda tu kasi lomuenyo, tu u muila ku Ñala, nda tu fa, tu fila ku Ñala. Oco, ndaño tu kasi lomuenyo, ndaño tu fa, lopo tuvamãle va Ñala.
9
Momo, eci Kristu a fila, leci a kasilili vali lomuenyo, ceci okuti, o linga Ñala yava va fa lava va kasi lomuenyo.
10
Ove, nye o pisila manjove? Pamue nye o pembuila manjove? Momo etu vosi tu talama vekanga lia Suku.
11
Momo ca sonehiwa okuti, Ndeci ñasi lomuenyo, olongolo viosi vi ñekamela, kuenje alimi osi a tava ku Suku. Oco ca popia Ñala.
12
Oco etu vosi, omunu omunu o lilombolola ku Suku.
13
Oco ka tu ka lipisi pokati, puãi tu lipokuisi okuti lalimue eteke tu kapela manjetu ocilondokua pamue etatamiso.
14
Ame ndi ci, kuenje ñolela vu Ñala Yesu okuti lacimue ci vĩha oco muẽle, te ku wa soka hati, Ca vĩha, kokuaye ci vĩha.
15
Nda manjove o kasi loku tatamisua leci ove o lia, ca lomboloka okuti ove ku kasi oku endela vali vocisola. Ku ka nyõle lokulia kuove u Kristu a fila.
16
Ku ka tave okuti cimue ca sunguluka kokuove ci tukuiwa cĩvi lukuẽle.
17
Momo usoma wa Suku hakuliako loku nyua, te esunga lombembua kuenda esanju ve Espiritu Sandu.
18
Momo, u o vumba ndoco Kristu, o sanjuisa Suku, kuenje o sivayiwa lomanu.
19
Oco, tu kuami ovina vi koka ombembua haivio vi koka utima woku likuatisa pokati.
20
Ku ka nyõle upange wa Suku mekonda liokulia. Ocili, cosi ci yela, puãi, omunu oku nyõla ukuavo leci a lia, ekandu.
21
Oku likala oku lia ositu, pamue oku nyua ovinyu, pamue oku linga cimue cikuavo ci kapela manjove ocilondokua pamue cu leñelisa ketavo, oco esunga.
22
Ekolelo o kasi lalio li kale pokati kove la Suku. U ka lipisila ovina a tava wa sumũlũha.
23
Puãi u o kuatela eci a lia atatahãi, wa pia, momo ka li lekolelo. Cosi ka ci tundi kekolelo, ekandu.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
All chapters:
1
2
3
4
5
6
7
8
9
10
11
12
13
14
15
16